కరీంనగర్​ అభివృద్ధిపై మంత్రి పొన్నం, ఎమ్మెల్యే గంగుల కమలాకర్​తో చర్చిస్తా : బండి సంజయ్

Central Minister Bandi Sanjay on karimnagar Development : కరీంనగర్​కు నిధులు తెచ్చే బాధ్యత తనదేనని కేంద్ర సహాయక మంత్రి బండి సంజయ్​ హామీ ఇచ్చారు. కరీంనగర్​ కార్పొరేటర్లు బండి సంజయ్​ను సన్మానించారు. ఈ సందర్భంగా మాట్లాడిన ఆయన జన్మభూమి కరీంనగర్​ గడ్డ రుణం తీర్చుకుంటానన్నారు. కరీంనగర్​ను అద్దంలా తీర్చిదిద్దుతానని తెలిపారు. జిల్లా అభివృద్ధిపై మంత్రి పొన్నం ప్రభాకర్​, ఎమ్మెల్యే గంగుల కమలాకర్​తో చర్చిస్తానని వివరించారు. స్మార్ట్​ సిటీ పనులను మిగిలిన నిధులు త్వరలోనే మంజూరు చేయిస్తానని స్పష్టం చేశారు. తనకు ఓట్లు వేసి గెలిపించిన ప్రజలందరికి ధన్యవాదాలు తెలిపారు.