ఆలూ, చేపల కాంబోలో నోరూరించే "స్నాక్" - కరకరలాడుతూ భలే రుచికరంగా ఉంటాయి!

Fish Potato Snack Recipe in Telugu : ఈవెనింగ్ టైమ్​లో పిల్లలతో పాటు పెద్దలూ స్నాక్స్ తినడానికి ఇష్టపడుతుంటారు. అందులోనూ నాన్​వెజ్ స్నాక్స్ అంటే లొట్టలేసుకుంటూ ఆరగిస్తారు. ఇప్పుడు మీ అందరి కోసం అలాంటిదే ఒక అద్దిరిపోయే నాన్​వెజ్ స్నాక్ రెసిపీని తీసుకొచ్చాం. అదే, క్రిస్పీ అండ్ టేస్టీ "ఫిష్ పొటాటో బాల్స్". ఆలూ, గుడ్డు, ఉల్లిపాయతో కలిపి చేసుకునే ఈ స్నాక్ అద్భుతమైన రుచినిస్తుంది. చేపలు తినడానికి ఇష్టపడని పిల్లలూ ఇలా చేసి పెట్టారంటే కమ్మగా, కడుపునిండా తింటారు. అలాగే, వీటి తయారీ కోసం ఎక్కువ శ్రమించాల్సిన పనిలేదు. మరి, నోరూరించే ఈ ఫిష్ స్నాక్ రెసిపీకి కావాల్సిన పదార్థాలు, తయారీ విధానంపై ఇప్పుడు ఓ లుక్కేద్దాం.

చేప ముక్కలు (Getty Images)

కావాల్సిన పదార్థాలు :

• చేప ముక్కలు - అరకేజీ
• వెన్న - ఒక టేబుల్‌స్పూను
• ఉల్లిపాయ - ఒకటి
• బంగాళదుంప - ఒకటి(పెద్ద సైజ్​ది)
• గుడ్డు - ఒకటి
• అల్లంవెల్లుల్లి పేస్ట్ - ఒక చెంచా
• పచ్చిమిర్చి - రెండు
• సన్నని కొత్తిమీర తరుగు - నాలుగు టేబుల్​స్పూన్లు
• బ్రెడ్​పొడి - అర కప్పు
• ధనియాలపొడి - ఒక చెంచా
• జీలకర్రపొడి - ఒక చెంచా
• ఉప్పు - రుచికి తగినంత
• పసుపు - పావుచెంచా
• కారం - ఒక చెంచా
• నిమ్మరసం - రెండు చెంచాలు
• నూనె - వేయించడానికి సరిపడా

బియ్యం, మజ్జిగతో కరకరలాడే "వడలు" - నూనె తక్కువ, రుచి ఎక్కువ!

ఆలుగడ్డలు (Getty Images)

తయారీ విధానం :

• నోరూరించే ఈ వెరైటీ నాన్​వెజ్ స్నాక్ రెసిపీ కోసం ముందుగా స్టవ్ మీద ఒక గిన్నెలో తగినన్ని నీళ్లు పోసి బంగాళదుంపను ఉడికించుకోవాలి.
• అది ఉడికేలోపు ఒక గిన్నెలోకి ముళ్లలేని ఏదయినా ఒక రకం చేప ముక్కలను అరకేజీ పరిమాణంలో తీసుకుని శుభ్రంగా కడిగి పక్కనుంచాలి.
• తర్వాత రెసిపీలోకి ఉల్లిపాయ, పచ్చిమిర్చి, కొత్తిమీరలను వీలైనంత సన్నగా తరుక్కుని రెడీగా పెట్టుకోవాలి. ఆపై ఉడికిన ఆలూను పొట్టు తీసి మెత్త మాష్ చేసుకుని పక్కనుంచాలి.
• అనంతరం స్టవ్ మీద కడాయిని పెట్టి రెండు కప్పుల నీళ్లు పోసి అందులో పసుపు, కొద్దిగా ఉప్పు, శుభ్రంగా కడిగి పెట్టుకున్న చేపముక్కలు వేసి కలిపి ఉడికించుకోవాలి.
• ఆ ముక్కలు ఉడికి మెత్తగా అవుతున్నప్పుడు స్టవ్ ఆఫ్ చేసి, పాన్​ను దింపి నీటిని పూర్తిగా వంపేసి పక్కన పెట్టుకోవాలి.

కొత్తిమీర (Getty Images)

• ఇప్పుడు స్టవ్ మీద మరో కడాయిని పెట్టి వెన్న వేసి వేడి చేసుకోవాలి. అది కరిగి వేడయ్యాక కట్ చేసి పెట్టుకున్న సన్నని ఉల్లిపాయ ముక్కలు, పచ్చిమిర్చి తరుగు వేసి ఆనియన్స్ కాస్త రంగు మారేంత వరకు వేయించాలి.
• ఆ తర్వాత అందులో అల్లంవెల్లుల్లి పేస్ట్, ధనియాలపొడి, జీలకర్రపొడి, రుచికి తగినంత ఉప్పు, కారం వేసి ఇంగ్రీడియంట్స్ అన్నీ కలిసేలా ఒక నిమిషం లో ఫ్లేమ్​లో కలుపుతూ వేయించి స్టవ్ ఆఫ్ చేసుకోవాలి.
• అనంతరం ఆ మిశ్రమాన్ని ఉడికించి పక్కన పెట్టుకున్న చేపల ముక్కలలో వేసుకోవాలి.

సరికొత్త పద్ధతిలో "పెరుగు వడలు" - ఒక్కసారి తింటే రుచి మరచిపోరంతే!

గుడ్డు (Getty Images)

• అలాగే, మెత్తగా మాష్ చేసుకున్న ఆలూ, బ్రెడ్ పొడి, సన్నని కొత్తిమీర తరుగు వేసుకుని గుడ్డును పగులగొట్టి పోసుకోవాలి.
• ఆపై అందులో నిమ్మరసాన్ని కూడా యాడ్ చేసుకుని పదార్థాలన్నీ బాగా కలిసేలా ముద్దలా అయ్యే వరకూ కలిపి అరగంట పాటు ఫ్రిడ్జ్​లో ఉంచాలి.
• అనంతరం స్టవ్ మీద కడాయి పెట్టి వేయించడానికి సరిపడా నూనె పోసి హీట్ చేసుకోవాలి.
• ఆయిల్ కాగిన తర్వాత మంటను తగ్గించి అరగంట పాటు ఫ్రిడ్జ్​లో ఉంచిన మిశ్రమాన్ని కొద్దికొద్దిగా తీసుకుంటూ ఉండల్లా చేసుకుని కాగుతున్న నూనెలో నెమ్మదిగా వేసుకోవాలి.

నిమ్మరసం (Getty Images)

• పాన్​లో వేయించడానికి సరిపడా వేసుకున్నాక వెంటనే కదపకుండా కాసేపు కాలనిచ్చి ఆపై అటు ఇటు తిప్పేసుకుంటూ అన్ని వైపులా ఎర్రగా వేగే వరకు మీడియం ఫ్లేమ్​లో వేయించుకోవాలి.
• ఆవిధంగా వేయించుకున్నాక వాటిని సర్వింగ్ ప్లేట్​లలోకి తీసుకుని సర్వ్ చేసుకోండి. అంతే, ఆలూ, షిప్ కాంబోలో నోరూరించే క్రిస్పీ అండ్ టేస్టీ "నాన్​వెజ్ స్నాక్ రెసిపీ" అప్పటికప్పుడు సింపుల్​గా రెడీ అవుతుంది!

ఫిష్ పొటాటో బాల్స్ (Eenadu)

చలికాలంలో అద్దిరిపోయే "చికెన్ సూప్" -సీజనల్ సమస్యలకూ చెక్ పెట్టేస్తుంది!