నోరూరించే "దొండకాయ టమాట పచ్చడి" - వేడివేడి అన్నంలోకి అద్భుతమే! - టేస్ట్​ వేరే లెవల్​!

Dondakaya Tomato Pachadi: బెండకాయతో పోలిస్తే దొండకాయను తినడానికి అంతగా ఇంట్రస్ట్​ చూపించరు. ఇక పిల్లలతై వద్దని మారం చేస్తుంటారు. అలాంటి వారు కూడా ఇష్టంగా తినేలా మీ కోసం అద్భుతమైన రెసిపీ తీసుకొచ్చాం. అదే దొండకాయ పచ్చడి. అది కూడా టమాటాలు వేసి చేసుకునే ఈ పచ్చడి రుచి అద్భుతంగా ఉంటుంది. అన్నంలోకి, టిఫెన్స్​లోకి ఈ రెసిపీ చాలా బాగుంటుంది. తయారు చేసుకోవడం కూడా సులువే. ఫస్ట్​ టైమ్​ చేసేవాళ్లు కూడా పర్ఫెక్ట్​ టేస్ట్​తో ప్రిపేర్​ చేస్తారు. మరి లేట్​ చేయకుండా కమ్మని దొండకాయ టమాటా పచ్చడి ఎలా చేసుకోవాలి? కావాల్సిన పదార్థాలు ఏంటో ఇప్పుడు చూద్దాం.

దొండకాయలు (Getty Images)

కావాల్సిన పదార్థాలు:

• దొండకాయలు - పావు కేజీ
• పచ్చిమిర్చి - 10
• నూనె - 1 టేబుల్​స్పూన్​
• టమాటాలు - 3
• పసుపు - అర టీస్పూన్​
• చింతపండు - కొద్దిగా
• నువ్వులు - 2 టీస్పూన్లు
• వెల్లుల్లి రెబ్బలు - 6
• జీలకర్ర - అర టీస్పూన్​
• కొబ్బరి ముక్కలు - 4 టేబుల్​స్పూన్లు
• ఉప్పు - రుచికి సరిపడా

టమాటాలు (Getty Images)

తాలింపు కోసం:

• నూనె - 2 టేబుల్​స్పూన్లు
• మినప్పప్పు - 1 టీస్పూన్​
• ఆవాలు - అర టీస్పూన్​
• జీలకర్ర - అర టీస్పూన్​
• ఎండుమిర్చి - 3
• కరివేపాకు - 2 రెమ్మలు
• ఇంగువ - చిటికెడు

పచ్చిమిర్చి (Getty Images)

తయారీ విధానం:

• దొండకాయలను జిగురు లేకుండా శుభ్రంగా కడిగి పొడుగ్గా, సన్నగా కట్​ చేసుకోవాలి.
• అదే విధంగా పచ్చిమిర్చిపై తొడిమలు తీసేసి తుంపలుగా చేసుకోవాలి. టమాటాలను కూడా మీడియం సైజ్​లో ముక్కలుగా చేసుకోవాలి.
• స్టవ్​ ఆన్​ చేసి వెడల్పాటి పాన్​ పెట్టి నూనె పోసి వేడి చేసుకోవాలి. కాగిన నూనెలో పచ్చిమిర్చి తుంపలు వేసి లో ఫ్లేమ్​లో వేయించాలి.

నువ్వులు (Getty Images)

• పచ్చిమిర్చి తుంపలు లైట్​గా వేగాక కట్​ చేసిన దొండకాయ ముక్కలు వేసి కలుపుతూ ఫ్రై చేయాలి.
• దొండకాయ ముక్కలు సగం మేర వేగినాక కట్​ చేసిన టమాటా ముక్కలు, పసుపు, చింతపండు వేసి ఓసారి కలిపి మెత్తగా ఉడికించాలి.
• టమాటా, దొండకాయ ముక్కలు మెత్తగా మగ్గినాక స్టవ్​ ఆఫ్​ చేసి పూర్తిగా చల్లారనివ్వాలి.

కొబ్బరి (Getty Images)

• ఈ మిశ్రమం చల్లారినాక నువ్వులు, వెల్లుల్లి రెబ్బలు, జీలకర్ర, కొబ్బరి ముక్కలు, రుచికి సరిపడా ఉప్పు వేసి నీళ్లు లేకుండా మరీ మెత్తగా కాకుండా కాస్త బరకగా గ్రైండ్​ చేసుకోవాలి.
• తాలింపు కోసం స్టవ్​ ఆన్​ చేసి పాన్​ పెట్టి నూనె పోసి వేడి చేసుకోవాలి. కాగిన నూనెలో మినప్పప్పు, ఆవాలు, శనగపప్పు, జీలకర్ర వేసి దోరగా వేయించాలి.

పోపు (Getty Images)

• తాలింపు గింజలు వేగినాక ఎండుమిర్చి, కరివేపాకు, ఇంగువ వేసి క్రిస్పీగా వేయించి గ్రైండ్​ చేసిన పచ్చడిని యాడ్​ చేసుకోవాలి.
• పచ్చడి మొత్తం తాలింపులో కలిసిన తర్వాత స్టవ్​ ఆఫ్​ చేసి వేడివేడిగా సర్వ్​ చేసుకుంటే ఎంతో టేస్టీగా ఉండే దొండకాయ టమాటా పచ్చడి రెడీ. నచ్చితే మీరూ ట్రై చేయండి.

దొండకాయ టమాటా పచ్చడి (ETV Bharat)

చిట్కాలు:

• దొండకాయలను పొడుగ్గా మాత్రమే కాకుండా మీకు నచ్చిన షేప్​లో కట్​ చేసుకుంటే సరిపోతుంది.
• పచ్చిమిర్చిని మీరు తినే కారానికి సరిపడా వేసుకోవాలి. కానీ పచ్చడి కాస్త ఘాటుగా ఉంటేనే రుచి బాగుంటుంది.
• నువ్వులను నేరుగా కాకుండా కాస్త దోరగా వేయించుకుని వేసుకుంటే పచ్చడి రుచి మరింత బాగుంటుంది.
• కొబ్బరి ముక్కలు లేకపోతే దాని ప్లేస్​లో వేయించిన పల్లీలు యాడ్​ చేసుకోవచ్చు.

అరటిపండ్లతో "గుంత పొంగనాలు" - పది నిమిషాల్లో రెడీ - బ్రేక్​ఫాస్ట్​, స్నాక్స్​గా రెడీ!

తెలంగాణ స్పెషల్ "సకినాలు" - పిండి ఇలా కలిపి చేస్తే కరకరలాడుతూ అద్దిరిపోతాయి!