సరికొత్త పద్ధతిలో "పెరుగు వడలు" - ఒక్కసారి తింటే రుచి మరచిపోరంతే!

Madhya Pradesh Style Dahi Vada : మనందరం బ్రేక్​ఫాస్ట్​లోకి ఇడ్లీ, దోశ, వడ, బోండా, పూరీ, ఉప్మా వంటివి తరచుగా ప్రిపేర్ చేసుకుంటుంటాం. అయితే, ఎప్పుడూ ఒకే రకం టిఫెన్ తినాలంటే బోరింగ్​గా అనిపిస్తుంది. ఈ క్రమంలోనే పిల్లల నుంచి పెద్దల వరకు అప్పుడప్పుడు వెరైటీ రుచులను కోరుతుంటారు. అలాంటి వారికోసమే ఒక వెరైటీ బ్రేక్​ఫాస్ట్ రెసిపీని తీసుకొచ్చాం. అదే, మధ్యప్రదేశ్ స్పెషల్ నోరూరించే "దహీ వడ". నార్మల్​గా అందరూ చేసుకునే పెరుగు వడలతో పోల్చితే వీటి తయారీ విధానం కొంచెం ప్రత్యేకంగా ఉంటుంది. ప్రిపరేషన్ మాత్రమే కాకుండా టేస్ట్ కూడా డిఫరెంట్​గా ఉండి తిన్నాకొద్దీ తినాలనిపిస్తుంది. పిల్లలైతే వీటిని ఒకటికి రెండు చాలా ఇష్టంగా తింటారు. మరి, మధ్యప్రదేశ్ వారి ఈ స్పెషల్ టిఫెన్​కు కావాల్సిన పదార్థాలు, తయారీ విధానంపై ఇప్పుడు ఓ లుక్కేద్దాం.

మినప్పప్పు (Getty Images)

కావాల్సిన పదార్థాలు :

• మినప్పప్పు - ఒక కప్పు
• పెరుగు - రెండున్నర కప్పులు
• దానిమ్మ గింజలు - రెండు స్పూన్లు
• సన్న కారప్పూస - గుప్పెడు
• కారం - ఒక చెంచా
• పంచదార - మూడు స్పూన్లు
• వేయించిన జీలకర్ర - ఒక స్పూన్
• ధనియాలపొడి - ఒక స్పూన్
• కొత్తిమీర తరుగు - చారెడు
• ఉప్పు - టేస్ట్​కి సరిపడా
• నూనె - వేయించడానికి సరిపడా
• పుదీనా చట్నీ - ఒకటిన్నర స్పూన్లు
• పండుమిర్చి చట్నీ - ఒకటిన్నర స్పూన్లు

మైదా బోండాలు వద్దు, కరకరలాడే ఉల్లి బోండాలు చేసుకోండి - సూపర్ టేస్ట్!

పెరుగు (Getty Images)

తయారీ విధానం :

• మధ్యప్రదేశ్ స్పెషల్ దహీ వడ తయారీ కోసం ముందుగా ఒక గిన్నెలో మినప్పప్పును తీసుకుని శుభ్రంగా కడగాలి.
• తర్వాత అందులో తగినన్ని నీళ్లు పోసి నాలుగైదు గంటలు నానబెట్టుకోవాలి.
• మార్నింగ్ బ్రేక్​ఫాస్ట్​లోకి వీటిని రెడీ చేసుకునే వారు పడుకునే ముందు మినప్పప్పును నానబెట్టుకుంటే సరిపోతుంది.
• మినప్పప్పు మంచిగా నానిన తర్వాత వాటర్ వడకట్టి మిక్సీ జార్​లోకి తీసుకోవాలి. ఆపై అందులో రుచికి తగినంత ఉప్పు వేసుకుని మెత్తగా గ్రైండ్ చేసుకోవాలి.
• తర్వాత గ్రైండ్ చేసుకున్న పిండిని ఒక గిన్నెలోకి తీసుకుని పక్కనుంచాలి.

జీలకర్ర (ETV Bharat)

• అనంతరం స్టవ్ మీద కడాయిలో వేయించడానికి సరిపడా నూనె పోసి వేడి చేసుకోవాలి.
• ఆయిల్ వేడయ్యాక మంటను తగ్గించి ప్రిపేర్ చేసుకున్న పిండిని కొద్దికొద్దిగా తీసుకుంటూ వడల్లా వత్తుకుని కాగుతున్న నూనెలో నెమ్మదిగా వేసుకోవాలి.
• పాన్​లో వేయించడానికి సరిపడా వేసుకుని మీడియం ఫ్లేమ్​లో బంగారు రంగులోకి మారే వరకూ వేయించుకోవాలి. అలా పిండి మొత్తాన్ని వడల్లా చేసుకోవాలి.

మసాలాదినుసులు (Getty Images)

• తర్వాత ఒక గిన్నెలో కొద్దిగా వాటర్ తీసుకుని అందులో ప్రిపేర్ చేసుకున్న వడలన్నీ వేసి కొంతసేపు నాననివ్వాలి.
• ఆలోపు ఒక వెడల్పాటి మిక్సింగ్ బౌల్​లోకి పెరుగును తీసుకుని తరకలు లేకుండా గిలకొట్టి పక్కనుంచాలి.
• వాటర్​లో నానబెట్టిన వడలు మెత్తబడ్డాక బయటకు తీసి అదనపు నీరు పోయేలా చేతితో లైట్​గా ప్రెస్ చేసి మిక్సింగ్ బౌల్​లో ఉన్న పెరుగులో వేయాలి.
• తర్వాత అందులో పుదీనా, పండుమిర్చి చట్నీలు, దానిమ్మ గింజలు, సన్న కారప్పూస, పంచదార, కారం, వేయించిన జీలకర్ర, ధనియాల పొడి, సన్నని కొత్తిమీర తరుగు వేసి ఒకసారి మొత్తం కలిసేలా కలపాలి.

కొత్తిమీర (Getty Images)

• అనంతరం వడలను కొద్దిసేపు పెరుగు మిశ్రమాన్ని పీల్చుకునేలా నానబెట్టి ఆపై సర్వ్ చేసుకుంటే చాలు. అంతే, మధ్యప్రదేశ్ స్పెషల్ నోరూరించే "దహీ వడ" అప్పటికప్పుడు రెడీ అవుతుంది!
• మరి, నచ్చితే మీరూ రెగ్యులర్ టిఫెన్స్​కు బదులుగా ఓసారి దీన్ని ట్రై చేయండి. ఇంటిల్లిపాదీ చాలా బాగా ఎంజాయ్ చేస్తారు.

పిల్లల మనసు నింపే "స్నాక్" - బ్రెడ్​తో నిమిషాల్లోనే రెడీ!

పచ్చిబొప్పాయితో పసందైన 'పచ్చడి' - వేడివేడి అన్నంలోకి అద్దిరిపోతుంది!