ఉత్కంఠ పోరులో ఇంగ్లాండ్ విజయం- కివీస్ ఓటమితో పాకిస్థాన్ ఖుష్!
T20 World Cup - ఇంగ్లాండ్పై న్యూజిలాండ్ విజయం- కివీస్ ఓటమితో పాకిస్థాన్ అశలు సజీవం!- ఆసక్తికరంగా గ్రూప్ 2 సెమీస్ రేస్
Published : February 27, 2026 at 10:49 PM IST
England vs New Zealand T20 World Cup : సూపర్ 8లో ఇంగ్లాండ్ హ్యాట్రిక్ నమోదు చేసింది. తాజాగా న్యూజిలాండ్తో జరిగిన మ్యాచ్లో 4 వికెట్ల తేడాతో నెగ్గింది. దీంతో గ్రూప్ 2లో సెమీస్ రేసు ఇంకా ఆసక్తికరంగా మారింది. కివీస్ నిర్దేశించిన 160 పరుగుల టార్గెట్ను ఇంగ్లాండ్ 6 వికెట్లు కోల్పోయి 19.3 ఓవర్లో ఛేదించింది. టామ్ బంటన్ (33 పరుగులు) రాణించాడు. విల్ జాక్స్ (32 పరుగులు), రెహాన్ అహ్మద్ (19 పరుగులు, 7 బంతుల్లో) చివర్లో మెరుపులు మెరిపించడంతో ఉత్కంఠ పోరులో ఇంగ్లిష్ జట్టు విజయం సాధించింది. కివీస్ బౌలర్లలో రచిన్ 3, మ్యాట్ హెన్రీ, లాకీ ఫెర్గ్యూసన్, గ్లెన్ ఫిలిప్స్ తలో 1 వికెట్ దక్కించుకున్నారు.
తాజా ఓటమితో కివీస్ సెమీఫైనల్ అవకాశాలు అత్యంత సంక్లిష్టం అయ్యాయి. సూపర్ 8లో ఒక్కో విజయం, ఓటమి (మరో మ్యాచ్ రద్దు)తో న్యూజిలాండ్ మూడు పాయింట్లతో రెండో స్థానంలో ఉంది. మరోవైపు ఈ మ్యాచ్ ఫలితంతో పాకిస్థాన్ సంతోషంగా ఉంది. కివీస్ ఓడడంతో పాక్ సెమీస్ రేస్లో ఉంది. రేపు శ్రీలంకతో జరగనున్న మ్యాచ్లో పాక్ భారీ తేడాతో నెగ్గితే సెమీస్కు అర్హత సాధిస్తుంది. ప్రస్తుతం కివీస్ రన్రేట్ +1.390 (3 పాయింట్లు)తో ఉండగా, పాకిస్థాన్ -0.461 (1 పాయింట్) మూడో ప్లేస్లో ఉంది.
అంతకుముందు బ్యాటింగ్ చేసిన కివీస్ 20 ఓవర్లలో 159 పరుగులు చేసింది. గ్లెన్ ఫిలిప్స్ (39 పరుగులు), టిమ్ (35 పరుగులు) రాణించారు. ఇంగ్లాండ్ బౌలర్లలో ఆదిల్ రషీద్, విల్ జాక్స్, రెహాన్ అహ్మద్ తలో 2, లియామ్ డాసన్ 1 వికెట్ దక్కించుకున్నారు.
Will Jacks & Rehan Ahmed pull off a stunning chase as England finish the Super 8s unbeaten! 🤯
— Star Sports (@StarSportsIndia) February 27, 2026
SL 🆚 PAK will decide the semi-final fate of PAK & NZ! 👀
Up next: ICC Men’s #T20WorldCup 2026 👉 SUPER 8 | #SLvPAK | SAT, 28th FEB, 6 PM pic.twitter.com/jhOkgPX8D4
జాక్స్ అరుదైన రికార్డ్
తొలుత బౌలింగ్ అనంతరం బ్యాటింగ్లో అదరగొట్టిన విల్ జాక్స్కు ప్లేయర్ ఆఫ్ ది మ్యాచ్ అవార్డు దక్కింది. ప్రస్తుత టోర్నీలోనే ఈ అవార్డును విల్ జాక్స్ మూడుసార్లు అందుకోవడం విశేషం. దీంతో సింగిల్ టీ20 వరల్డ్కప్ ఎడిషన్లో అత్యధికసార్లు ప్లేయర్ ఆఫ్ ది మ్యాచ్ అవార్డు దక్కించుకున్న రెండో క్రికెటర్గా సికందర్ రజాతో సమానంగా నిలిచాడు. ఈ జాబితాలో ఆస్ట్రేలియా మాజీ ఆల్రౌడండర్ షేన్ వాట్సన్ టాప్లో ఉన్నాడు. అతడు 2012 టీ20 ప్రపంచకప్ ఎడిషన్లో 4 సార్లు ఈ అవార్డు అందుకున్నాడు.
సింగిల్ T20 వరల్డ్కప్ ఎడిషన్లో అత్యధిక ప్లేయర్ ఆఫ్ ది మ్యాచ్ అవార్డులు అందుకున్న క్రికెటర్లు
- 4 - షేన్ వాట్సన్ (ఆస్ట్రేలియా)- 2012
- 4 - విల్ జాక్స్ ( విల్ జాక్స్)- 2026
- 3 - సికందర్ రజా (జింబాబ్వే)- 2022
స్పిన్నర్లదే బలం
ఈసారి ఆయా జట్లు గతంలోకంటే భిన్నంగా ఆలోచిస్తున్నాయి. ఈ క్రమంలోనే స్పిన్నర్లతో అత్యధిక ఓవర్లు బౌలింగ్ చేయిస్తున్నాయి. ఈ మ్యాచ్లోనూ ఇరుజట్లు ఎక్కువగా స్పిన్ బలాన్నే ప్రదర్శించాయి. ఓవరాల్గా 40 ఓవర్ల మ్యాచ్ (రెండు జట్ల బ్యాటింగ్ కలిపి)లో స్పిన్నర్లే మొత్తం 31 ఓవర్లు బౌలింగ్ చేయడం విశేషం. దీంతో టీ20 వరల్డ్కప్లో ఎక్కువ ఓవర్లు స్పిన్నర్లే బౌలింగ్ చేసిన మ్యాచ్గా భారత్- పాక్ మ్యాచ్తో సమంగా నిలిచింది.
ఇదే సీజన్లో శ్రీలంక వేదికగా ఇటీవల జరిగిన భారత్- పాక్ మ్యాచ్లోనూ స్పిన్నర్లు 31 ఓవర్లు బౌలింగ్ చేశారు. అలాగే ఈ టోర్నీలోనే శ్రీలంక- న్యూజిలాండ్ మ్యాచ్లోనూ 30 ఓవర్లు స్పిన్నర్లు బౌలింగ్ చేశారు. అంటే ఈ ఎడిషన్లోనే మూడు మ్యాచ్ల్లో 30పై చిలుకు ఓవర్లను స్పిన్నర్లు బౌలింగ్ చేశారు.
T20 ప్రపంచ కప్ మ్యాచ్లో అత్యధిక ఓవర్ల స్పిన్ బౌలింగ్
- 31.0 ఓవర్లు - భారత్ vs పారిస్థాన్ - కొలంబో, 2026
- 31.0 ఓవర్లు - న్యూజిలాండ్ vs ఇంగ్లాండ్- కొలంబో, 2026
- 30.0 ఓవర్లు - శ్రీలంక vs న్యూజిలాండ్- కొలంబో, 2026
- 26.0 ఓవర్లు - ఆస్ట్రేలియా vs పాకిస్థాన్- కొలంబో, 2012
- 25.4 ఓవర్లు - భారత్ vs వెస్టిండీస్- మీర్పూర్, 2014
'నాన్సెన్స్కు బ్యాట్తోనే సమాధానం- ముందుకు సాగిపోండి సార్!'- అభిషేక్పై యువీ ప్రశంసలు
సౌతాఫ్రికా గ్రాండ్ విక్టరీ- చిత్తుగా ఓడిన వెస్టిండీస్- టీమ్ఇండియా ఫ్యాన్స్ ఖుష్!
