బీచ్‌లో దారుణం - ఓ వ్యక్తి గొంతు కోసి పరారైన దుండగులు

Murder in Bapatla Suryalanka Beach: బాపట్లలో దారుణం చోటు చేసుకుంది. నిత్యం సందర్శకులతో సందడిగా ఉండే సూర్యలంక బీచ్​లో దారుణ హత్య కలకలం రేపింది. ఏసుబాబు అనే వ్యక్తిని గుర్తు తెలియని వ్యక్తులు కత్తులతో గొంతు కోసి దారుణంగా హత్య చేశారు. సూర్యలంక తీరంలో అతని మీద దాడి చేయగా, ద్విచక్ర వాహనంపై ఓ షాపు ముందుకు వచ్చి పడిపోయాడు. కొనఊపిరితో కొట్టుమిట్టాడుతూ ప్రాణం వదిలాడు. అంబులెన్స్​కు స్థానికులు ఫోన్ చేసినా సకాలంలో స్పందించలేదని అక్కడ ఉన్నవారు ఆరోపించారు. అంబులెన్స్ వచ్చే సమయానికి అతను ప్రాణాలు వదిలాడు. ఘటనా స్థలానికి చేరుకున్న పోలీసులు ఆ ప్రాంతాన్ని పరిశీలించి, స్థానికులను వివరాలు అడిగి తెలుసుకున్నారు. విచారణ జరుగుతుందని, నిందితులను త్వరలోనే పట్టుకుంటామని తెలిపారు. అనంతరం మృతదేహాన్ని బాపట్ల ఏరియా వైద్యశాలకు తరలించారు. కళకళలాడే సూర్యలంక బీచ్​లో దారుణంగా హత్య జరగటంతో పర్యాటకులంతా భయంతో అక్కడ నుంచి వెళ్లిపోయారు.