బ్రేక్​ఫాస్ట్​లోకి "మరమరాల చీలాలు" - పిల్లలైతే వద్దనకుండా తినేస్తారు!

Breakfast Recipe with Maramaralu : పిల్లలు మార్నింగ్ బ్రేక్​ఫాస్ట్​లోకి ఏరోజుకారోజు వెరైటీ టిఫెన్ ఉండాలని కోరుకుంటారు. లేదంటే ఇవాళా ఇడ్లీ, దోశయేనా బోర్ అంటూ తినడం మానేస్తారు. అందుకే, చిన్నారుల కోసం రెగ్యులర్ టిఫెన్స్ కాకుండా ఒక వెరైటీ బ్రేక్​ఫాస్ట్ రెసిపీని తీసుకొచ్చాం. అదే, సూపర్ సాఫ్ట్​ అండ్ టేస్టీ "మరమరాల చీలా". మంచి రుచికరంగా, చూడడానికి ఆకర్షణీయంగా మందపాటి దోశల్లా ఉండే వీటిని పిల్లలైతే వద్దనకుండా ఎన్నైనా ఇష్టంగా తినేస్తారు. అలాగే, ఇవి తయారు చేసుకోవడానికి ఎక్కువ టైమ్​ కూడా పట్టదు. అప్పటికప్పుడు ఎవరైనా ఇన్​స్టంట్​గా రెడీ చేసుకోవచ్చు. మరి, మరమరాలతో ఈ నోరూరించే టిఫెన్​ను ఎలా చేసుకోవాలో ఇప్పుడు చూద్దాం.

మరమరాలు (Getty Images)

కావాల్సిన పదార్థాలు :

• రెండు కప్పులు - మరమరాలు
• అర కప్పు - బొంబాయిరవ్వ
• అర కప్పు - పెరుగు
• పావు కప్పు - సన్నని ఉల్లిపాయ ముక్కలు
• ఒక చెంచా - సన్నని పచ్చిమిర్చి తరుగు
• రెండు టేబుల్​స్పూన్లు - క్యాబేజీ తరుగు
• రెండు టేబుల్​స్పూన్లు - బీన్స్ తరుగు
• ఒక టేబుల్​స్పూన్ - క్యారెట్ తురుము
• ఒక చెంచా - ఎండుమిర్చి గింజలు
• రుచికి తగినంత - ఉప్పు
• పావు చెంచా - వంటసోడా
• అర కప్పు - నూనె
• రెండు చెంచాలు - ఆవాలు

ఇడ్లీలు మిగిలితే కరకరలాడే "వడలు"! - తక్కువ నూనెతోనే అప్పటికప్పుడు రెడీ!

రవ్వ (Getty Images)

తయారీ విధానం :

• ఈ రెసిపీ కోసం ముందుగా ఉల్లిపాయలను పావు కప్పు పరిమాణంలో సన్నగా తరుక్కుని పక్కనుంచాలి.
• అలాగే, కావాల్సిన పరిమాణంలో సన్నని క్యారెట్ తురుము, సన్నని క్యాబేజీ తరుగు, బీన్స్ తరుగు, పచ్చిమిర్చి తరుగును ముందుగానే సిద్ధం చేసుకుని పెట్టుకోవాలి.
• అనంతరం ఒక గిన్నెలో మరమరాలు తీసుకుని అవి మునిగేలా వాటర్ పోసి ఐదు నిమిషాల పాటు నాననివ్వాలి.

ఉల్లిపాయ తరుగు (Getty Images)

• ఐదు నిమిషాల అనంతరం మంచిగా నానిన మరమరాలను మిక్సీ జార్​లోకి తీసుకుని అవసరమైతే కొద్దిగా వాటర్ యాడ్ చేసుకుని దోశపిండి మాదిరిగా గ్రైండ్ చేసుకోవాలి.
• తర్వాత గ్రైండ్ చేసుకున్న మరమరాల పిండిని ఒక వెడల్పాటి మిక్సింగ్ బౌల్​లోకి తీసుకోవాలి.
• ఆపై అందులో బొంబాయిరవ్వ, పెరుగు, ముందుగా తరిగి పెట్టుకున్న సన్నని ఉల్లిపాయ, పచ్చిమిర్చి తరుగు, క్యాబేజీ, బీన్స్ తరుగు, సన్నని క్యారెట్ తురుము వేసి ఒకసారి ఇంగ్రీడియంట్స్ అన్నీ బాగా కలిసేలా కలపాలి.
• ఇక చివరగా ఆ మిశ్రమంలో ఎండుమిర్చి గింజలు, వంటసోడా వేసి మరోసారి బాగా కలిపి గిన్నెపై మూత ఉంచి పదినిమిషాల పాటు పక్కనుంచాలి.

అటుకులతో "పునుగులు" - పైన క్రిస్పీ, లోపల సాఫ్ట్​ - టమాటా చట్నీతో కిర్రాక్​!

క్యారెట్ తురుము (Getty Images)

• పది నిమిషాల అనంతరం స్టవ్ మీద దోశ పెనం పెట్టి చెంచా నూనె వేసి వేడి చేసుకోవాలి.
• అది వేడయ్యాక కొన్ని ఆవాలు వేసి వేయించి వాటిపైన ముందుగా కలిపి పెట్టుకున్న పిండిని ఒకట్రెండు గరిటెలు వేసుకుని మందపాటి అట్టులా స్ప్రెడ్ చేసుకోవాలి.
• తర్వాత పైన కొద్దిగా నూనె వేసుకుని వన్ సైడ్ చక్కగా కాల్చుకోవాలి. వన్ సైడ్ మంచిగా కాలిన తర్వాత రెండో వైపునకు టర్న్ చేసి కాస్త ఆయిల్ వేసి అటు వైపు కూడా ఎర్రగా కాలనివ్వాలి.

పెరుగు (Getty Images)

• రెండు వైపులా మంచిగా కాల్చుకున్నాక సర్వింగ్ ప్లేట్​లోకి తీసుకోవాలి. ఇలాగే మిగిలిన పిండి మొత్తాన్ని రెడీ చేసుకోవాలి.
• తర్వాత వాటిని వేడివేడిగా కొబ్బరి చట్నీ లేదా మీకు నచ్చిన చట్నీతో సర్వ్ చేసుకోండి. అంతే, సూపర్ సాఫ్ట్ అండ్ టేస్టీగా ఉండే "మరమరాల చీలాలు" బ్రేక్​ఫాస్ట్​లోకి అప్పటికప్పుడు రెడీ అవుతాయి!
• మరి, నచ్చితే మీరు రెగ్యులర్ టిఫెన్స్ కాకుండా ఓసారి వెరైటీగా ఈ రెసిపీ ట్రై చేయండి. ఇంట్లో వారందరూ ఇష్టంగా తింటారు.

క్యాబేజీ తురుము (ETV Bharat)

చల్లని వేళ కరకరలాడే "పనీర్-కార్న్ వడలు" - తక్కువ టైమ్​లో అప్పటికప్పుడు రెడీ!