Parents leave child In Bus stop : అభం శుభం తెలియని ఇద్దరి పిల్లలను గుర్తుతెలియని వ్యక్తులు ప్రయాణ ప్రాంగణంలో వదిలివెళ్లిన అమానవీయ ఘటన సంగారెడ్డి జిల్లాలోని పటాన్చెరులో చోటుచేసుకుంది. దీనిపై సమాచారం అందుకున్న పోలీసులు చిన్నారులను చైల్డ్లైన్ సిబ్బందికి అప్పగించారు.
పటాన్చెరు ప్రయాణ ప్రాంగణంలో ఇద్దరు చిన్నారులు ఒంటరిగా ఉండటాన్ని స్వీపర్లు గమనించారు. ఆ పిల్లల తల్లిదండ్రులు ఎవరైనా వస్తారేమో అని చూసినప్పటికీ ఫలితం లేకపోవడంతో వారు పటాన్చెరు పోలీసులకు సమాచారమిచ్చారు. దీంతో పోలీసులు అక్కడకు చేరుకుని నాలుగేళ్ల వయసున్న బాబు, ఏడాది వయసున్న పాపను పోలీస్స్టేషన్కు తరలించారు. వారి తల్లిదండ్రుల వివరాల కోసం ప్రయత్నించినప్పటికీ లభ్యం కాలేదు. దీంతో చైల్డ్హెల్ప్లైన్కు అధికారులు సమాచారం ఇచ్చి వారికి అప్పగించినట్లు పటాన్చెరు సీఐ ప్రవీణ్కుమార్ రెడ్డి తెలిపారు.
