Reetika Hooda Paris 2024: పారిస్ ఒలింపిక్స్లో రెజ్లర్ రీతికా హుడా క్వార్టర్ ఫైనల్స్లో ఓడింది. శనివారం జరిగిన మహిళల ఫ్రీస్టైల్ (76 కేజీలు) క్వార్టర్ ఫైనల్ బౌట్లో టాప్ సీడ్ ఐపెరి మెడెట్ కైజీ (కిర్గిస్థాన్) చేతిలో ఓడిపోయింది. అయితే పారిస్ ఒలింపిక్స్లో రీతికా పోరాటం అప్పుడే ముగియలేదు. ఐపెరి కైజీ ఫైనల్కు అర్హత సాధిస్తే, రీతికా రెపిచేజ్ రౌండ్ ఆడే ఛాన్స్ ఉంటుంది.
కాగా, అంతకుముందు జరిగిన ఫ్రీ స్ట్రైల్ 76కేజీల విభాగం రౌండ్ 16లో రీతిక నెగ్గింది. ఆమె 8వ సీడ్ బెర్నాడెట్ నాగి (హంగేరీ)పై 12-2 తేడాతో విజయం సాధించి క్వార్టర్స్కు అర్హత సాధించింది. కానీ, తాజాగా క్వార్టర్స్లో నిరాశ పర్చింది. ఇక ప్రస్తుత ఒలింపిక్స్లో భారత్ ఖాతాలో 6 పతకాలు ఉన్నాయి. అందులో ఒకటి రజతం, మిగిలిన 5 కాంస్యాలు.
