కమ్మని "గోంగూర పండుమిర్చి" రోటి పచ్చడి - సువాసనకే మౌత్ వాటరింగ్​ అయిపోద్ది!

Gongura Pandu Mirchi pachadi : పండు మిర్చి పచ్చడిని అమితంగా ఇష్టపడేవారు ఎంతో మంది ఉంటారు. ఇక గోంగూర గురించి చెప్పాల్సిన పనేలేదు. ఈ ఆంధ్రామాతను ఆరగించని తెలుగువారు ఉండరంటే అతిశయోక్తి కాదు. ఈ రెండింటినీ కలిపి "అంతకు మించి" అనే పచ్చడిని ఇప్పుడు ప్రిపేర్ చేద్దాం. మరి, దీన్ని ఎలా తయారు చేయాలి? కావాల్సిన పదార్థాలేంటి? అందులో ఉండే పోషకాలేంటి? అన్నది ఈ స్టోరీలో చూద్దాం.

గోంగూరలోని పోషకాలు ఇవే :

• విటమిన్ A : కంటి చూపును మెరుగుపరుస్తుంది
• విటమిన్ C : రోగనిరోధక శక్తిని పెంచుతుంది
• విటమిన్ B : జీవక్రియకు సహాయపడుతుంది
• విటమిన్ B9 (ఫోలిక్ యాసిడ్): గర్భిణులకు చాలా అవసరం
  

ఖనిజాలు :

• ఐరన్ : రక్తహీనతను నివారిస్తుంది
• కాల్షియం : ఎముకలను బలంగా చేస్తుంది
• పొటాషియం : రక్తపోటును నియంత్రిస్తుంది
• మెగ్నీషియం : నాడీ వ్యవస్థ పనితీరును మెరుగుపరుస్తుంది
• ఫైబర్ : జీర్ణక్రియను మెరుగుపరుస్తుంది
• యాంటీఆక్సిడెంట్లు : శరీరంలోని ఫ్రీ రాడికల్స్‌ను తొలగిస్తాయి

పండు మిర్చీలో ఉండే పోషకాలు :

• విటమిన్ C : రోగనిరోధక శక్తిని పెంచుతుంది
• విటమిన్ A : కంటి చూపును మెరుగుపరుస్తుంది
• విటమిన్ B6: మెదడు పనితీరుకు సహాయపడుతుంది

• ఖనిజాలు :
• పొటాషియం : రక్తపోటును నియంత్రిస్తుంది
• ఇనుము : రక్తహీనతను నివారిస్తుంది
• క్యాప్సైసిన్: నొప్పిని తగ్గిస్తుంది, జీవక్రియను మెరుగుపరుస్తుంది
• ఫైబర్: జీర్ణక్రియను మెరుగుపరుస్తుంది.
• యాంటీఆక్సిడెంట్లు: శరీరంలోని ఫ్రీ రాడికల్స్‌ను తొలగిస్తాయి

నోరూరించే "గోంగూర నువ్వుల పచ్చడి" - టేస్ట్ అద్భుతం, 20 రోజులు నిల్వ!

గోంగూర - పండు మిర్చి పచ్చడి ఇలా చేద్దాం :

కావాల్సిన పదార్థాలు :

• గోంగూర - 2 పెద్ద కట్టలు
• పండు మిరప కాయలు - 1/4 కేజీ

పోపు కోసం :

• ఆయిల్ - 4 స్పూన్లు
• మినప్పప్పు - 1/2 స్పూన్
• సెనగపప్పు - 1/2 స్పూన్
• నువ్వు పప్పు - 1/2 స్పూన్
• జీలకర్ర - కాస్త
• మెంతులు - చాలా తక్కువగా
• ధనియాలు - 1/4 స్పూన్
• ఆవాలు - 1/4 స్పూన్
• ఇంగువ - చిటికెడు
• ఉప్పు - తగినంత

తయారీ విధానం :

• ముందుగా స్టౌపైన గిన్నె పెట్టి అందులో 2 స్పూన్ల్ ఆయిల్ వేయండి
• వేడెక్కిన తర్వాత పోపు కోసం తీసుకున్న ఐటమ్స్ అన్నీ అందులో వేసేయండి
• చక్కగా ఫ్రై చేసుకున్న తర్వాత వాటిని బయటకు తీసుకొని చల్లార్చుకోవాలి. ఆ తర్వాత మెత్తగా దంచుకోవాలి
• ఇప్పుడు గోంగూర ఆకులు కోసి, నీళ్ళలో శుభ్రంగా కడగాలి
• ఆ తర్వాత ఇంట్లో ఫ్యాన్ కింద ఆరబెట్టుకోవాలి. తడి లేకుండా పూర్తిగా పొడిగా మారేంత వరకూ ఉంచాలి.
• ఇప్పుడు స్టౌపైన మూకుడు పెట్టుకొని 2 టేబుల్ స్పూన్ల ఆయిల్​ వేయాలి. అందులో గోంగూరను వేసుకొని చక్కగా వేయించుకోవాలి.
• ఆ తర్వాత పండు మిరప కాయలను సైతం అందులో వేసి, కాస్త వేయించాలి.
• ఇప్పుడు వాటిని రోట్లో వేసుకొని చక్కగా దంచుకోవాలి. పొడి చేసుకున్న పోపుల పొడిని కూడా ఇందులో వేసుకొని చక్కగా నూరుకోవాలి.
• అంతేనండీ. ఎంతగానో నోరూరించే గోంగూర-పండు మిర్చి పచ్చడి సిద్ధమైపోతుంది.
• పిల్లల నుంచి పెద్దల వరకు అందరూ ఎంతో ఇష్టంగా తింటారు. దీని సువాసనకే నోట్లో నీళ్లు ఊరుతాయంటే నమ్మాల్సిందే.
• రెగ్యులర్​ గోంగూర పచ్చడి కాకుండా, ఈ సారి ఇలా ప్రిపేర్ చేయండి.

చూస్తేనే తినాలనిపించే "ఉసిరికాయ కొబ్బరి పచ్చడి" - అన్నంతోపాటు టిఫెన్స్​లోకి సూపర్ టేస్ట్!