'షూటింగ్ ఆపేద్దామనుకున్నాం!- కానీ చరణ్ వద్దన్నారు'- పెద్ది డైరెక్టర్ బుచ్చిబాబు

Chiranjeevi On Rai Rai Raa Raa Song : మెగా పవర్​స్టార్ రామ్​చరణ్ 'పెద్ది' సినిమా నుంచి రీసెంట్​గా రిలీజైన 'రై రై రా రా' పాటకు ఫుల్ రెస్పాన్స్ వస్తోంది. యూట్యూబ్​లో ప్రస్తుతం ఈపాట టాప్​ ట్రెండింగ్​లో కొనసాగుతోంది. ఇందులో లిరిక్స్​, చెర్రీ డ్యాన్స్ స్టెప్పులు, ఎనర్జీకి ఆడియెన్స్ ఫిదా అవుతున్నారు. చెర్రీ లుక్ కూడా రగ్గ్​డ్​గా ఆకట్టుకుంటుంది. అయితే ఈ పాట షూటింగ్ సమయంలో చెర్రీకి హై ఫీవర్ వచ్చిందట! దీంతో షూటింగ్ ఆపేద్దామని తాను అనుకుంటే, చరణ్ మాత్రం ఫుల్ డెడికేషన్​తో 'వద్దు' అని చెప్పారని దర్శకుడు బుచ్చిబాబు పేర్కొన్నారు. పాట అదిరిపోయిందని మెగాస్టార్ చిరంజీవి షేర్ చేసిన పోస్టుకు రిప్లై ఇస్తూ బుచ్చిబాబు ఈ విషయాన్ని వెల్లడించారు.

చిరంజీవి స్పెషల్ పోస్ట్
రయ్ రయ్ పాటపై మెగాస్టార్ చిరంజీవి స్పందించారు. పాట అదిరిపోయిందని టీమ్ అందరికీ శుభాకాంక్షలు చెబుతూ సోషల్ మీడియాలో ఓ పోస్టు షేర్ చేశారు. 'రయ్ రయ్​ రా రా పాటలో రామ్​చరణ్ ఎనర్జీ, స్పీడ్ వేరే లెవెల్. తన పెర్ఫార్మెన్స్​, గ్రేస్​తో చెర్రీ అదరగొట్టాడు. తనను చూస్తే నాకు గర్వంగా ఉంది. బుచ్చిబాబు పిక్చరైజేషన్, ఏఆర్ రెహమాన్​ మ్యాజికల్ మ్యూజిక్, జానీ మాస్టర్ కొరియోగ్రఫీ, రత్నవేలు DOP, అనంత శ్రీరామ్ లిరిక్స్​ అన్నీ పవర్​ప్యాక్డ్​గా ఉన్నాయి. పెద్ది టీమ్ అందరికీ నా శుభాకాంక్షలు. మీరు ఇలాంటివి ఇంకెన్నో సాధించాలి' అని చిరు ఎక్స్​లో ట్వీట్ వేశారు.

జ్వరం వచ్చినా- డెడికేషన్​తో వర్క్
దీనికి బుచ్చిబాబు స్పందిస్తూ, చిరంజీవికి థాంక్స్ చెప్పారు. అలాగే ఈ సాంగ్​ షూటింగ్ సమయంలో జరిగిన దాని ఓ సంఘటన గురించి గుర్తుచేసుకున్నారు. 'ఆరోజు నాకు ఇంకా గుర్తుంది సర్, ఈ BGM షూటింగ్ చేస్తున్నప్పుడు చరణ్​ సర్‌ తీవ్రమైన జ్వరంతో బాధపడుతున్నారు. అందుకే మేం షూటింగ్ ఆపేద్దామనుకున్నాం. కానీ, ఆయన 'లేదు చేద్దాం' అని అన్నారు. అంత జ్వరంలో కూడా ముఖంపై చిరునవ్వుతో, ఎంతో గ్రేస్‌తో డాన్స్ చేశారు. ఆ డెడికేషన్, ఆ యాటిట్యూడ్ అన్నీ మీ నుంచి వచ్చినవే సర్' అంటూ రిప్లై ఇచ్చారు. దీంతో చరణ్ డెడికేషన్​కు ఫ్యాన్స్ హ్యాట్సాఫ్ చెబుతున్నారు.

రెహమాన్ పాట- చెర్రీ ఆట
అనంత్ శ్రీరామ్ రాసిన ఈ పాటను రెహమాన్ స్వయంగా పాడారు. ఆయన వాయిస్, బుచ్చిబాబు విజువల్స్, చెర్రీ డ్యాన్స్ స్టెప్స్ అన్నీ హైలైట్​గా ఉన్నాయి. ఇవి కొత్త వైబ్​ను క్రియేట్ చేస్తున్నాయి. ఇందులో ముఖ్యంగా మాట్లాడుకోవాల్సింది చరణ్ డ్యాన్స్ గురించే. ఈ స్టెప్పులు ఫుల్ ఫేమస్ అవుతున్నాయి. ఇప్పటికే చికిరి చికిరిలో హుక్​ స్టెప్​కు ఫిదా అయిన ఆడియెన్స్​ను ఇందులో స్పీడ్ అండ్ ఎనర్డిటిక్ డ్యాన్స్​తో ఆకట్టుకుంటున్నారు. సోమవారం సాయంత్రం ఈపాట రిలీజ్ కాగా, 24 గంటలైనా కాకముందే దాదాపు 20 మినియన్ల వ్యూస్ సాధించింది. ఇక ఈ సినిమా నుంచి గతేడాదే రిలీజైన 'చికిరి', 'చికిరి' సాంగ్​ ఫుల్ హిట్ అయ్యింది. ఈపాటకు నెటిజన్లు లక్షల్లో రీల్స్ చేశారు.

ఈ సినిమాకు బుచ్చిబాబు సాన దర్శకత్వం వహిస్తున్నారు. విలేజ్ బ్యాక్​డ్రాప్​లో యాక్షన్ అండ్ ఫ్యామిలీ ఎంటర్టైనర్​గా సినిమాను తెరకెక్కిస్తున్నారు. బాలీవుడ్ బ్యూటీ జాన్వీ కపూర్ హీరోయిన్​గా నటిస్తోంది. సీనియర్ నటుడు జగపతిబాబు, కన్నడస్టార్ శివకుమార్, బొమన్ ఇరానీ, దివ్యేందు తదితరులు కీలక పాత్రల్లో నటిస్తున్నారు. ఏ ఆర్ రెహమాన్​ మ్యూజిక్ అందిస్తున్నారు. వృద్ధి సినిమాస్ బ్యానర్​పై వెంకట సతీశ్ కిలారు నిర్మిస్తున్న ఈ సినిమా ఏప్రిల్ 30న గ్రాండ్​గా రిలీజ్ కానుంది.

ఓవర్సీస్​లో 'పెద్ది' అంత మొత్తంలో రాబట్టాలా? అప్పుడే డీల్ ఫిక్స్ అయిందా?

బాబాయ్​, అబ్బాయ్​ల డేట్స్​ ఖరారు - మరి బాస్​ సినిమా ఎప్పుడు?