అనుకున్న సమయం కంటే ముందే 'ఉస్తాద్‌ భగత్‌సింగ్!'- 'టాక్సిక్' పోస్ట్​పోన్​తో ప్లాన్ మార్చనున్న మేకర్స్​!

Ustaad Bhagat Singh Release Date : పవర్​స్టార్ పవన్​ కల్యాణ్ సినిమా 'ఉస్తాద్​ భగత్​సింగ్' అనుకున్న సమయం కంటే ముందే రీలీజ్​ అవుతుందనే ప్రచారం జోరుగా సాగుతుంది. మార్చి 26న విడుదల కావాల్సిన ఈ మూవీని 19కే రిలీజ్​ చేసేలా మేకర్స్ సన్నాహాలు చేస్తున్నారని సమాచారం. రాకింగ్ స్టార్ యశ్ నటించిన 'టాక్సిక్‌: ఎ ఫెయిరీ టేల్ ఫర్ గ్రోన్-అప్స్' సినిమా మార్చి 19న విడుదల కావాల్సి ఉంది. కానీ అది ఇప్పుడు జూన్​ 4కు వాయిదా పడింది. ఈ నేపథ్యంలో ఆ డేట్​ను తీసుకోవాలని 'ఉస్తాద్​ భగత్​సింగ్' మేకర్స్ భావిస్తున్నట్లు తెలుస్తోంది. దీంతో పర్​స్టార్​ ఫ్యాన్స్​ ఫుల్​ ఖుషీగా ఉన్నారు.

అయితే తెలుగు వారి నూతన సంవత్సరమైన ఉగాది పండగ ఈ ఏడాది మార్చి 19న ఉంది. ఈ పండగ సందర్భంగా సినిమాను థియేటర్లలో రిలీజ్ చేయాలని మూవీ మేకర్స్​ ప్రయత్నిస్తున్నారనే వార్తలు వస్తున్నాయి. దీంతోపాటుగా రంజాన్ కూడా ఉండడంతో లాండ్ వీకెండ్ కూడా కలిసి వస్తుందని భావిస్తున్నారట. అందుకే మార్చి 19న సినిమా విడుదలకు సిద్ధంగా ఉండాలని డిస్ట్రిబ్యూటర్లకు కూడా సమాచారం అందించారని ఇన్​సైడ్ టాక్ వినిపిస్తుంది. కానీ దీనిపై క్లారిటీ రావాల్సి ఉంది.

అడ్వాన్స్ బుకింగ్స్​పై అప్డేట్
ఈ సినిమాను ఓవర్సీస్​లో 'ప్రత్యంగిరా సినిమాస్' రిలీజ్ చేయనుంది. ఈ క్రమంలో అడ్వాన్స్ బుకింగ్‌లు మార్చి 08 (ఆదివారం) నుంచి ప్రారంభమవుతాయని ఆ సంస్థ వెల్లడించింది. ఈనెల 25న ప్రీమియర్స్ పడనున్నట్లు తెలిపింది. దీనికి సంబంధించిన బుకింగ్స్ అప్డేట్​ను షేర్ చేసుకుంది. అయితే ఈ ప్రకటన వచ్చిన తర్వాత టాక్సిక్ వాయిదా పడింది. దీంతో ఉస్తాద్ ప్రీపోన్ ప్రచారం వేళ అడ్వాన్స్ బుకింగ్స్​పై కన్​ఫ్యూజ్​ నెలకొంది. ఏదేమైనా ఒకట్రెండు రోజుల్లో దీనిపై క్లారిటీ వచ్చే అవకాశం ఉంది.

డీఎస్పీతోపాటు తమన్ కూడా!​
కాగా, 'ఉస్తాద్​ భగత్​సింగ్'కు దేవి శ్రీ ప్రసాద్ సంగీతం​ అందిస్తున్నారు. ఆయన మ్యూజిక్ అందించిన పాటలకు ఒక్కొక్కటిగా రిలీజ్ అవుతున్నాాయి. అయితే ఈ సినిమాలో బీజీఎమ్ కోసం మేకర్స్ తమన్​ను సంప్రదించారు. ఆయన ఉస్తాద్​కు బ్యాక్​గ్రౌండ్ స్కోర్ అందించనున్నట్లు మేకర్స్ అధికారికంగా బుధవారం ప్రకటించారు. గతేడాది పవన్ హీరోగా రిలీజైన ఓజీకి తమనే మ్యూజిక్ డైరెక్టర్. ఆ సినిమా బీజీఎమ్ సెన్సేషనల్ అయ్యింది. ఇక గతంలో అల్లు అర్జున్ 'పుష్ప 2: ది రూల్' విషయంలో కూడా ఇలాగే ఇద్దరు మ్యూజిక్ డైరెక్టర్లు పని చేశారు. సుకుమార్ దర్శకత్వం వహించిన ఆ చిత్రానికి డీఎస్పీ సంగీతం అందించగా, తమన్, సామ్ సీఎస్ సంయుక్తంగా బ్యాక్‌గ్రౌండ్ స్కోర్ అందించారు.

సినిమాలు- రాజకీయం వేర్వేరు
హరీశ్ శంకర్ దర్శకత్వంలో వస్తున్న ఈ సినిమా పొలిటికల్ రిఫరెన్స్​లతో లేదా మరొక మూవీకి రీమేక్​గా అవుతుందా అనే సందేహాలు వచ్చాయి. ఈ విషయంలో దర్శకుడు ఓ ఇంటర్వ్యూలో మాట్లాడుతూ ఒక క్లారిటీ ఇచ్చారు. ఇది రీమేక్ కాదని, స్టైయిట్ సినిమానేే అని అన్నారు. అలాగే ఈ చిత్రానికి రాజకీయాలకు సంబంధం లేదని తెలిపారు. ఇందులో ఎలాంటి పొలిటికల్ రిఫరెన్స్​లు ఉండవని, అన్ని వర్గాల ప్రేక్షకులకు వినోదం అందించడమే తమ ఉద్దేశం అని స్పష్టం చేశారు. సినిమాలు- రాజకీయాలను వేర్వేరుగా చూడాలని తనకు పవన్ కల్యాణ్​ తొలి రోజే చెప్పారని అన్నారు. ఇక మూవీ విషయానికి వస్తే పవన్ పోలీసు పాత్రలో కనిపించనున్నారు. యంగ్ బ్యూటీ శ్రీలీల, రాశీ ఖన్నా హీరోయిన్లుగా నటిస్తున్నారు. దేవీశ్రీ ప్రసాద్ సంగీతం అందిస్తున్నారు. మైత్రి మూవీ మేకర్స్ బ్యానర్​పై ఈ సినిమాను రవిశంకర్ నిర్మిస్తున్నారు.

అనుకున్న సమయం కంటే ముందే 'ఉస్తాద్‌ భగత్‌సింగ్!'- 'టాక్సిక్' పోస్ట్​పోన్​తో ప్లాన్ మార్చనున్న మేకర్స్​!

'ఉస్తాద్ భగత్​సింగ్'లో పొలిటికల్ రిఫరెన్స్?- క్లారిటీ ఇచ్చిన డైరెక్టర్ హరీశ్