కుక్కర్​లో ఈజీగా చేసుకునే "కొబ్బరన్నం" - లంచ్​బాక్స్​కి పర్ఫెక్ట్​ రెసిపీ!

Kobbari Annam Making : సాధారణంగా ఇండ్లలో పిల్లలు, పెద్దల కోసం వివిధ రకాల రైస్ రెసీపీలు చేస్తుంటారు. ఇవే కాకుండా మరో సూపర్ రెసిపీని మీకోసం తీసుకొచ్చాం. అదే కొబ్బరన్నం. దీనిని సింపుల్​గా కుక్కర్​లో నిమిషాల్లోనే ప్రిపేర్ చేసుకోవచ్చు. ఇది లంచ్​బాక్స్​లోకి పర్ఫెక్ట్​గా సెట్ అవుతుంది​. ఇలా చేసి పెడితే పిల్లలు భలే ఇష్టంగా తింటారు.

నోటికి కొత్త రుచినిచ్చే "పాలక్ సోయా బుర్జీ" - కొత్తవాళ్లైనా ఇలా సింపుల్​గా చేసేయొచ్చు!

బియ్యం (Getty Images)

కావాల్సిన పదార్థాలు :

• బియ్యం - ఒక కప్పు
• పచ్చికొబ్బరి ముక్కలు - ముప్పావు కప్పు
• ఆయిల్ - 2 టేబుల్ స్పూన్లు
• నెయ్యి - 1 టేబుల్ స్పూన్
• జీలకర్ర - 1 టీ స్పూన్
• దాల్చినచెక్క - 1
• లవంగాలు - 4
• యాలకులు - 2
• బిర్యానీఆకు - 1
• జీడిపప్పు - 2 టేబుల్ స్పూన్లు
• పచ్చిమిర్చి - 5
• ఉల్లిపాయ - 1
• కరివేపాకు - కొద్దిగా
• అల్లం వెల్లుల్లి పేస్ట్ - 1 టీ స్పూన్
• కొత్తిమీర తరుగు - 1 టేబుల్ స్పూన్
• పుదీనా తరుగు - 1 టేబుల్ స్పూన్
• పచ్చిబఠాణీ - 2 టేబుల్ స్పూన్లు
• ధనియాలపొడి - 1 టీ స్పూన్
• ఉప్పు - రుచికి సరిపడా

మసాలా దినుసులు (Getty Images)

తయారీ విధానం :

• ముందుగా గిన్నెలో కప్పు బియ్యం, నీళ్లు పోసి రెండు సార్లు శుభ్రంగా కడగాలి. ఆ తర్వాత సరిపడా వాటర్ యాడ్ చేసి 30 నిమిషాల పాటు నానబెట్టాలి. అదేవిధంగా ఒక ఉల్లిపాయ, ఐదు పచ్చిమిర్చిని ముక్కలుగా కట్ చేసుకోవాలి.
• అలాగే మిక్సీజార్​లో ముప్పావు కప్పు పచ్చికొబ్బరి ముక్కలు వేసి మెత్తగా గ్రైండ్ చేయాలి. ఇందులో గ్లాసు నీళ్లు పోసి మిక్సీ పట్టాలి.

కొబ్బరి (Getty Images)

• ఇప్పుడు స్టవ్ ఆన్ చేసి కుక్కర్​లో రెండు టేబుల్ స్పూన్ల ఆయిల్, ఒక టేబుల్ నెయ్యి వేయాలి. ఇవి వేడైన తర్వాత ఒక టీ స్పూన్ జీలకర్ర, ఒక దాల్చినచెక్క, నాలుగు లవంగాలు, రెండు యాలకులు, ఒక బిర్యానీ ఆకు వేసి ఫ్రై చేయాలి.
• ఇవి వేగిన తర్వాత రెండు టేబుల్ స్పూన్ల జీడిపప్పు వేసి వేగనివ్వాలి. జీడిపప్పు గోల్డెన్ కలర్​ వచ్చాక కట్ చేసి పెట్టుకున్న ఉల్లిపాయ, పచ్చిమిర్చి ముక్కలు, కొద్దిగా కరివేపాకు యాడ్ చేసి వేయించాలి.
• ఆనియన్స్ వేగాక ఒక టీ స్పూన్ అల్లంవెల్లుల్లి పేస్ట్ వేసి ఫ్రై చేసుకోవాలి. ఇందులోనే ఒక టేబుల్ స్పూన్ కొత్తిమీర తరుగు, ఒక టేబుల్ స్పూన్ పుదీనా తరుగు యాడ్ చేసి వేగనివ్వాలి.

జీడిపప్పు (Getty Images)

• అదేవిధంగా రెండు టేబుల్ స్పూన్ల పచ్చిబఠాణీ వేసి మూడు నిమిషాల పాటు ఫ్రై చేయాలి. ఆ తర్వాత ఒక టీ స్పూన్ ధనియాల పొడి, నానబెట్టిన బియ్యం, గ్రైండ్ చేసుకున్న కొబ్బరిపాలను కొలిచి పోయాలి. (కొబ్బరిపాలు గ్లాసు పరిమాణంలో ఉంటే మరో గ్లాసు నీళ్లు పోయాలి).
• ఇప్పుడు రుచికి సరిపడా ఉప్పు వేసి మూతపెట్టాలి. అనంతరం మంటను మీడియం ఫ్లేమ్​లో ఉంచి రెండు విజిల్స్ వచ్చేవరకు ఉడికించాలి.

కరివేపాకు (Getty Images)

• రెండు విజిల్స్ వచ్చిన తర్వాత చూస్తే వేడివేడి కొబ్బరన్నం సిద్ధంగా ఉంటుంది!
• ఈ కొబ్బరన్నంను మాములుగానే తినేయోచ్చు. లేదంటే రైతా వేసి తిన్నారంటే అద్దిరిపోతుంది.

సంక్రాంతి స్పెషల్ "మినప జంతికలు" - ఆయిల్ తక్కువ, క్రంచీ ఎక్కువ!

అన్నం, కర్రీ చేయాల్సిన అవసరం లేదు - ఇలా చేస్తే లంచ్ బాక్స్ కళకళ!