ఇంటర్నెట్​ లేకపోయినా "గూగుల్​ మ్యాప్స్"​​ యూజ్​ చేయొచ్చు! - జస్ట్​ ఈ ట్రిక్​ తెలిస్తే చాలు!

How to Use Google Maps without Internet: స్మార్ట్‌ఫోన్‌ యూజర్లలో గూగుల్‌ మ్యాప్స్‌ గురించి తెలియనివారు లేరంటే అతిశయోక్తి కాదేమో. షార్ట్​కట్స్​, తెలియని, కొత్త ప్రదేశాలకు వెళ్తున్న సమయంలో ప్రజలు తమ గమ్య స్థానాలను చేరుకోవడానికి వీటినే ఎక్కువగా ఉపయోగిస్తారు. స్మార్ట్​ ఫోన్​ ఉన్న ప్రతి ఒక్కరూ ఏదో ఒక సమయంలో వీటిని ఉపయోగించే ఉంటారు. అయితే గూగుల్​ మ్యాప్స్​​ యూజ్​ చేయాలంటే ఇంటర్నెట్​ తప్పనిసరి. ఇది లేకపోతే ఈ యాప్​ యూజ్​ చేయడానికి అవ్వదు. కానీ మీకు తెలుసా? యాప్​లోని ఈ సదుపాయం ద్వారా ఫోన్​లో నెట్​ లేకపోయినా మ్యాప్​ యూజ్​ చేసి గమ్యస్థానాలకు చేరుకోవచ్చు. అది ఎలానో ఇప్పుడు చూద్దాం.

సిగ్నల్స్ సరిగా లేకపోవడం, హఠాత్తుగా నెట్ బ్యాలెన్స్ అయిపోవడం వంటి వల్ల గూగుల్​ మ్యాప్స్​​ వర్క్​ అవ్వదు. మనకు తెలిసిన ప్లేస్​లు అయితే పెద్దగా ఇబ్బంది ఉండదు. అదే కొత్త ప్రదేశాలకు వెళ్లినప్పుడు మాత్రం ఈ పరిస్థితి వల్ల అనేక ఇబ్బందులు ఎదుర్కోవాల్సి వస్తుంది. అయితే, నెట్ రాకపోయినా యూజర్ సులభంగా గూగుల్ మ్యాప్స్ వాడుకునేందుకు ఈ యాప్‌లో అనేక ఫీచర్లు ఉన్నాయి. ఈ స్పెషల్ ఫీచర్ ద్వారా ఇంటర్నెట్ లేకుండానే లొకేషన్ యాక్సెస్ చేసి గమ్యాన్ని చేరుకోవచ్చు.

గూగుల్ మ్యాప్స్‌ను ఇంటర్నెట్ లేనప్పుడు వాడటం చాలా సులభం. అయితే ప్రయాణానికి ముందే ఓ చిన్న పని చేయాలి. అది మీరు వెళ్లే ప్లేస్​ మ్యాప్‌ను ముందుగానే డౌన్‌లోడ్ చేసుకోవాల్సి ఉంటుంది. ఇలా చేయడం వల్ల ఎటువంటి ఆటంకాలు లేకుండా మ్యాప్​ వాడుకోవచ్చు. అదే విధంగా ఓ ప్రదేశానికి చేరుకోవడానికి ప్రతిసారీ మ్యాప్స్‌లో లొకేషన్ అడ్రస్ నమోదు చేయవలసిన అవసరం లేకుండా.. డైరెక్ట్​గా సేవ్​ చేసుకున్న వాటిని యాక్సెస్​ చేసుకోవచ్చు.

మ్యాప్స్​ను ఎలా డౌన్​లోడ్​ చేసుకోవాలి:

• ముందుగా మీ ఫోన్​లో గూగుల్​ మ్యాప్స్​ యాప్​ ఓపెన్ చేయాలి.
• హోమ్​ పేజీలో రైట్​ సైడ్​ కార్నర్​లో మీ ప్రొఫైల్​ ఐకాన్​పై క్లిక్​ చేయాలి.
• ఇప్పుడు మీకు సర్వీస్​లు కనిపిస్తాయి. అందులో Offline Maps ఆప్షన్​పై క్లిక్​ చేయాలి.
• అప్పుడు మీకు Select Your Own Map అనే ఆప్షన్​ కనిపిస్తుంది. దానిపై క్లిక్​ చేస్తే ఓ బాక్స్​ కనిపిస్తుంది.
• ఆ బాక్స్​ను డ్రాగ్​ చేస్తూ మీరు వెళ్లాల్సిన ఏరియాను సెలెక్ట్​ చేసుకుని Download ఆప్షన్​పై క్లిక్​ చేస్తే మ్యాప్​ డౌన్​లోడ్​ అవుతుంది.

ఆఫ్​లైన్​ మ్యాప్స్​ ఎలా ఉపయోగించాలి: ఒక్కసారి ఈ మ్యాప్స్​ డౌన్​లోడ్​ చేసుకుంటే నెట్​ లేకపోయినా ఉపయోగించవచ్చు.

• అందుకోసం మీ ఫోన్​లో గూగుల్​ మ్యాప్​​ ఓపెన్​ చేయాలి.
• హోమ్​ పేజీలో రైట్​ సైడ్​ కార్నర్​లో మీ ప్రొఫైల్​ ఐకాన్​పై క్లిక్​ చేయాలి.
• అందులో Offline Maps ఆప్షన్​పై క్లిక్​ చేయాలి. అప్పుడు మీకు స్క్రీన్​ మీద మీరు డౌన్​లోడ్​ చేసుకున్న మ్యాప్స్​ లిస్ట్​ కనిపిస్తాయి.
• అందులో మీకు కావాల్సిన మ్యాప్​పై డబుల్​ క్లిక్​ ఇస్తే ఆ రూట్​కు సంబంధించిన మ్యాప్​ ఓపెన్​ అవుతుంది. దాని ద్వారా మీరు వెళ్లాలనుకున్న ప్లేస్​కు వెళ్లొచ్చు.

ఇవి గుర్తించుకోవాలి:

• ఒకసారి డౌన్‌లోడ్ అయిన తర్వాత, మీకు నెట్ లేకపోయినా ఆ ఏరియాలో రూట్ మ్యాప్ పనిచేస్తుంది. అయితే ఆఫ్‌లైన్‌లో ఉన్నప్పుడు ట్రాఫిక్ అప్‌డేట్స్ కనిపించవు.
• డౌన్​లోడ్​ చేసుకున్న మ్యాప్స్​ ఫోన్ మెమరీలో స్టోర్ అవుతాయి. కాబట్టి తగినంత స్పేస్ ఉండేలా చూసుకోవడం ముఖ్యం.
• మీ ప్రయాణం పూర్తైన తర్వాత కావాలనుకుంటే వాటిని డిలీట్​ చేసుకోవచ్చు.

గూగుల్ మ్యాప్స్​లో 'జెమిని'- AI మీకు రూట్ డైరెక్షన్స్ ఎలా చెబుతుందో తెలుసా?

వాహనం పార్కింగ్​ చేసి మర్చిపోతున్నారా? - గూగుల్​ మ్యాప్స్​తో మీ వెహికిల్​ను ఇట్టే కనిపెట్టండి