ఇంట్లో ఇడ్లీ, దోశ పిండి లేదా? - నిమిషాల్లో రవ్వతో "బన్ దోశలు" చేసుకోండి!

Bun Dosa Recipe in Telugu : మార్నింగ్ బ్రేక్​ఫాస్ట్​లోకి ఏం చేసుకోవాలో తోయనప్పుడు అప్పటికప్పుడు చేసుకునే ఒక సూపర్​​ రెసిపీ ఉంది. ఇందుకోసం పప్పు నానబెట్టి, మిక్సీ పట్టాల్సిన పనిలేదు. తక్కువ ఇంగ్రీడియంట్స్​తో నిమిషాల్లోనే ఇన్​స్టంట్​గా తయారయ్యే ఈ రెసిపీని ఎవరైనా ఈజీగా ప్రిపేర్ చేసుకోవచ్చు. అదే, సూపర్ సాఫ్ట్ అండ్ టేస్టీ "రవ్వ బన్ దోశలు".

ఇంట్లో టైమ్​కు ఇడ్లీ, దోశ పిండి లేనప్పుడు ఇవి సూపర్ ఆప్షన్​గా నిలుస్తాయి. బయట క్రిస్పీగా, లోపల సాఫ్ట్​గా ఉండే వీటిని పిల్లలైతే ఒకటికి రెండు ఇష్టంగా తింటారు. అలాగే, రెగ్యులర్ రెసిపీలతో పోల్చితే డిఫరెంట్ రుచిని ఆస్వాదిస్తారు. మరి, లేట్ చేయకుండా ఈ రుచికరమైన బన్ దోశలను ఎలా చేసుకోవాలి? అందుకు కావాల్సిన పదార్థాలేంటి? అన్నది ఇప్పుడు చూసేద్దాం.

రవ్వ (Getty Images)

కావాల్సిన పదార్థాలు :

• ఒక కప్పు - బొంబాయి రవ్వ
• అర కప్పు - పెరుగు
• రుచికి తగినంత - ఉప్పు

పెరుగు (Getty Images)

తాలింపు కోసం :

• నూనె - ఒకటిన్నర చెంచాలు
• ఇంగువ - పావుచెంచా
• ఆవాలు - అరచెంచా
• పచ్చిమిర్చి - రెండు
• సన్నని అల్లం తరుగు - రెండు చెంచాలు
• సన్నని ఉల్లిపాయముక్కలు - పావు కప్పు
• కరివేపాకు - రెండు రెమ్మలు
• కొత్తిమీర తరుగు - రెండు చెంచాలు
• బేకింగ్‌ సోడా - చిటికెడు
• ఆయిల్ - కొద్దిగా(దోశపై వేసుకోవడానికి)

కరకరలాడే "బ్రెడ్​ వడలు" - ఇన్​స్టంట్​గా చేసుకోవచ్చు - టేస్ట్​ కిర్రాక్​ అంతే!

ఉల్లిపాయ తరుగు (Getty Images)

తయారీ విధానం :

• ఈ ఇన్​స్టంట్ బ్రేక్​ఫాస్ట్ రెసిపీ కోసం ముందుగా ఒక వెడల్పాటి గిన్నెలో బొంబాయి రవ్వ, పెరుగు, రుచికి తగినంత ఉప్పు వేసి అన్నింటినీ బాగా కలిపి పావుగంటపాటు పక్కన పెట్టేయాలి.
• ఆలోపు రెసిపీలోకి అవసరమైన పరిమాణంలో ఉల్లిపాయ, పచ్చిమిర్చి, అల్లం, కొత్తిమీరను సన్నగా తరుక్కుని రెడీగా ఉంచుకోవాలి.
• ఇప్పుడు స్టవ్ మీద ఒక కడాయిలో రెండు చెంచాల నూనె వేసి వేడి చేసుకోవాలి. ఆయిల్ వేడయ్యాక అందులో ఆవాలు, ముందుగా కట్ చేసి పెట్టుకున్న సన్నని పచ్చిమిర్చి, అల్లం తరుగు వేసి పచ్చివాసన పోయేంత వరకు వేయించాలి.
• అవి వేగాక కట్ చేసి పెట్టుకున్న సన్నని ఉల్లిపాయ ముక్కలు, కరివేపాకు, ఇంగువ, కొత్తిమీర తరుగు వేసుకుని మంచి సువాసన వచ్చేంతవరకూ కలుపుతూ వేయించుకోవాలి.

పచ్చిమిర్చి (Getty Images)

• తాలింపు మంచిగా వేగిన తర్వాత స్టవ్ ఆఫ్ చేసుకుని దాన్ని పావుగంట పాటు పక్కనుంచిన బొంబాయి రవ్వ, పెరుగు మిశ్రమంలో వేసి అంతా బాగా కలిసేలా కలుపుకోవాలి.
• ఆ తర్వాత అందులో చివరిగా బేకింగ్​సోడా కూడా జత చేసి మరోసారి మిశ్రమం మొత్తం చక్కగా కలిసేలా మిక్స్ చేసుకోవాలి.
• అయితే, ఇక్కడ పిండి కన్సిస్టెన్సీ అనేది మరీ గట్టిగా, పలచగా కాకుండా కొద్దిగా నీళ్లు పోసి మీడియం కన్సిస్టెన్సీలో ఉండేలా రెడీ చేసుకుని పక్కనుంచాలి.
• అనంతరం స్టవ్ మీద పాన్ పెట్టి వేడి చేసుకోవాలి. పెనం వేడయ్యాక కొద్దిగా నూనె అప్లై చేసుకోవాలి.

కరివేపాకు (Getty Images)

• తర్వాత దానిపై ముందుగా రెడీ చేసి పెట్టుకున్న పిండిని ఒకట్రెండు గరిటెలు తీసుకుని మందంగా ఉండే అట్టులా వేసుకోవాలి.
• అలా వేసుకున్నాక దానిపై మూత పెట్టి లో టూ మీడియం ఫ్లేమ్​లో వన్ సైడ్ ఎర్రగా కాలే వరకు కాల్చుకోవాలి.
• అది వన్ సైడ్ మంచిగా కాలిన తర్వాత రెండో వైపునకు తిరగేసి అటువైపు కూడా మంచిగా కాల్చుకుని సర్వింగ్ ప్లేట్​లోకి తీసుకుంటే చాలు. అంతే, బొంబాయి రవ్వతో సూపర్ టేస్టీగా ఉండే "బన్‌ దోశ" నిమిషాల్లోనే రెడీ అవుతుంది!
• వీటిని బ్రేక్​ఫాస్ట్​లో చట్నీ లేకుండానే హ్యాపీగా తినేయొచ్చు. ఒకవేళ కావాలనుకుంటే పల్లీ, టమాటా చట్నీతో తినవచ్చు.
• మరి, నచ్చితే మీరూ ఓసారి రవ్వతో ఉప్మా కూడా తాలింపుతో ఇలా బన్ దోశలు ట్రై చేయండి. ఇంటిల్లిపాదీ లొట్టలేసుకుంటూ తింటారు!

చుక్క నూనె లేకుండా "దోశలు" - హెల్దీగా, టేస్టీగా!

మైదా లేకుండానే కరకరలాడే "పునుగులు" - చల్లని వేళ తక్కువ పదార్థాలతో అప్పటికప్పుడు రెడీ!