స్టఫింగ్ లేకుండానే "గుత్తి వంకాయ కర్రీ" - అన్నం, పులావ్, రోటీల్లోకి అద్దిరిపోద్ది!

Brinjal Curry Making in Telugu : వంకాయతో వివిధ రకాల రెసిపీలు చేస్తుంటారు. ఇందులో గుత్తి వంకాయ కర్రీకి సెపరేట్ ఫ్యాన్ ఫాలోయింగ్ ఉంటుంది. అయితే దీన్ని ఒక్కొక్కరు ఒక్కో విధంగా చేస్తుంటారు. ఇందుకోసం ముందుగా స్టఫింగ్ ప్రిపేర్ చేయాలి. కానీ స్టఫింగ్ అవసరమే లేకుండా ఈ కర్రీని ఈ పద్ధతిలో సింపుల్​గా తయారు చేసుకోవచ్చని మీకు తెలుసా? అంతేకాకుండా ఎలాంటి మసాలాలు వాడకుండానే ప్రిపేర్ చేయవచ్చు. ఈ పద్ధతిని పాటిస్తూ చేశారంటే ఎన్నడూ తినని రుచితో భలే అద్భుతంగా ఉంటుంది. ఇది చిక్కని గ్రేవీతో అన్నం, రోటీ, చపాతీ, పులావ్ ఇలా అన్నింటిలోకి సైడ్ డిష్​గా అద్దిరిపోతుంది.

నోరూరించే "గోంగూర చికెన్ నిల్వ పచ్చడి" - ముద్దకో ముక్క తినొచ్చు!

వంకాయలు (Getty Images)

కావాల్సిన పదార్థాలు :

• వంకాయలు - అర కిలో (500 గ్రాములు)
• జీలకర్ర - అర టేబుల్ స్పూన్
• మినపప్పు - 1 టేబుల్ స్పూన్
• శనగపప్పు - 1 టేబుల్ స్పూన్
• ధనియాలు - అర టేబుల్ స్పూన్
• చింతపండు - 20 గ్రాములు
• ఎండుమిర్చి - 2
• ఆయిల్ - 4 టేబుల్ స్పూన్లు
• ఉల్లిపాయ ముక్కలు - ఒక కప్పు
• కరివేపాకు - కొద్దిగా
• పసుపు - పావు టీ స్పూన్
• టమోటాలు - 2
• కారం - 1 టేబుల్ స్పూన్
• ఉప్పు - రుచికి సరిపడా
• జీడిపప్పు - 1 టేబుల్ స్పూన్

చింతపండు (Getty Images)

తయారీ విధానం :

• ఈ రెసిపీ కోసం ముందుగా అర కిలో వంకాయలను కడిగి నాలుగు వైపులా గాట్లు పెట్టుకోవాలి. ఇప్పుడు వీటిని ఉప్పు కలిపిన నీటిలో వేయాలి.
• అలాగే కావాల్సిన పరిమామణంలో ఉల్లిపాయలు, రెండు టమోటాలను తరిగి ఉంచాలి.
• అదేవిధంగా ఓ చిన్న గిన్నెలో 20 గ్రాముల చింతపండు, సరిపడా నీళ్లు పోసి 10 నిమిషాల పాటు నానబెట్టాలి. పది నిమిషాల తర్వాత చింతపండు రసం తీసి పక్కనుంచాలి.

టమోటాలు (Getty Images)

• ఇప్పుడు స్టవ్ ఆన్ చేసి కడాయిలో అర టేబుల్ స్పూన్ జీలకర్ర, ఒక టేబుల్ స్పూన్ మినపప్పు, ఒక టేబుల్ స్పూన్ శనగపప్పు వేయాలి. అలాగే అర టేబుల్ స్పూన్ ధనియాలు, రెండు ఎండుమిర్చి వేసి వేయించాలి. ఈ మిశ్రమం చల్లారిన తర్వాత మిక్సీజార్​లో వేసి మిక్సీ పట్టాలి.
• ఇదే పాన్​లో నాలుగు టేబుల్ స్పూన్ల ఆయిల్ పోయాలి. నూనె వేడైన తర్వాత కట్ చేసి పెట్టుకున్న కప్పు ఉల్లిపాయ ముక్కలు వేసి వేయించాలి. ఆనియన్స్ వేగిన తర్వాత కొద్దిగా కరివేపాకు యాడ్ చేసి వేగనివ్వాలి.

ఉల్లిపాయ ముక్కలు (Getty Images)

• ఆ తర్వాత కట్ చేసి పెట్టుకున్న వంకాయ ముక్కలు, పావు టీ స్పూన్ పసుపు వేయాలి. ఇప్పుడు మంటను మీడియం ఫ్లేమ్​లో ఉంచి రెండు నిమిషాల పాటు ఫ్రై చేయాలి.
• రెండు నిమిషాల అనంతరం తరిగి ఉంచిన టమోటా ముక్కలు వేసి కలపాలి. ఆ తర్వాత మూతపెట్టి మంటను లో ఫ్లేమ్​లో ఉంచి మధ్యమధ్యలో కలుపుతూ వేయించాలి.
• ఈ మిశ్రమం మగ్గిన తర్వాత ఒక టేబుల్ స్పూన్ కారం, గ్రైండ్ చేసిన జీలకర్రధనియాల పొడి వేసి కలపాలి. ఆ తర్వాత తీసి పెట్టుకున్న చింతపండు రసం, అర గ్లాసు నీళ్లు, రుచికి సరిపడా ఉప్పు యాడ్ చేసి మిక్స్ చేయాలి. అనంతరం మూతపెట్టి మధ్యమధ్యలో కలుపుతూ 20 నిమిషాల పాటు కలుపుతూ ఉడికించాలి.

కరివేపాకు (Getty Images)

• ఇరవై నిమిషాల తర్వాత వేయించిన ఒక టేబుల్ స్పూన్ జీడిపప్పు పలుకులు వేసి కలిపి స్టవ్ ఆఫ్ చేసుకోవాలి.
• అంతే నోరూరించే గుత్తి వంకాయ కర్రీ సిద్ధంగా ఉంటుంది!

అసలైన "ఆలూ ఫ్రైడ్ రెస్" - నిమిషాల్లోనే సూపర్ లంచ్ బాక్స్ రెడీ!

ఘుమఘుమలాడే "మెంతికూర పచ్చడి" - కమ్మగా ఇంకా ఇంకా తినాలనిపిస్తుంది!