నూనెలో వేయించకుండానే టేస్టీ "పూరీలు"! - మూడు పద్దతుల్లో ఈజీగా చేసుకోండిలా!

Types of Oil Free Puri Preparation : మనలో ఎక్కువ మంది ఇష్టంగా తినే బ్రేక్​ఫాస్ట్​ రెసిపీలలో ఒకటి "పూరీ". కానీ, ఆయిల్​ ఎక్కువగా ఉంటుందని, తింటే హెల్త్ ప్రాబ్లమ్స్ వస్తాయని భయపడుతుంటారు చాలా మంది. దాంతో ఇష్టమైనప్పటికీ వాటిని తినడానికి దూరంగా ఉంటారు. మీరూ ఇలాగే పూరీలను తినకుండా పక్కన పెడుతున్నారా? ఇక, ఆ అవసరం లేదు. చాలా అంటే చాలా తక్కువ ఆయిల్​లో హెల్దీగా పూరీలు రెడీ చేసుకోవచ్చు. మీకు నచ్చిన టిఫెన్​ను ఇష్టంగా లాగించేయొచ్చు. మరి, ఆయిల్ లెస్ పూరీలను ఎలా ప్రిపేర్ చేసుకోవాలి? అందుకు కావాల్సిన పదార్థాలేంటో ఇప్పుడు చూద్దాం.

ఓవెన్‌లో ఇలా :

• ఇందుకోసం ఒక వెడల్పాటి ప్లేట్ లేదా బేషన్​లో జల్లించిన పూరీ పిండిని తీసుకోవాలి.
• ఆ తర్వాత అందులో రుచికి తగినంత ఉప్పు, స్మూత్​గా రావడం కోసం కాస్త నూనె, తగినన్ని నీళ్లు పోసుకుని ముద్దలా కలిపి పక్కన పెట్టుకోవాలి.
• తర్వాత అందులో నుంచి కొద్దికొద్దిగా పిండిని తీసుకుంటూ చిన్న చిన్న పూరీల్లా ఒత్తుకోవాలి.
• నెక్ట్స్ అలా ప్రిపేర్ చేసుకున్న పూరీలకు కాస్త నూనె రాసి మైక్రోవేవ్​లో సేఫ్‌ ప్లేటులో పెట్టాలి.
• తర్వాత మధ్య మధ్యలో అటూ ఇటూ తిప్పుతూ రెండు నిమిషాలు వేడి చేస్తే సరి.
• అంతే, సూపర్ టేస్టీగా ఉండే పూరీలు పెద్దగా ఆయిల్ లేకుండానే మీ ప్లేటులోకి వచ్చేస్తాయి!
• ఒకవేళ మీరు కావాలంటే బేకింగ్‌ పద్ధతిలోనూ పూరీలను రెడీ చేసుకోవచ్చు.
• ఇందుకోసం ముందుగా ఓవెన్‌ను 200 డిగ్రీల వద్ద ప్రీహీట్‌ చేసుకోవాలి. ఆ తర్వాత ముందుగా ప్రిపేర్ పూరీలను బేకింగ్‌ ట్రేలో ఉంచి సుమారు 8 నుంచి 10 నిమిషాలు బేక్‌ చేసుకుంటే సరిపోతుంది.

ఎయిర్‌ ఫ్రైయర్​ చేసుకోండిలా :

• ఎయిర్ ఫ్రైయర్​లోనూ ఆయిల్​ లెస్ పూరీలు ప్రిపేర్ చేసుకోవచ్చు
• ఇందుకోసం ముందుగా 180 డిగ్రీల వద్ద ఎయిర్‌ ఫ్రైయర్‌ను ప్రీహీట్ చేసుకోవాలి.
• నెక్ట్స్ ఒత్తుకున్న పూరీలకు ఇరు వైపులా ఆయిల్ అప్లై చేయాలి. ఒకవేళ నూనె వద్దనుకుంటే నెయ్యిని వాడుకోవచ్చు.
• తర్వాత వాటిని ఎయిర్‌ ఫ్రైయర్‌ ట్రేలో ఉంచి, 7 నుంచి 8 నిమిషాలు వేయిస్తే చాలు. మధ్యమధ్యలో అటూ ఇటూ తిప్పుతూ ఉండాలి.
• అంతే, మీకు నచ్చిన పూరీలు చాలా తక్కువ నూనెతో, తక్కువ టైమ్​లోనే రెడీ అవుతాయి!

ఇడ్లీ పాత్రలోనూ టేస్టీ పూరీలు :

• ఇడ్లీ పాత్రలో కూడా మంచి రుచికరమైన పూరీలు తయారు చేసుకోవచ్చు! ఇందుకోసం మొదటగా ఇడ్లీ గిన్నెలో తగినన్ని నీళ్లు తీసుకుని మరిగించాలి.
• అవి మరిగేలోపు ఇడ్లీ ప్లేటుకు ఆయిల్ అప్లై చేయాలి. ఆ తర్వాత ఆ ప్లేటుపై ముందుగా ఒత్తుకున్న పూరీలను ఉంచాలి.
• ఇప్పుడు ఇడ్లీ పాత్రలో నీళ్లు మరిగాయనుకున్నాక మూత తీసి అందులో పూరీలు ఉంచిన ప్లేటును పెట్టి 5 నిమిషాలు కుక్ అవ్వనివ్వాలి.
• ఐదు నిమిషాల తర్వాత పూరీలను రెండో వైపునకు తిప్పి మరో 5 నిమిషాలు ఉంచి దించాలి.
• ఇలా కుక్ చేసుకున్న పూరీలను ఒక మందం పాటి ప్లేటులోకి తీసుకుని పక్కన పెట్టుకోవాలి.
• అనంతరం స్టవ్‌ మీద ఒక వెడల్పాటి గిన్నె పెట్టి, అందులో మరో చిన్న గిన్నె బోర్లించి దానిపై పూరీలు ఉన్న ప్లేటు పెట్టి, గిన్నెను మొత్తం కవరయ్యేలా మూతతో మూయాలి.
• తర్వాత స్టవ్​ను సిమ్​లో ఉంచి 10 నిమిషాలపాటు కుక్ చేస్తే సరి. నూనె లేకుండానే(ప్లేట్​కు రాసేది కాకుండా) కరకరలాడే పూరీలు రెడీ అవుతాయి!
• ఇక వీటిని పిల్లల నుంచి పెద్దల వరకు అందరూ భలే ఇష్టంగా తింటారు. బరువు తగ్గాలంటూ ఆయిల్ ఫుడ్​కు దూరంగా ఉండే వాళ్లూ ఈ పూరీలను ఎలాంటి ఇబ్బందీ లేకుండా తినేయొచ్చు!

బియ్యంలో పురుగులా? - ఈ టిప్స్ ట్రై చేస్తే ఒక్కటీ కనిపించదు!

"కూల్​డ్రింక్" మిగిలితే​ పారబోస్తున్నారా? - ఈ ఉపయోగాలు తెలిస్తే అలా అస్సలు చేయరు!