డార్లింగ్ ఫ్యాన్స్​కు గుడ్​న్యూస్- 'రాజాసాబ్' ఓల్డ్​ మ్యాన్ సీన్స్ వచ్చేస్తున్నాయోచ్! ​ ​

Rajasaab Prabhas Old Look : పాన్ఇండియా స్టార్ ప్రభాస్ హీరోగా, దర్శకుడు మారుతి కాంబినేషన్లో వచ్చిన 'ది రాజా సాబ్' సంక్రాంతి సందడిని మొదలుపెట్టింది. శుక్రవారం ప్రపంచవ్యాప్తంగా విడుదలైన ఈ సినిమా థియేటర్లలో సందడి చేస్తోంది. అయితే ప్రమోషన్లలో చూపించిన స్పెషల్ లుక్ సినిమాలో మిస్ అవ్వడంతో ఫ్యాన్స్ నిరాశ చెందుతున్నారు. రిలీజ్​కు ముందు ఫుల్ హైప్ తీసుకొచ్చిన ప్రభాస్​ ఓల్డ్​ మ్యాన్ లుక్ సినిమాలో లేకపోవడం వల్ల డిసప్పాయింట్ అయ్యారు. దీనిపై నిర్మాత విశ్వప్రసాద్ క్లారిటీ ఇచ్చారు.

సినిమాలో ఆ లుక్ మిస్ అవ్వడంపై సోషల్ మీడియాలో ట్రోల్స్ వస్తున్న నేపథ్యంలో నిర్మాత టీజీ విశ్వప్రసాద్ ఎట్టకేలకు స్పందించారు. రీసెంట్​గా జరిగిన ప్రెస్​మీట్​లో ఆయన ఈ విషయాన్ని బయటపెట్టారు. ప్రభాస్​కు సంబంధించిన దాదాపు నాలుగు నిమిషాల నిడివి గల 'ఓల్డ్ అవతార్' సీన్లు సర్వర్ సమస్యల కారణంగా మొదట అప్ లోడ్ చేయలేకపోయామని ఆయన వివరించారు. టెక్నికల్ ఇష్యూస్ వల్లే ఆ కీలకమైన భాగాన్ని థియేట్రికల్ వెర్షన్​లో చేర్చలేకపోయామని ఆయన క్లారిటీ ఇచ్చారు.

ఫ్యాన్స్​కు గుడ్​న్యూస్!
అయితే మిస్ అయిన ఓల్డ్ మ్యాన్​ లుక్​కు సంబంధించిన సీన్స్​ ఇకపై యాడ్ చేస్తున్నట్లు చెప్పారు. ఇప్పటికే దీనికి సంబంధించిన ఫుటేజ్ థియేటర్లకు పంపినట్లు వివరించారు. అయితే సినిమా ఓవరాల్​ రన్​టైమ్ మారకుండా పలు సీన్లను ట్రిమ్ చేసి ఎక్స్​ట్రా పుటేజ్​ను టాడ్ చేయనున్నట్లు చెప్పారు. ఈ కొత్త సీన్లు ఇవావ ఫస్ట్​ షో లేదా సెకండ్ షో నుంచి అందుబాటులో ఉంటాయని అన్నారు. దీంతో డార్లింగ్ ఫ్యాన్స్​ ఫుల్ ఖుషీ అవుతున్నారు.

రియల్ శ్వాగ్ చూస్తారు : మారుతి
ప్రభాస్ ఫ్యాన్స్ కోరిక మేరకు సినిమా సెకండ్ హాఫ్​ను మరింత షార్ప్ చేసి ఆ మిస్సింగ్ ఓల్డ్ మ్యాన్ లుక్​కు సంబంధించిన సీన్స్​ను ఈరోజు సాయంత్రం 6 గంటల షో నుంచి యాడ్ చేస్తున్నట్లు దర్శకుడు మారుతి స్పష్టం చేశారు. ముఖ్యంగా రూఫ్​పై జరిగే సుమారు 8 నుంచి 9 నిమిషాల నిడివి గల ఒక అదిరిపోయే ఫైట్ ఎపిసోడ్​ను ఇప్పుడు సినిమాలో చూడవచ్చని ఆయన తెలిపారు. ఈ అదనపు ఫుటేజ్​తో అభిమానులు కచ్చితంగా సంతృప్తి చెందుతారని, రియల్ 'రాజాసాబ్' శ్వాగ్​ను వెండితెరపై ఎంజాయ్ చేయవచ్చని మారుతి పేర్కొన్నారు.

ఆ లుక్ వెనుక పెద్ద హైపే ఉంది
సినిమా రిలీజ్​కు ముందు మేకర్స్ వదిలిన పోస్టర్లు, టీజర్లు సోషల్ మీడియాలో మంచి హైప్ క్రియేట్ చేశాయి. ముఖ్యంగా ప్రభాస్​కు సంబంధించిన ఓల్డ్ మ్యాన్ ఉన్న పోస్టర్ చూసి ఫ్యాన్స్ ఫిదా అయిపోయారు. ఆ గెటప్​లో ప్రభాస్ లుక్ చాలా ఇంటెన్సిటీగా ఉండటంతో సినిమాలో ఆ క్యారెక్టర్ హై రేంజ్​లో ఉంటుందని అందరూ ఊహించారు. ట్రైలర్​లో కూడా ఆ లుక్​ను కొంత హైలైట్ చేయడంతో ఆడియన్స్​లో క్యూరియాసిటీ పెరిగింది. తీరా థియేటర్లలో సినిమా చూశాక ఆ లుక్ ఎక్కడా కనిపించకపోవడంతో అభిమానులు తీవ్ర నిరాశకు గురయ్యారు.

డే 1 రూ.112 కోట్లు
ఈ సినిమాకు సంబంధించిన ఫస్ట్ డే కలెక్షన్స్​ వివరాలను మేకర్స్ తాజాగా అధికారికంగా ప్రకటించారు. రాజాసాబ్ వరల్డ్​వైడ్​గా తొలి రోజు రూ.112 కోట్లు (ప్రీమియర్స్​తో కలిపి) వసూల్ చేసినట్లు మేకర్స్ వెల్లడించారు. ఈ మేరకు ఓ పోస్టర్ రిలీజ్ చేశారు. ఓ హార్రర్ ఫాంటసీ ఫిల్మ్​కు ఇంత భారీ రేంజ్​​లో ఓపెనింగ్స్ దక్కడం ఇదే తొలిసారి అని మేకర్స్ పేర్కొన్నారు.

'రాజాసాబ్'​​లో ఆ లుక్ మిస్సింగ్- మేకర్స్​ డెసిషన్​తో ఫ్యాన్స్ డిసప్పాయింట్

ప్రభాస్ 'ది రాజాసాబ్'​ రివ్యూ- హారర్ థ్రిల్లర్ ఎలా ఉందంటే?