బిగ్​బాస్ హోస్ట్​గా సౌరభ్ గంగూలీ - దాదా షో షురూ

Ganguly Bigg Boss 2026 : టీమ్ఇండియా మాజీ క్రికెటర్ సౌరభ్‌ గంగూలీ ఇప్పుడు బుల్లితెర ప్రేక్షకులను అలరించేందుకు రెడీ అవుతున్నాడు. అంటే మన మాజీ కెప్టెన్ ఆయన సిరీస్​ల్లోనో, సీరియల్స్​లోనో నటిస్తున్నాడనుకోకండి. గంగూలీ కనిపించేది వ్యాఖ్యాతగా. బెంగాలీ బిగ్​బాస్ రియాలిటీ షోకు ఆయన హోస్ట్​గా వ్యవహరించనున్నాడు. దాదాపు పదేళ్ల తర్వాత బెంగాళీ భాషలో బిగ్​బాస్ రీ లాంఛ్ అవుతోంది. ఈ క్రమంలో షో లో పాల్గొననున్న కంటెస్టెంట్లను కన్ఫర్మ్ చేస్తూ నిర్వాహకులు ఓ ప్రమోషనల్ వీడియో రిలీజ్ చేశారు.

మూడో సీజన్​కు గంగూలీ!
బెంగాళీ భాషలో బిగ్​బాస్ పదేళ్ల కిందటే ప్రారంభమైంది. మొదటి సీజన్‌కు మిథున్‌ చక్రవర్తి, రెండో సీజన్‌కు నటుడు జీత్‌ వ్యాఖ్యాతలుగా వ్యవహరించారు. అయితే పలు కారణాల వల్ల ఆ తర్వాత ఈ షో జరగలేదు. ఇప్పుడు మళ్లీ బిగ్​బాస్​ను బెంగాళీలో తీసుకొస్తున్నారు. ఈ మూడో సీజన్ బిగ్​బాస్​ ప్రోగ్రామ్ ఆగస్టు 30 నుంచి ప్రారంభం కానుంది. దీనికి హోస్ట్​గా వ్యవహరిస్తూ గంగూలీ బెంగాళీ ఆడియెన్స్​ను అలరించనున్నారు.

అయితే ఇలాంటి షోకు హోస్ట్​గా చేయడానికి గల కారణాలను కూడా గంగూలీ వెల్లడించాడు.‘‘'బిగ్‌బాస్‌ ఒక డిఫరెంట్​ షో. అందరికీ దగ్గరైన ప్రోగ్రామ్, సుదీర్ఘ విరామం తర్వాత బెంగాల్‌లో మళ్లీ మొదలు కానుంది. ఇంతకు ముందు వచ్చిన బిగ్‌బాస్‌ షో ఎపిసోడ్స్​ను ప్రతి రోజు చూసే సమయం ఉండేది కాదు. వీకెండ్‌ మాత్రం కచ్చితంగా చూసేవాడిని. అన్నింటికంటే ముఖ్యంగా సల్మాన్‌ఖాన్‌ హోస్ట్​గా ఎలా చేశారో బాగా పరిశీలించాను. ఈ షోను హోస్ట్ చేయడం నాకు కూడా ఆసక్తికరంగానే ఉంది' అని గంగూలీ అన్నాడు.

ఈ సీజన్​లో మొత్తం 15 మంది కంటెస్టెంట్​లను ఎంపిక చేశారు. వీరిని సినిమా, క్రీడలు, మ్యూజిక్‌, సోషల్‌ మీడియా ఇన్‌ఫ్లూయెన్సర్స్‌ వివిధ రంగాల్లో నుంచి సెలక్ట్ చేశారు. డిజైనర్ శ్యామ్ భట్ ఈ బిగ్​బాస్ హౌస్​ను 7000 చదరపు అడుగుల్లో సరికొత్తగా డిజైన్‌ చేశారు. ఇందులో 55 కెమెరాలు అమర్చారు. లోపల కంటెస్టెంట్​ల ప్రతి మూమెంట్‌ను కెమెరాలతో రికార్డు చేయనున్నారు. ఈరోజు (ఆగస్టు 30) రాత్రే ఈ బిగ్‌బాస్‌ సీజన్‌- 3 గ్రాండ్‌ ప్రీమియర్‌ వేడుక జరగనుంది. ఈ గ్రాండ్‌ ప్రీమియర్‌కు టీమ్‌ఇండియా మాజీ స్పిన్నర్ హర్భజన్‌సింగ్‌ కూడా విచ్చేసి సందడి చేసినట్లు ప్రోమోలో చూపించారు. ఇక రేపట్నుంచి నుంచి రెగ్యులర్‌ ఎపిసోడ్‌లు ఉంటాయి. ఓటీటీలో జియో హాట్‌స్టార్‌ వేదికగా 24x7 స్ట్రీమింగ్‌ అందుబాటులో ఉంటుంది.

భారీ రెమ్యూనరేషన్!
బిగ్​బాస్ అనేది సుదీర్ఘమైన షో. రెండు నెలలకు పైగా ఈ షో సాగుతుంటుంది. అయితే ఇంత లాంగ్ ప్రోగ్రామ్​ కోసం దాదా భారీగానే రెమ్యూనరేషన్ అందుకుంటున్నట్లు తెలుస్తోంది. ఈ ఒక్క సీజన్​కే రూ.120 కోట్ల పారితోషికం తీసుకుంటున్నట్లు వార్తలు వస్తున్నాయి. అయితే దీనిపై క్లారిటీ రావాల్సి ఉంది. ఒకవేళ ఇది నిజమైతే మాత్రం బుల్లితెర హోస్టుల్లో ఇది ఒక రికార్డు అవుతుంది. అలాగే గంగూలీ గతంలోనూ బుల్లితెరపై హోస్టింగ్ చేశాడు. బెంగాళీలో దాదాగిరి అన్​లిమిటెట్ అనే క్విజ్ ప్రోగ్రామ్​కు వ్యాఖ్యాతగా వ్యవహరించాడు. అయితే బిగ్​బాస్ రియాలిటీ షో కాబట్టి, ఇందులో కంటెస్టెంట్​లపై దాదా ఎలాంటి పంచ్​లు వేస్తాడు? వాళ్లు చేసే తప్పులను ఎలా ఎత్తి చూపుతాడని ఆసక్తిగా ఉంది.

'33 వేల మందికి టికెట్ డబ్బులు వాపసు ఇచ్చేస్తాం'- మెస్సి ఈవెంట్​పై సీఎం సువేందు

15ఏళ్లకే కెప్టెన్​గా వైభవ్ సూర్యవంశీ - చిన్నోడి ఖాతాలో మరో రికార్డ్