కమ్మని "బొప్పాయి కూర" - ఒక్కసారి తింటే మీ ఫేవరెట్ రెసిపీ అయిపోతుంది!

Raw Papaya Curry in Telugu : బొప్పాయి అన్ని సీజన్​లలో లభిస్తుంది. వీటిని నార్మల్​గా తింటారు. కానీ దీనితో కర్రీ చేసుకోవచ్చని మీకు తెలుసా? లేదంటే మాత్రం ఇప్పుడు చెప్పబోయే పద్ధతిని పాటిస్తూ చేశారంటే సూపర్​గా వస్తుంది. ఇది రెగ్యులర్ రెసిపీలు తిని బోరింగ్​గా అనిపించిన వారికి ఒక మంచి ఆప్షన్. ఇలా చేస్తే ఎన్నడూ తినని కొత్త టేస్ట్​ను ఎంజాయ్ చేస్తారు. ఇది ప్రిపేర్ చేయడానికి ఎక్కువ టైమ్ కూడా పట్టదు. ఇక లేట్ చేయకుండా పచ్చి బొప్పాయితో కర్రీ ఎలా చేయాలి? ఇందుకు కావాల్సిన పదార్థాలేంటో ఇప్పుడు చూద్దాం.

కరకరలాడుతూ నోరూరించే "బీరకాయ గారెలు" - అద్భుతమైన రుచిని ఎంజాయ్ చేస్తారు!

బొప్పాయి కాయలు (Getty Images)

కావాల్సిన పదార్థాలు :

• పచ్చి బొప్పాయి - 1
• ఉల్లిపాయలు - 2
• పచ్చిమిర్చి - 4
• ఆయిల్ - 4 స్పూన్లు
• ఉప్పు - రుచికి సరిపడా
• కారం - ఒకటిన్నర టేబుల్ స్పూన్
• మిరియాల పొడి - 1 టీ స్పూన్
• కరివేపాకు - కొద్దిగా
• అల్లం తరుగు - 1 టీ స్పూన్
• తాలింపు దినుసులు - 1 టేబుల్ స్పూన్
• కొత్తిమీర - కొంచెం
• కొబ్బరి తురము 1 టీ స్పూన్
• పసుపు - అర టీ స్పూన్

ఉల్లిపాయ ముక్కలు (Getty Images)

తయారీ విధానం :

• ఈ రెసిపీ కోసం ముందుగా ఒక పచ్చి బొప్పాయిని శుభ్రంగా కడిగి పొట్టు తీసుకోవాలి. ఆ తర్వాత చిన్నచిన్న ముక్కలుగా కట్ చేయాలి. అలాగే రెండు ఉల్లిపాయలు, నాలుగు పచ్చిమిర్చిని తరిగి ఉంచాలి.
• ఇప్పుడు స్టవ్ ఆన్ చేసి గిన్నెలో కట్ చేసి పెట్టుకున్న బొప్పాయి ముక్కలు, సరిపడా నీళ్లు, పావు టీ స్పూన్ పసుపు వేసి ఉడికించాలి. బొప్పాయి ముక్కలు ఉడికిన తర్వాత స్టవ్ ఆఫ్ చేసుకోవాలి.

కరివేపాకు (Getty Images)

• అనంతరం స్టవ్ ఆన్ చేసి పాన్​లో మూడు స్పూన్ల ఆయిల్ పోయాలి. నూనె వేడైన తర్వాత తరిగి ఉంచిన ఉల్లి,పచ్చిమిర్చి ముక్కలు వేసి వేయించాలి.
• ఆనియన్స్ వేగాక ఒక టీ స్పూన్ అల్లం తరుగు యాడ్ చేసి వేగనివ్వాలి. ఇందులోనే ఉడికించిన బొప్పాయి ముక్కలు వేసి కలుపుతూ ఫ్రై చేయాలి.
• ఈ మిశ్రమం వేగిన తర్వాత ఒకటిన్నర టేబుల్ స్పూన్ కారం, ఒక టీ స్పూన్ మిరియాల పొడి, పావు టీ స్పూన్ పసుపు, రుచికి సరిపడా ఉప్పు యాడ్ చేసి వేగనివ్వాలి.
• ఆ తర్వాత ఒక టీ స్పూన్ కొబ్బరి తురుము, కొద్దిగా కొత్తిమీర తరుగు వేసి మిక్స్ చేయాలి.

కొత్తిమీర (Getty Images)

• మరోవైపు తాలింపు కోసం స్టవ్ ఆన్ చేసి కడాయిలో ఒక స్పూన్ నూనె పోయాలి. ఆయిల్ హీట్ అయిన తర్వాత ఒక టేబుల్ స్పూన్ తాలింపు దినుసులు, కొద్దిగా కరివేపాకు వేసి వేగనివ్వాలి.
• ఆ తర్వాత తాలింపును బొప్పాయి మిశ్రమంలో యాడ్ చేసి కలపాలి.

జీలకర్ర, ఆవాలు (Getty Images)

• అంతే ఘుమఘుమలాడే బొప్పాయి కూర సిద్ధంగా ఉంటుంది!
• ఈ పద్ధతిని పాటిస్తూ ఇంట్లో చేశారంటే పిల్లలు, పెద్దలూ వన్స్​మోర్ అంటారంతే.

నోరూరించే "చిల్లీ పనీర్ 65" - ఇలా చేస్తే ఒక్క ముక్క మిగల్చరు!

'గంజి' కదా అని వదిలేస్తున్నారా? - ఉపవాసం టైంలో ఇలా చేశారంటే ఆరోగ్య ప్రయోజనాలు!