కూల్​ వెదర్​లో హాట్​హాట్​ " దాల్​ సూప్​" - కుక్కర్​లో ఈజీగా చేసుకోవచ్చు - టేస్ట్​ సూపర్​!

Dal Soup in Cooker: చల్లటి క్లైమెట్​లో వేడివేడి సూప్​ తాగుతుంటే ఆ కిక్కే వేరు. అందుకే చలికాలం వచ్చిందంటే మెజార్టీ పీపుల్ రకరకాల సూప్​లు తాగుతుంటారు. అందులో టమాటా, క్యారెట్​, చికెన్​ సూప్​లు ముందుంటాయి. అయితే ఇవన్నీ ఎప్పుడో ఓసారి తాగే ఉంటారు. కానీ మీరు ఎప్పుడైనా మూడు పప్పులతో కలిసిన సూప్​ తాగారా? లేదంటే ఓసారి ట్రై చేయండి. సూపర్​గా ఉంటుంది. చాలా సింపుల్​గా అది కూడా కుక్కర్​లో చేసుకోవచ్చు. వయసుతో సంబంధం లేకుండా ప్రతి ఒక్కరూ ఎంజాయ్​ చేస్తుంటారు. మరి లేట్​ చేయకుండా కమ్మని దాల్​ సూప్​ ఎలా చేసుకోవాలో చూసేయండి.

పప్పులు (Getty Images)

కావాల్సిన పదార్థాలు:

• కందిపప్పు - 2 టేబుల్​స్పూన్లు
• ఎర్ర కందిపప్పు - ​2 టేబుల్​స్పూన్లు
• పెసరపప్పు - 2 టేబుల్​స్పూన్లు
• నెయ్యి - 3 టేబుల్​స్పూన్లు
• వెల్లుల్లి రెబ్బలు - 3
• అల్లం ముక్క - చిన్నది
• పచ్చిమిర్చి - 2
• ఉల్లిపాయ - 1
• టమాటా - 1
• గుమ్మడి కాయ ముక్కలు - 1 కప్పు
• క్యారెట్​ - 1
• పసుపు - పావు టీస్పూన్​
• ఉప్పు - రుచికి సరిపడా
• మిరియాల పొడి - 1 టీస్పూన్​
• జీలకర్ర పొడి - 1 టీస్పూన్​
• కశ్మీరీ రెడ్​ చిల్లీ పౌడర్​ - 1 టీస్పూన్​
• కొత్తిమీర తరుగు - కొద్దిగా

పచ్చిమిర్చి (Getty Images)

తయారీ విధానం:

• ఓ గిన్నెలోకి కందిపప్పు, ఎర్ర కందిపప్పు, పెసరపప్పు వేసి రెండుమూడు సార్లు శుభ్రంగా కడిగి సరిపడా నీళ్లు పోసి కొద్దిసేపు పక్కన పెట్టాలి. ఈలోపు వెల్లుల్లి రెబ్బలు, అల్లం ముక్క, ఉల్లిపాయ, పచ్చిమిర్చి, టమాటాను సన్నగా కట్​ చేసుకోవాలి. అదే విధంగా క్యారెట్​, గుమ్మడికాయపై పొట్టు తీసేసి ముక్కలుగా చేసి పక్కనుంచాలి.
• స్టవ్​ ఆన్​ చేసి కుక్కర్​ ఉంచి నెయ్యి వేసి కరిగించాలి. కరిగిన నెయ్యిలో వెల్లుల్లి, అల్లం, పచ్చిమిర్చి, ఉల్లిపాయ తరుగు వేసి ఓ 5 నిమిషాల పాటు లో టూ మీడియం ఫ్లేమ్​లో ఫ్రై చేయాలి.

కూరగాయ ముక్కలు (Getty Images)

• ఆనియన్స్​ వేగాక టమాటా, గుమ్మడి ముక్కలు, క్యారెట్​ ముక్కలు వేసి కలుపుతూ వేయించాలి.
• కూరగాయ ముక్కలు వేగి పచ్చివాసన పోయినాక నానబెట్టిన పప్పులను నీళ్లు లేకుండా వేసుకుని కలుపుకోవాలి.
• అనంతరం అందులోకి పసుపు, ఉప్పు వేసి మరోసారి మిక్స్​ చేసుకోవాలి. ఇప్పుడు రెండు కప్పుల నీరు పోసి కలిపి మూత పెట్టి విజిల్​ ఉంచి మీడియం ఫ్లేమ్​లో 5 విజిల్స్​ వచ్చే వరకు ఉడికించి స్టవ్​ ఆఫ్​ చేయాలి.

నెయ్యి (Getty Images)

• కుక్కర్​ ఆవిరి పోయినాక మూత తీసి పప్పు మిశ్రమాన్ని ఓసారి కలిపి పూర్తిగా చల్లారనివ్వాలి.
• పప్పు మిశ్రమం చల్లారినాక మిక్సీజార్​లోకి కొద్దికొద్దిగా వేసుకుంటూ వీలైనంత మెత్తగా గ్రైండ్​ చేసుకోవాలి.
• స్టవ్​ ఆన్​ చేసి గ్రైండ్​ చేసిన పేస్ట్​ వేసి సూప్​ చిక్కదనానికి సరిపడేలా వాటర్​ పోసి ఉండలు లేకుండా కలుపుకోవాలి.

మిరియాల పొడి (Getty Images)

• అనంతరం మిరియాల పొడి, జీలకర్ర పొడి, కశ్మీరి రెడ్​ చిల్లీ పౌడర్​ వేసి కలిపి సిమ్​లో 5 నిమిషాల పాటు ఉడికించాలి.
• చివరగా కొత్తిమీర తరుగు వేసి మరో రెండు నిమిషాలు ఉడికించి వేడివేడిగా సర్వ్​ చేసుకుంటే ఎంతో టేస్టీగా ఉండే దాల్​ సూప్​ రెడీ. నచ్చితే మీరూ ట్రై చేయండి.

దాల్​ సూప్​ (Getty Images)

చిట్కాలు:

• ఈ సూప్​ కోసం పైన చెప్పిన కూరగాయలు మాత్రమే కాకుండా బీన్స్​, బఠాణీ వంటివి కూడా వేసుకుని చేసుకోవచ్చు.
• సూప్​ను మరీ పల్చగా, మరీ చిక్కగా కాకుండా నార్మల్​గా కన్సిస్టెన్సీ వచ్చేలా వాటర్​ యాడ్​ చేసుకోవాలి.

ఇంటిల్లిపాదీ మెచ్చే "వంకాయ బజ్జీలు" - తక్కువ నూనెతో అప్పటికప్పుడు రెడీ!

అన్నం మిగిలిందా? - ఇలా "మసాలా వడలు" చేయండి! - అద్దిరిపోయే టేస్ట్!