పాలకూరతో కమ్మని "మసాలా వడలు" - ఈవెనింగ్​ స్నాక్స్​గా బెస్ట్​ ఆప్షన్​ - టేస్ట్​ వేరే లెవల్​!

Palakura Masala Vada: వడలను మార్నింగ్​ బ్రేక్​ఫాస్ట్​గా తింటే.. మసాలా వడలను స్నాక్స్​ రూపంలో తీసుకుంటుంటారు మెజార్టీ పీపుల్​. సూపర్​ టేస్టీగా ఉండే మసాలా వడలను పిల్లల నుంచి పెద్దల వరకు ఇష్టంగా తింటుంటారు. ఇక ఒక కప్పు టీతో వీటిని తింటుంటే ఆ కిక్కే వేరు. అయితే మసాలా వడలను ఎప్పుడూ చేసేలా కాకుండా మరింత రుచికరంగా, హెల్దీగా చేసుకునేలా రెసిపీ తీసుకొచ్చాం. అందుకు పాలకూర సరిపోతుంది. ఈ ఆకుకూర నచ్చని పిల్లలకు ఓసారి ఈ పద్ధతిలో ట్రై చేయండి. వంక పెట్టకుండా తినేస్తారు. మరి లేట్​ చేయకుండా కమ్మని పాలకూర మసాలా వడలు ఎలా చేసుకోవాలో చూసేయండి.

శనగపప్పు (Getty Images)

కావాల్సిన పదార్థాలు:

• శనగపప్పు - 1 కప్పు
• మినప్పప్పు - పావు కప్పు
• పాలకూర -
• ఉల్లిపాయ - 1
• వెల్లుల్లి రెబ్బలు - 6
• అల్లం ముక్క - చిన్నది
• పచ్చిమిర్చి - 3
• జీలకర్ర - 1 టీస్పూన్​
• సోంపు - 1 టీస్పూన్​
• ఉప్పు - రుచికి సరిపడా
• ఇంగువ - పావు టీస్పూన్​
• పాలకూర - 1 కట్ట

మినప్పప్పు (Getty Images)

తయారీ విధానం:

• మిక్సింగ్​ బౌల్​లోకి శనగపప్పు, మినప్పప్పు తీసుకుని రెండుమూడు సార్లు శుభ్రంగా కడిగి సరిపడా నీళ్లు పోసి సుమారు రెండు లేదా మూడు గంటల పాటు నానబెట్టుకోవాలి.
• పప్పు నానేలోపు ఉల్లిపాయను వీలైనంత సన్నగా కట్​ చేసుకోవాలి. అలాగే అల్లంపై పొట్టు తీసేసి సన్నని ముక్కలుగా చేసుకోవాలి. పచ్చిమిర్చి, వెల్లుల్లి రెబ్బలను అదే విధంగా తరిగి పక్కనుంచాలి.

పాలకూర (Getty Images)

• మీడియం సైజ్​లో ఉన్న పాలకూర కట్టను సన్నగా తరిగి శుభ్రంగా కడిగి నీళ్లు పోయేవరకు జల్లి గిన్నెలో వేసి పక్కన ఉంచాలి.
• పప్పు నానినాక అస్సలు నీళ్లు లేకుండా మిక్సీజార్​లోకి వేసి మరీ మెత్తగా కాకుండా కాస్త బరకగా గ్రైండ్​ చేసుకోవాలి.
• ఇలా గ్రైండ్​ చేసుకున్నాక శనగపప్పు మిశ్రమాన్ని ఓ మిక్సింగ్​ బౌల్​లోకి తీసుకోవాలి.
• ఈ పిండిలోకి సన్నగా తరిగిన ఉల్లిపాయ, అల్లం వెల్లుల్లి తరుగు, పచ్చిమిర్చి, జీలకర్ర, సోంపు, ఉప్పు, ఇంగువ, పాలకూర తరుగు వేసి అంతా కలిసేలా మిక్స్​ చేసుకోవాలి.

పాలకూర మసాలా వడలు (Getty Images)

• పదార్థాలు మొత్తం అంతా కలిసేలా మిక్స్​ చేసుకున్నాక స్టవ్​ ఆన్​ చేసి కడాయి పెట్టి డీప్​ఫ్రైకి సరిపడా నూనె పోసి వేడి చేసుకోవాలి.
• నూనె కాగినాక కలిపి పెట్టుకున్న పిండిని కొద్దికొద్దిగా తీసుకుని మసాలా వడల షేప్​లో చేసుకుని నూనెలో వేసుకోవాలి.
• ఇలా కడాయికి సరిపడా వేసుకున్నాక మంటను మీడియం ఫ్లేమ్​లో రెండు వైపులా తిప్పుకుంటూ కాల్చుకోవాలి.

ఉల్లిపాయ తరుగు (Getty Images)

• వడలు క్రిస్పీగా వేగి గోల్డెన్​ బ్రౌన్​ కలర్​లోకి మారినాక తీసి ప్లేట్​లోకి వేసుకోవాలి. ఇలా పిండి మొత్తాన్ని వడలుగా చేసి కాల్చుకుని స్టవ్​ ఆఫ్​ చేసుకోవాలి.
• ఇలా ప్రిపేర్​ చేసుకున్న వాటిని వేడివేడిగా సర్వ్​ చేసుకుంటే ఎంతో రుచికరంగా ఉండే పాలకూర మసాలా వడలు రెడీ. నచ్చితే మీరూ ట్రై చేయండి.

పాలకూర మసాలా వడలు (ETV Bharat)

చిట్కాలు:

• శనగపప్పు, మినప్పప్పును కచ్చితంగా రెండు గంటల పాటు నానబెట్టుకోవాలి. వీలైనంత ఎక్కువసేపు నానబెట్టుకున్నా మంచిదే.
• నానిన పప్పులను మరీ మెత్తగా కాకుండా కాస్త బరకగా అస్సలు నీళ్లు లేకుండా గ్రైండ్​ చేసుకోవాలి. మరీ మెత్తగా రుబ్బుకుంటే నూనె ఎక్కువ పీల్చుకునే అవకాశం ఉంటుంది.
• పాలకూర కేవలం ఒక కట్టే అని కాకుండా ఎక్కువ క్వాంటిటీలో తీసుకోవచ్చు.
• వడలను కేవలం మీడియం ఫ్లేమ్​లో మాత్రమే వేయించుకోవాలి. సిమ్​లో వేయిస్తే నూనె పీల్చుతాయి. హై ఫ్లేమ్​లో కాలిస్తే పిండి లోపలి వరకు ఉడకదు.

తెలంగాణ స్పెషల్ "సకినాలు" - పిండి ఇలా కలిపి చేస్తే కరకరలాడుతూ అద్దిరిపోతాయి!

నోట్లో వేసుకోగానే కరిగిపోయే "కొత్తిమీర పొంగలి" - కుక్కర్​లో చాలా ఈజీగా చేసుకోవచ్చు!