కమ్మని "పుదీనా కొబ్బరి చట్నీ" - అన్ని టిఫెన్స్​లోకి పర్ఫెక్ట్​ - ఈజీగా చేసుకోవచ్చు!

Tasty Pudina Kobbari Chutney: ఇడ్లీ, దోశ, వడ, బోండా ఇలా టిఫెన్​ ఏదైనా ఇష్టంగా తినాలంటే అందులోకి చేసే చట్నీ టేస్టీగా ఉండాలి. అందుకే మెజార్టీ పీపుల్​ పల్లీ చట్నీని ప్రిపేర్​ చేస్తుంటారు. ఇది టేస్టీగా ఉండటంతో పాటు ఈజీగా చేసుకోవచ్చు. అయితే టిఫెన్స్​లోకి ఎప్పుడూ పల్లీ చట్నీనే కాకుండా ఓసారి పుదీనా కొబ్బరి చట్నీ చేయండి. అమోఘంగా ఉంటుంది. తయారు చేసుకోవడం కూడా సులువే. అంతేకాకుండా టిఫెన్​ ఏదైనా ఈ చట్నీ కాంబో అద్దిరిపోతుంది. మరి లేట్​ చేయకుండా అమోఘమైన పుదీనా కొబ్బరి చట్నీ ఎలా చేయాలో చూసేయండి.

పుదీనా (Getty Images)

కావాల్సిన పదార్థాలు:

• నూనె - 2 టీస్పూన్లు
• పచ్చి శనగపప్పు - 1 టీస్పూన్​
• మినప్పప్పు - 1 టీస్పూన్​
• జీలకర్ర - అర టీస్పూన్​
• అల్లం ముక్క - చిన్నది
• వెల్లుల్లి రెబ్బలు - 5
• చింతపండు - 3 రెబ్బలు
• పచ్చిమిర్చి - 5
• పుదీనా ఆకులు - గుప్పెడు
• పుట్నాల పప్పు - పావు కప్పు
• పచ్చి కొబ్బరి తురుము - 1 కప్పు
• ఉప్పు - రుచికి సరిపడా

పచ్చి కొబ్బరి (Getty Images)

తాలింపు కోసం:

• నూనె - 2 టీస్పూన్లు
• ఆవాలు - అర టీస్పూన్​
• మినప్పప్పు - అర టీస్పూన్​
• ఎండుమిర్చి - 3
• కరివేపాకు - 2 రెమ్మలు
• ఇంగువ - చిటికెడు

పుట్నాల పప్పు (Getty Images)

తయారీ విధానం:

• ఈ చట్నీ కోసం పచ్చి కొబ్బరిని సన్నగా తురిమి ఓ కప్పు పరిమాణంలో తీసుకుని పక్కన ఉంచాలి. అలాగే తాజా పుదీనా ఆకులను సన్నగా కట్​ చేసుకోవాలి.
• స్టవ్​ ఆన్​ చేసి పాన్​ పెట్టి నూనె పోసి వేడి చేసుకోవాలి. కాగిన నూనెలో శనగపప్పు, మినప్పప్పు వేసి దోరగా వేయించాలి.
• ఈ పప్పులు వేగిన తర్వాత జీలకర్ర, అల్లం ముక్క, వెల్లుల్లి రెబ్బలు, చింతపండు, పచ్చిమిర్చి వేసి బాగా కలిపి వేయించాలి.

పచ్చిమిర్చి (ETV Bharat)

• వెల్లుల్లి మిశ్రమం కూడా ఫ్రై అయిన తర్వాత కట్​ చేసిన పుదీనా తరుగు వేసి మగ్గించాలి.
• పుదీనా ఆకులు మగ్గిన తర్వాత పుట్నాల పప్పు, పచ్చి కొబ్బరి తురుము వేసి అంతా కలిసేలా మిక్స్​ చేసి ఓ నిమిషం మగ్గించాలి.
• అనంతరం స్టవ్​ ఆఫ్​ చేసి పూర్తిగా చల్లారనివ్వాలి. మిక్సీజార్​లోకి చల్లారిన పుదీనా కొబ్బరి మిశ్రమం, రుచికి సరిపడా ఉప్పు వేసి కొద్దికొద్దిగా నీళ్లు పోసుకుంటూ వీలైనంత మెత్తగా గ్రైండ్​ చేసుకోవాలి.

చింతపండు (Getty Images)

• అస్సలు పలుకు అనేది లేకుండా రుబ్బుకున్న పచ్చడిని ఓ గిన్నెలోకి తీసుకోవాలి. ఇప్పుడు తాలింపు పెట్టుకోవాలి.
• అందుకోసం స్టవ్​ ఆన్​ చేసి పాన్​ పెట్టి నూనె పోసుకోవాలి. కాగిన నూనెలో మినప్పప్పు, ఆవాలు వేసి వేయించుకోవాలి.
• అనంతరం ఎండుమిర్చి వేసి వేయించి స్టవ్​ ఆఫ్​ చేయాలి. చివరగా కరివేపాకు, ఇంగువ వేసి వేయించి గ్రైండ్​ చేసిన పచ్చడిలో కలుపుకుంటే ఎంతో రుచికరంగా ఉండే పుదీనా కొబ్బరి చట్నీ రెడీ. నచ్చితే మీరూ ట్రై చేయండి.

పుదీనా కొబ్బరి చట్నీ (ETV Bharat)

చిట్కాలు:

• ఈ పచ్చడిలో కారం కాస్త తక్కువగానే ఉంటుంది. ఒకవేళ మీకు స్పైసీగా కావాలనుకుంటే మరికొన్ని పచ్చిమిర్చి యాడ్​ చేసుకోవచ్చు.
• పుదీనా, కొబ్బరి తురుము తాజాగా ఉంటే టేస్ట్​ చాలా బాగుంటుంది.

ఉడిపి స్టైల్​ "వెజ్​ పులావ్​" - ఈ మసాలా పేస్ట్​ వేసి చేస్తే అద్భుతం - లంచ్​బాక్స్​లకు పర్ఫెక్ట్​!

కమ్మని "ఉసిరికాయల ముక్కల పచ్చడి" - పక్కా కొలతలతో సంవత్సరం నిల్వ!