పాతకాలం పద్ధతిలో "రాగి అంబలి" - తయారీ సింపుల్​ - టేస్ట్​ వేరే లెవల్​!

Summer Special Ragi Malt: ఎండలు క్రమక్రమంగా పెరుగుతున్నాయి. ఇక ఎండల నుంచి ఉపశమనం పొందేందుకు చాలా మంది రకరకాల జావలు తాగుతుంటారు. మరీ ముఖ్యంగా రాగి అంబలిని ఎక్కువగా ప్రిపేర్​ చేసుకుంటుంటారు. సమ్మర్​లో రాగి జావ తాగడం వల్ల బాడీ కూల్​ అవుతుంది. అయితే ఈ జావను అందరూ చేస్తుంటారు కానీ కొద్దిమంది మాత్రమే టేస్టీగా చేస్తుంటారు. అయితే ఇకపై అంబలి చేసేటప్పుడు ఈ ప్రాసెస్​ ఫాలో అయితే ప్రతి ఒక్కరూ టేస్టీగా ప్రిపేర్​ చేయవచ్చు. తయారు చేసుకోవడం కూడా సులువే. మరి లేట్​ చేయకుండా ఆరోగ్యానికి మేలు చేసే రాగి అంబలి ఎలా చేసుకోవాలో చూసేయండి.

రాగి పిండి (Getty Images)

కావాల్సిన పదార్థాలు:

• రాగి పిండి - ముప్పావు కప్పు
• నీళ్లు - సరిపడా
• పెరుగు - 1 కప్పు
• ఉప్పు - రుచికి సరిపడా
• జీలకర్ర పొడి - అర టీస్పూన్​
• ఉల్లిపాయ - 1
• పచ్చిమిర్చి - 2
• కొత్తిమీర తరుగు - కొద్దిగా

పెరుగు (Getty Images)

తయారీ విధానం:

• మిక్సింగ్​ బౌల్​లోకి రాగి పిండిని తీసుకుని 1 కప్పు నీళ్లు పోసి ఉండలు లేకుండా అంతా కలిసేలా మిక్స్​ చేసుకోవాలి. ఇలా కలుపుకున్న పిండిని పక్కన ఉంచాలి.
• స్టవ్​ ఆన్​ చేసి వెడల్పాటి పాన్​ పెట్టి 4 కప్పుల వాటర్​ పోసుకోవాలి. వాటర్​ మరుగుతున్నప్పుడు సిమ్​లో పెట్టి కలిపి పెట్టుకున్న రాగి పిండిని తీసుకుని ఉండలు లేకుండా కలుపుతూ ఉడికించాలి.
• రాగి పిండి మిశ్రమం ఉడికి చిక్కని పేస్ట్​లా మారినాక స్టవ్​ ఆఫ్​ చేసి పక్కన పెట్టి పూర్తిగా చల్లారనివ్వాలి.

ఉల్లిపాయలు (Getty Images)

• రాగి మిశ్రమం కూల్​ అయినాక గరిటెతో ముద్దలాగా కలుపుకోవాలి. ఇప్పుడు ఈ పిండి ముద్దను కొద్దికొద్దిగా తీసుకుని బాల్స్​ లాగా చేసుకోవాలి.
• వెడల్పాటి మిక్సింగ్​ బౌల్​లోకి లీటర్​ నీళ్లు పోసుకుని ప్రిపేర్​ చేసుకున్న రాగి బాల్స్​ వేసుకుని మూత పెట్టి రాత్రంతా పులియబెట్టాలి.
• మరుసటి రోజు ఉదయం పులిసిన రాగి ముద్దలను అదే నీటిలో కలుపుతూ చిక్కగా చేసుకోవాలి. అస్సలు ఉండలు లేకుండా అంతా కలిసేలా మిక్స్​ చేసుకుని రెడీగా ఉంచాలి.

పచ్చిమిర్చి (Getty Images)

• ఇప్పుడు పచ్చిమిర్చి, కొత్తిమీర, ఉల్లిపాయను వీలైనంత సన్నగా కట్​ చేసుకోవాలి.
• రాగి పిండిలోనికి పెరుగు, రుచికి సరిపడా ఉప్పు వేసి మరోసారి స్మూత్​ కన్సిస్టెన్సీ వచ్చేలా మిక్స్​ చేసుకోవాలి.
• ఈ విధంగా కలుపుకున్నాక అందులోకి జీలకర్ర పొడి, పచ్చిమిర్చి, కొత్తిమీర, ఉల్లిపాయ తరుగు వేసి కలిపి సర్వ్​ చేసుకుంటే సరి. ఎంతో టేస్టీగా ఉండే రాగి అంబలి రెడీ. నచ్చితే మీరూ ట్రై చేయండి.

రాగి అంబలి (ETV Bharat)

చిట్కాలు:

• కచ్చితంగా ఉడికించిన రాగి పిండిని నీటిలో రాత్రంతా పులియబెట్టాలి. ఇలా చేయడం వల్లనే పోషకాలు శరీరానికి అందుతాయి.
• రాగి పిండి చక్కగా ఉడికి చిక్కని పేస్ట్​లా మారి పాన్​కు అంటుకోకుండా ఉన్నప్పుడు మాత్రమే స్టవ్​ ఆఫ్​ చేసి చల్లారనివ్వాలి.
• పెరుగు తాజాది తీసుకుంటేనే అంబలి రుచి బాగుండి పిల్లలు కూడా ఇష్టంగా తాగుతారు.
• రాగి ముద్దలను పులియబెట్టడానికి స్టీల్​ గిన్నెల బదులు మట్టి పాత్రలు వాడితే రుచితో పాటు ఆరోగ్యం కూడా.
• రాగి అంబలిలో అల్లం తరుగు కూడా యాడ్​ చేసుకోవచ్చు. ఇంకా అంబలిని తాగేముందు కాస్త నిమ్మరసం కలుపుకుంటే ఎక్ట్స్రా రుచిగా ఉంటుంది.

తెలంగాణ స్టైల్​లో సూపర్ టేస్టీ "సల్ల చారు" - ఒంటికి చలువ, పొట్టకి హాయిగా!

పల్లీలు, టమాటాలతో కిర్రాక్​ "చట్నీ" - 10 నిమిషాల్లో రెడీ - అన్ని టిఫెన్స్​లోకి అదుర్స్​!