కరకరలాడే "అటుకుల సమోసాలు" - మైదా లేకుండా సింపుల్​గా ఇలా చేయండి!

Crispy Poha Samosa : సమోసాలను చాలా మంది ఇష్టంగా తింటారు. ఇవి పైకి క్రిస్పీగా, లోపల స్టఫ్ఫింగ్​తో సూపర్​ టేస్టీగా ఉంటాయి. ఈ నేపథ్యంలోనే ఎక్కువగా వీటిని మైదాపిండితో ఉల్లి, ఆలూ స్టఫ్ఫింగ్​తో చేస్తుంటారు. అలా కాకుండా ఓసారి గోధుమపిండితో ఉల్లి, అటుకులను ఉపయోగించి ఇవి చేశారంటే కరకరలాడుతూ పర్ఫెక్ట్​గా వస్తాయి. మరి అటుకుల సమోసాకు కావాల్సిన పదార్థాలేంటి? ఎలా రెడీ చేయాలో ఇప్పుడు చూద్దాం.

పల్లెటూరు "కాకా హోటల్ చట్నీ రెసిపీ" సీక్రెట్ ఇదే! - ఇడ్లీ, దోసెల్లోకి ఇది కమ్మగా ఉంటుంది!

బొంబాయి రవ్వ (Getty Images)

కావాల్సిన పదార్థాలు :

• అటుకులు - ముప్పావు కప్పు
• గోధుమపిండి - 2 కప్పులు
• బొంబాయి రవ్వ - 2 టీ స్పూన్లు
• ఉప్పు - రుచికి సరిపడా
• నెయ్యి - 1 టేబుల్​ స్పూన్​
• పచ్చిమిర్చి - 2
• ఉల్లిపాయలు - 3
• క్యారెట్​ - 1
• కొత్తిమీర - కొద్దిగా
• కారం -1 టీ స్పూన్​
• చాట్ మసాలా - 1 టీ స్పూన్
• ధనియాల పొడి - 1 టీ స్పూన్​
• జీలకర్ర - అర టీ స్పూన్
• గరం మసాలా - అర టీ స్పూన్​
• నిమ్మరసం - 1 టీ స్పూన్​
• ఆయిల్ - డీప్ ఫ్రైకి సరిపడా

అటుకులు (Getty Images)

తయారీ విధానం :

• ఈ రెసిపీ కోసం ముందుగా మిక్సింగ్ బౌల్లో రెండు కప్పుల గోధుమపిండి, రెండు టీ స్పూన్ల బొంబాయి రవ్వ వేసి కలపాలి. ఇందులో అర టీ స్పూన్​ ఉప్పు, ఒక టేబుల్ స్పూన్ నెయ్యి యాడ్ చేసి మిక్స్ చేయాలి. అనంతరం కొద్దికొద్దిగా నీళ్లు పోస్తూ పిండిని సెమీ సాఫ్ట్​గా కలపాలి. అనంతరం మూతపెట్టి 20 నిమిషాల పాటు పక్కనుంచాలి.
• అలాగే మూడు ఉల్లిపాయలు, రెండు పచ్చిమిర్చి, కొద్దిగా కొత్తిమీర, ఒక క్యారెట్​ను పొట్టు తీసి సన్నగా తురుముకోవాలి.

గోధుమపిండి (Getty Images)

• ఇప్పుడు మిక్సింగ్ బౌల్లో కట్ చేసి పెట్టుకున్న ఉల్లిపాయ ముక్కలు, ముప్పావు కప్పు అటుకులు వేసి బాగా మిక్స్​ చేయాలి. అనంతరం క్యారెట్,​ పచ్చిమిర్చి, కొత్తిమీర తురుము యాడ్ చేయాలి.
• ఇందులోనే ఒక టీ స్పూన్ కారం, కొద్దిగా ఉప్పు, ఒక టీ స్పూన్ ధనియాల పొడి వేయాలి. అదేవిధంగా ఒక టీ స్పూన్ చాట్​ మసాలా, అర టీ స్పూన్ గరం మసాలా, అర టీ స్పూన్ జీలకర్ర, ఒక టీ స్పూన్ నిమ్మరసం వేసి మిశ్రమాన్ని బాగా కలపాలి.

ఉల్లిపాయ ముక్కలు (Getty Images)

• అదేవిధంగా ఓ చిన్న గిన్నెలో కొద్దిగా గోధుమపిండి, కొన్ని నీళ్లు పోసి ఉండలు లేకుండా కాస్త జారుడుగా కలిపి పక్కనుంచాలి. ఈ మిశ్రమం షీట్స్​ను క్లోజ్​ చేయడానికి పనికొస్తుంది.
• ఆ తర్వాత ముందుగా కలిపి పెట్టుకున్న గోధుమపిండిని మరోసారి బాగా మిక్స్ చేయాలి. ఆపై ఆ పిండి ముద్దను నాలుగు సమాన ఉండలుగా చేయాలి.
• అనంతరం ఒక్కొ పిండి ఉండను పొడి పిండిలో అద్ది చపాతీ పీటపై వీలైనంత పల్చని చపాతీలా చేసుకోవాలి.
• ఇలా ప్రిపేర్​ చేసిన చపాతీ నాలుగు ఎడ్జ్​లను ముందుగా చాకుతో కట్​ చేయాలి. ఆపై స్క్వేర్ షేప్​లో మీకు కావాల్సిన పరిమాణంలో సమోసా షీట్స్​లా కట్ చేసుకోవాలి.

పచ్చిమిర్చి (Getty Images)

• అనంతరం ఒక్కో షీట్​ని తీసుకుని సమోసా షేప్ వచ్చేలా ఫోల్డ్ చేసి అందులో ముందుగా రెడీ చేసుకున్న స్టఫింగ్​ను సరిపడా నింపాలి.
• ఆ తర్వాత అంచులు ఊడిపోకుండా ముందుగా కలిపి పెట్టుకున్న తడి పిండిని అప్లై చేసి అంచులను చక్కగా కవర్ చేయాలి.
• ఇప్పుడు స్టవ్​ ఆన్​ చేసి కడాయికి సరిపడా ఆయిల్ పోయాలి. నూనె వేడైన తర్వాత సమోసాలను ఒక్కొక్కటిగా వేయాలి. అనంతరం మంటను మీడియం ఫ్లేమ్​లో ఉంచి వీటిని రెండు వైపులా టర్న్ చేస్తూ క్రిస్పీగా, గోల్డెన్ కలర్​ వచ్చేవరకు ఫ్రై చేయాలి.
• సమోసాలు పర్ఫెక్ట్​గా వేగిన తర్వాత ప్లేట్​లోకి తీసుకొని సర్వ్ చేసుకోవాలి.
• అంతే కరకరలాడే అటుకుల సమోసాలు మీ ముందుంటాయి!

జిగురు లేకుండా "బెండకాయ పచ్చడి" - రోటి పచ్చడిలా అద్భుతంగా ఉంటంది!

"కారం పొడులు" మీకు ఇష్టమా? - ఇలాంటి "పుదీనా కారం పొడి" సింపుల్​గా చేసేయండి!