"అటుకుల చక్కెర పొంగలి" - ఈ కొలతల్లో ట్రై చేశారంటే కమ్మగా ఉంటుంది!

Atukula Chakkara Pongali : వ్రతాలు, పండుగలు, పూజల సమయాల్లో ఎక్కువ మంది చక్కెర పొంగలి ప్రిపేర్ చేస్తుంటారు. దీనిని వివిధ రకాలుగా తయారు చేస్తారు. మరి మీరెప్పుడైనా అటుకల చక్కెర పొంగలి తిన్నారా? లేదంటే మాత్రం ఓసారి ఈ విధంగా చేస్తే చాలా అద్దిరిపోతుంది. మొదటిసారు చేసేవారైనా ఈ స్టెప్స్ పాటిస్తే పర్ఫెక్ట్​గా వస్తుంది. మరి ఆలస్యం చేయకుండా ఈ స్వీట్ రెసిపీని ఎలా చేయాలి? ఇందుకు కావాల్సిన పదార్థాలేంటో ఇప్పుడు చూద్దాం.

సమ్మర్​లో ఇలాంటి కర్రీ బాగుంటుంది - 10 నిమిషాల్లో రెడీ అవుతుంది!

అటుకులు (Getty Images)

కావాల్సిన పదార్థాలు :

• మందపాటి అటుకులు - 2 కప్పులు (500 గ్రాములు)
• పెసరపప్పు - అర కప్పు
• పచ్చికొబ్బరి ముక్కలు - అర కప్పు
• బెల్లం తురుము - 2 కప్పులు
• యాలకుల పొడి - 2 టీ స్పూన్లు
• జీడిపప్పు పలుకులు - 20
• కిస్మిస్​ - 20
• బెల్లం తురుము - 2 కప్పులు
• పచ్చకర్పూరం - రెండు చిటికెడ్లు
• నెయ్యి - సరిపడా

పెసరపప్పు (Getty Images)

తయారీ విధానం :

• ఈ రెసిపీ కోసం ముందుగా స్టవ్ ఆన్ చేసి గిన్నెలో అర కప్పు పెసరపప్పు వేయాలి. ఇప్పుడు మంటను లో ఫ్లేమ్​లో ఉంచి పెసరపప్పును దోరగా వేయించి ఓ ప్లేట్​లోకి తీసుకొని పూర్తిగా చల్లారనివ్వాలి.
• అదేవిధంగా ఓ గిన్నెలో రెండు కప్పుల మందపాటి అటుకులు వేసి రెండు సార్లు శుభ్రంగా కడగాలి. అనంతరం అటుకులను గట్టిగా పిండి ప్లేట్​లో వేయాలి.

బెల్లం (Getty Images)

• అనంతరం స్టవ్ ఆన్ చేసి కుక్కర్​లో వేయించిన పెసరపప్పు, సరిపడా నీళ్లు పోసి మూతపెట్టాలి. ఇప్పుడు మంటను మీడియం ఫ్లేమ్​లో ఉంచి రెండు విజిల్స్ వచ్చేవరకు ఉడికించి స్టవ్ ఆఫ్ చేసుకోవాలి.
• మరోవైపు స్టవ్ ఆన్ చేసి పాన్​లో తగినంత నెయ్యి పోయాలి. నెయ్యి కరిగిన తర్వాత అర కప్పు పచ్చికొబ్బరి ముక్కలు వేసి వేయించాలి. పచ్చికొబ్బరి ముక్కలు వేగిన తర్వాత 20 జీడిపప్పు పలుకులు యాడ్ చేసి వేగనివ్వాలి. అనంతరం 20 కిస్మిస్​ వేసి ఫ్రై చేసి ఓ ప్లేట్​లోకి తీసుకోవాలి.

డ్రైఫ్రూట్స్ (Getty Images)

• ఇదే పాన్​లో రెండు కప్పుల బెల్లం తురుము, మూడు కప్పుల నీళ్లు పోయాలి. బెల్లం కరిగి మరుగుతున్నప్పుడు అటుకులు వేసి కలిపి ఐదు నిమిషాల పాటు ఉడికించాలి.
• ఐదు నిమిషాల అనంతరం ఉడికించిన పెసరపప్పు యాడ్ చేసి మిక్స్ చేయాలి. ఆ తర్వాత రెండు టీ స్పూన్ల యాలకుల పొడి, రెండు చిటికెడ్ల పచ్చకర్పూరం వేసి మరో నాలుగు నిమిషాల పాటు ఉడకనివ్వాలి.

నెయ్యి (Getty Images)

• నాలుగు నిమిషాల తర్వాత వేయించిన పచ్చికొబ్బరిజీడిపప్పు మిశ్రమం, కొద్దిగా నెయ్యి వేసి మిక్స్ చేయాలి. అనంతరం మంటను లో ఫ్లేమ్​లో ఉంచి మరో ఐదు నిమిషాల పాటు ఉడికించి స్టవ్​ ఆఫ్​ చేయాలి.
• అంతే ఎంతో రుచికరంగా ఉండే అటుకుల చక్కెర పొంగలి మీ ముందుంటుంది!
• మీరు ఈ పొంగలిని ఎక్కువ మోతాదులో చేసుకోవాలనుకుంటే అటుకులు,పెసరపప్పుతో పాటు ఇతర పదార్థాలను అందుకనుగుణంగా పెంచి తీసుకోవాలి.

హైదరాబాద్ స్పెషల్ "ఖజూర్ స్వీట్" - పైకి క్రంచీగా లోపల సాఫ్ట్​గా - నెల రోజుల పాటు నిల్వ!

నోరూరించే "పాకం కజ్జికాయలు" - నోట్లో వేసుకోగానే వెన్నలా కరిగిపోతాయి!