టిఫిన్ ఏదైనా సరే టమోటా కారంతో కమ్మగా తినేయొచ్చు - చట్నీ, పల్లీలు అవసరమే లేదు!

TOMATO CHUTNEY : ఉదయం అల్పాహారంలో దాదాపు ప్రతి ఇంట్లో ఇడ్లీ, దోసె, గుంతపొంగనాలు సహజమే. అయితే, ఎప్పుడూ పల్లీ చట్నీ కాకుండా ఓ సారి ఇలా టమోటా కారం చేసి పెట్టుకుంటే చాలు! టిఫిన్ ఏదైనా సరే ఎంతో టేస్టీగా తినేయొచ్చు. ఒక్కసారి చేసి ఫ్రిజ్​లో పెట్టుకోవడం వల్ల ఎంతో టైం ఆదా చేసుకోవచ్చు. అత్యవసర పనులు ఉన్నపుడు, టైం లేనపుడు ఇలాంటి చట్నీతో కమ్మగా తినేయొచ్చు. ఇక్కడ ఇచ్చిన విధంగా ఓ సారి టమోటా కారం ట్రై చేసి చూడండి.

సాయంత్రం వేడివేడిగా తినాలనిపిస్తే ఇలా చేసుకోండి! - సింపుల్​గా అప్పటికప్పుడు తయారు చేసుకోవచ్చు!

టమోటాలు (Getty images)

కావల్సిన పదార్థాలు :

• ఎండుమిర్చి - 8
• వెల్లుల్లి రెబ్బలు - 10
• ఉల్లిపాయలు - 2
• టమోటాలు - 4
• కొత్తిమీర - కొద్దిగా
• పుదీనా - కొద్దిగా
• నూనె - 2 టేబుల్ స్పూన్లు
• ఆవాలు - అర స్పూన్
• మినప గుండ్లు - అర స్పూన్
• శనగపప్పు - 1 స్పూన్
• జీలకర్ర - అర స్పూన్
• కరివేపాకు - 1 రెమ్మ
• ఇంగువ - చిటికెడు

ఎండు మిర్చి (Getty images)

ఆవాలు (Getty images)

తయారీ విధానం :

• మిక్సీ జార్​లో 8 ఎండుమిర్చి, 10 వెల్లుల్లి రెబ్బలు, 2 ఉల్లిపాయ ముక్కలు వేసుకుని మెత్తగా గ్రైండ్ చేసుకోవాలి. ఆ తర్వాత శుభ్రం చేసిన టమోటాలను ముక్కలు, కొత్తిమీర, కొద్దిగా పుదీనా కట్ చేసుకుని వేసుకోవాలి. మెత్తగా గ్రైండ్ చేసుకుని పక్కన పెట్టుకోవాలి.
• ఇపుడు స్టవ్ పై ప్యాన్ పెట్టుకుని 2 టేబుల్ స్పూన్ల నూనె పోసుకోవాలి. నూనె వేడెక్కిన తర్వాత ఆవాలు, మినప గుండ్లు, శనగపప్పు, జీలకర్ర వేసుకోవాలి. సన్నటి మంటపై వేయించిన తర్వాత కరివేపాకు, కొద్దిగా ఇంగువ వేసుకుని కలపాలి.

ఉల్లిపాయలు (Getty images)

• ఇపుడు కడాయిలోకి గ్రైండ్ చేసిన టమోటా, ఉల్లిపాయ మిశ్రమం వేసుకోవాలి. రుచికి సరిపడా ఉప్పు, కొద్దిగా పసుపు వేసుకుని కలుపుతూ 5 నిమిషాలు ఉడికించుకోవాలి. మంట మీడియం ఫ్లేమ్​లో పెట్టుకుని ఉడికించుకుంటే టమోటాల్లో నీరు ఇంకి పోయి నూనె తేలుతుంది. ఇలా నూనె తేలే వరకు మూతపెట్టుకుని మధ్య మధ్యలో కలుపుతూ ఉడికించుకోవాలి.

వెల్లుల్లి (Getty images)

• ఇలా రెడీ చేసుకున్న టమోటా కారం ఓ గాజు సీసాలో భద్రం చేసుకుంటే వారం రోజులు నిల్వ ఉంటుంది. ఎప్పుడు కావాలనుకుంటే అపుడు వాడుకోవచ్చు. ఇడ్లీ, దోసెల్లాంటి టిఫిన్లతో పాటు వేడి వేడిగా అన్నంలోకి నెయ్యి వేసుకుని తింటుంటే అద్భుతంగా ఉంటుంది. ఈ సింపుల్ రెసిపీని ఇదే విధంగా కొత్త వాళ్లైనా సరే ఇంట్లో ఈజీగా చేసుకోవచ్చు.

రాయలసీమ స్టైల్ "చామదుంప కారం పులుసు" - నోటికి కొత్త రుచినిచ్చే ఈ రెసిపీ ఒక్కసారైనా ట్రై చేయాల్సిందే!

నయా స్టైల్ "కరివేపాకు మసాలా ఎగ్ ఫ్రై" - కడుపు నిండా కమ్మగా తినేస్తారు!