రోహిత్, రికెల్టన్ ధనాధన్- లఖ్​నవూను చిత్తుగా ఓడించిన ముంబయి

MI VS LSG IPL 2026 : హ్యాట్రిక్ ఓటముల తర్వాత ముంబయి ఇండియన్స్ గెలుపు బాట పట్టింది. స్టార్ బ్యాటర్ రోహిత్ శర్మ రాకతో బ్యాటింగ్​లో పటిష్ఠంగా మారిన ముంబయి భారీ టార్గెట్​ను ఛేజ్ చేసింది. లఖ్​నవూ నిర్దేశించిన 229 పరుగుల భారీ లక్ష్యాన్ని 4 వికెట్లు కోల్పోయి 18.2 ఓవర్లలో ఛేదించింది. ఓపెనర్లు రోహిత్ శర్మ (84 పరుగులు, 44 బంతుల్లో), ర్యాన్ రికెల్టన్ (83 పరుగులు, 32 బంతుల్లో) మెరుపు హాఫ్ సెంచరీలతో అదరగొట్టారు. చిలర్లో నమన్ ధీర్ (23 పరుగులు) మెరిపించాడు. లఖ్​నవూ బౌలర్లలో మనిమారన్ సిద్ధార్థ్ 2, మోహ్సిన్ ఖాన్, షమీ చెరో 1 వికెట్ దక్కించుకున్నారు.

అంతకుముందు బ్యాటింగ్ చేసిన లఖ్​నవూ 20 ఓవర్లలో 5 వికెట్ల నష్టానికి 228 పరుగులు చేసింది. ఈ సీజన్​లో పేలవ ఫామ్​తో విమర్శలు ఎదుర్కొన్న నికోలస్ పూరన్ తొలిసారి తన బ్యాట్​కు పని చెప్పాడు. 21 బంతుల్లోనే 61 పరుగులతో రఫ్పాడిచాడు. మిచెల్ మార్ష్ (44 పరుగులు), హిమ్మత్ సింగ్ (40), మార్​క్రమ్ (31) పరుగులు చేశారు. ముంబయి బౌలర్లలో కార్భిన్ బాష్ 2, విల్ జాక్స్, రఘు శర్మ, గజన్​ఫర్ తలో 1 వికెట్ పడగొట్టారు.

ఈ సీజన్​లో ముంబయికి ఇది మూడో విజయం. ఇప్పటిదాకా 10 మ్యాచ్​ల్లో ఏడింట్లో ఓడి, మూడు మ్యాచ్​ల్లో నెగ్గింది. ప్రస్తుతం 6 పాయింట్లతో తొమ్మిదో స్థానంలో ఉంది. మరోవైపు, లఖ్​నవూకు తొమ్మిది మ్యాచ్​ల్లో ఇది ఏడో ఓటమి. 4 పాయింట్లతో అట్టడుగు స్థానంలో ఉంది.

ఐపీఎల్ హిస్టరీలో ఇది ఐదో అత్యధిక టార్గెట్ ఛేజింగ్. 265 పరుగులు ఛేజించిన పంజాబ్​ ఈ లిస్ట్​లో టాప్​లో ఉంది. ఈ సీజన్​లోనే ఇటీవస దిల్లీతో జరిగిన మ్యాచ్​లో పంజాబ్ ఈ ఘనత నమోదు చేసింది. 264 పరుగుల టార్గెట్ రెండో స్థానంలో ఉంది. 2024లో కోల్​కతాపై పంజాబ్ కింగ్స్ జట్టే ఈ లక్ష్యాన్ని అందుకుంది. అలా టాప్ 2 టార్గెట్లను పంజాబే ఛేదించడం విశేషం. అయితే ఈ జాబితాలో టాప్ 6 భారీ టార్గెట్లలో ఈ సీజన్​లోనే నాలుగు నమోదు అయ్యాయి. ఇక ముంబయి ఇండియన్స్ జట్టుకు ఐపీఎల్​లో ఇదే అత్యధిక భారీ ఛేజింగ్. ఇంతకుముందు ఇదే సీజన్​లో కోల్​కతాపై ముంబయి 221 పరుగుల టార్గెట్​ను ఛేజ్ చేసింది.

IPLలో అత్యధిక లక్ష్యాల ఛేదనలు

• 265 - పంజాబ్ కింగ్స్ vs దిల్లీ- దిల్లీ, 2026
• 262 - పంజాబ్ కింగ్స్ vs కోల్‌కతా- కోల్‌కతా, 2024
• 246 - సన్​రైజర్స్ vs పంజాబ్ కింగ్స్ - హైదరాబాద్, 2025
• 244 - సన్​రైజర్స్ vs ముంబయి ఇండియన్స్- వాంఖడే, 2026
• 229 - సన్​రైజర్స్ vs రాజస్థాన్- జైపుర్, 2026
• 229 - ముంబయి ఇండియన్స్ vs లఖ్​నవూ- వాంఖడే, 2026*

IPLలో 200+ స్కోరును అత్యధిక సార్లు విజయవంతంగా ఛేదించిన జట్లు

• 11 - పంజాబ్ కింగ్స్
• 7 - ముంబయి ఇండియన్స్
• 6 - రాజస్థాన్ రాయల్స్
• 6 - సన్​రైజర్స్ హైదరాబాద్
• 5 - రాయల్ ఛాలెంజర్స్ బెంగళూరు

రోహిత్​కు ఫుల్ ఫ్రీడమ్ ఇచ్చిన మేనేజ్​మెంట్- లఖ్​నవూతో మ్యాచ్​లో బరిలోకి!

టీమ్​లో హార్దిక్ పాండ్యకు సపోర్ట్ లేదా?- కెప్టెన్ ఒంటరి పోరాటం చేస్తున్నాడా?- మాజీల అభిప్రాయమిదే!