ఆలూ కాంబో​లో అద్దిరిపోయే "బ్రోకలీ కర్రీ" - పిల్లలైతే భలే ఇష్టంగా తింటారు!

⁣Broccoli Potato Curry in Telugu : బ్రోకలీ, బంగాళదుంపను వివిధ రకాల వంటల్లో ఉపయోగిస్తారు. అయితే ఈసారి కొత్తగా ఈ రెండింటిని ఉపయోగించి ఇలా కర్రీ చేశారంటే అద్దిరిపోతుంది. బిగినర్స్ కూడా ఈ స్టెప్స్ పాటిస్తూ ఈజీగా చేయోచ్చు. మరి బ్రోకలీ ఆలూ కర్రీ చేయడానికి కావాల్సిన పదార్థాలేంటి? ఎలా ప్రిపేర్ చేయాలో ఇప్పుడు చూద్దాం.

ఘుమఘుమలాడే "మెంతికూర పచ్చడి" - కమ్మగా ఇంకా ఇంకా తినాలనిపిస్తుంది!

బ్రోకలీ (Getty Images)

కావాల్సిన పదార్థాలు :

• బంగాళదుంప ముక్కలు - ఒక కప్పు
• బ్రోకలీ ఫ్లోరెట్స్ - ఒకటిన్నర కప్పులు
• బాదం - 15
• పచ్చికొబ్బరి ముక్కలు - పావు కప్పు
• జీలకర్ర - పావు టీ స్పూన్
• కరివేపాకు - కొద్దిగా
• వెల్లుల్లి రెబ్బలు - 10
• ఆయిల్ - 4 టేబుల్ స్పూన్లు
• ఆవాలు - అర టీ స్పూన్
• శనగపప్పు - 1 టేబుల్ స్పూన్
• జీలకర్ర - పావు టీ స్పూన్
• ఉల్లిపాయ ముక్కలు - ముప్పావు కప్పు
• అల్లం తరుగు - అర టేబుల్ స్పూన్
• ఉప్పు - రుచికి సరిపడా
• పసుపు - పావు టీ స్పూన్
• కారం - అర టీ స్పూన్
• కొత్తిమీర - కొద్దిగా
• పచ్చిమిర్చి - 3

బంగాళదుంపలు (Getty Images)

తయారీ విధానం :

• ఈ రెసిపీ కోసం ముందుగా కావాల్సిన పరిమాణంలో బంగాళదుంపలు, బ్రోకలీ, ఉల్లిపాయలు, మూడు పచ్చిమిర్చిని తరిగి ఉంచాలి.
• ఇప్పుడు ముందుగా స్టవ్ ఆన్ చేసి కడాయిలో రెండు కప్పుల నీళ్లు పోయాలి. వాటర్ వేడైన తర్వాత కప్పు బంగాళదుంప ముక్కలు, ఒకటిన్నర కప్పుల బ్రోకలీ ఫ్లోరెట్స్, కొద్దిగా ఉప్పు వేసి కలపాలి. అనంతరం మంటను మీడియం ఫ్లేమ్​లో ఉంచి మూతపెట్టి ఈ మిశ్రమాన్ని ఉడికించాలి. ఆ తర్వాత బ్రోకలీబంగాళదుంప ముక్కలను తీసి ప్లేట్​లో వేయాలి.

పచ్చికొబ్బరి (Getty Images)

• అలాగే మిక్సీజార్​లో 15 బాదం, పావు కప్పు పచ్చికొబ్బరి ముక్కలు, పావు టీ స్పూన్ జీలకర్ర వేయాలి. ఇందులోనే కొద్దిగా కరివేపాకు, 10 వెల్లుల్లి రెబ్బలు వేసి మెత్తని పేస్ట్​లా గ్రైండ్ చేయాలి.
• అదేవిధంగా స్టవ్ ఆన్ చేసి పాన్​లో నాలుగు టేబుల్ స్పూన్ల ఆయిల్ పోయాలి. నూనె వేడైన తర్వాత అర టీ స్పూన్ ఆవాలు వేసి వేయించాలి.
• ఇందులోనే ఒక టేబుల్ స్పూన్ శనగపప్పు, పావు టీ స్పూన్ జీలకర్ర వేసి వేగనివ్వాలి. అలాగే కట్ చేసి పెట్టుకున్న ముప్పావు కప్పు ఉల్లిపాయ ముక్కలు, అర టేబుల్ స్పూన్ అల్లంతరుగు యాడ్ చేసి ఫ్రై చేయాలి.

బాదం (Getty Images)

• ఆనియన్స్ వేగిన తర్వాత పచ్చిమిర్చి సన్నని తరుగు యాడ్ చేసి వేయించాలి. ఇందులోనే ఉడికించిన ఆలూబ్రోకలీ, కొద్దిగా ఉప్పు వేసి మూడు నిమిషాల పాటు ఫ్రై చేసుకోవాలి.
• అనంతరం పావు టీ స్పూన్ పసుపు, అర టీ స్పూన్ కారం వేసి కలపాలి. ఆ తర్వాత గ్రైండ్ చేసుకున్న బాదంకొబ్బరి పేస్ట్ యాడ్ చేసి మూడు నిమిషాల పాటు వేగనివ్వాలి. ఇందులోనే కప్పు వేడి నీళ్లు పోసి కలిపి మూతపెట్టి ఉడికించాలి.

కారం (Getty Images)

• చివరన కొత్తిమీర తరుగు వేసి మిక్స్ చేసి స్టవ్ ఆఫ్ చేసుకోవాలి.
• అంతే ఘుమఘుమలాడే బ్రోకలీ ఆలూ కర్రీ సిద్ధంగా ఉంటుంది!

మహా శివరాత్రి స్పెషల్ : నోరూరించే "చిలగడదుంప హల్వా" - నోట్లో వేసుకోగానే కరిగిపోతుంది!

స్టఫింగ్ లేకుండానే "గుత్తి వంకాయ కర్రీ" - అన్నం, పులావ్, రోటీల్లోకి అద్దిరిపోద్ది!