రవితేజ, నవీన్ పొలిశెట్టి కొత్త సినిమాలకు టికెట్ రేట్ పెంపు- ఏ మూవీకి ఎంతంటే?

Anaganaga Oka Raju Ticket Price : ఈ సంక్రాంతి సినిమాలు రాజాసాబ్, మన శంకరవర ప్రసాద్ గారు సినిమాల టికెట్ ధరల పెంపునకు అనుమతి ఇచ్చిన ఆంధ్రప్రదేశ్ ప్రభుత్వం మరో రెండు చిత్రాల టికెట్ హైక్స్​కు కూడా గ్రీన్ సిగ్నల్ ఇచ్చేసింది. తాజాగా అనగనగా ఒక రాజు, భర్త మహాశయులకు విజ్ఞప్తి సినిమాల టికెట్ ధరల పెంపునకు అనుమతి ఇచ్చింది. అయితే ఈ సినిమాలకు ప్రీమియర్ షోలు లేవు.

ఏ సినిమాకు ఎంతంటే?

• భర్త మహాశయులకు విజ్ఞప్తి సినిమాకు సింగిల్ స్క్రీన్​లో రూ.50, మల్టీఫ్లెక్స్​లో టికెట్ ధర రూ.75 పెంపునకు అనుమతి
• అనగనగా ఒక రాజు చిత్రానికి సింగిల్ స్క్రీన్​లో రూ.50, మల్టీఫ్లెక్స్​లో టికెట్ ధర రూ.75 పెంపునకు అవకాశం
• రెండు సినిమాలకు విడుదలైనప్పటి నుంచి తొలి 10 రోజులు పెరిగిన ధరలే ఉంటాయి

కాగా రవితేజ హీరోగా కిషోర్ తిరుమల భర్త మహాశయులకు విజ్ఞప్తి సినిమాను తెరకెక్కించారు. ఇందులో డింపుల్ హయాతీ, అషికా రంగనాథ్ హీరోయిన్లుగా నటిస్తున్నారు. ఈ సినిమా జనవరి 13న గ్రాండ్​గా ఈ సినిమా రిలీజ్ కానుంది. ఈ సినిమాలో హీరో ఓవైపు భార్య, ఇంకోవైపు ప్రియురాలు మధ్య నలిగిపోయే పాత్రలో కనిపించనున్నారు. ఇప్పటికే రిలీజైన ట్రైలర్, టీజర్​లు నవ్వులు పూయించాయి. ఈ సినిమాను SLV సినిమాస్ బ్యానర్​పై ఈ సినిమాను సుధాకర్ చెరుకూరి నిర్మిస్తున్నారు. భీమ్స్​ సిసిరోలియో సంగీతం అందిస్తున్నారు. వెన్నెల కిషోర్, మురళీధర్ గౌడ్, సునీల్, సత్య తదితరులు ఆయా పాత్రల్లో నటించారు.

మరోవైపు, నవీన్ పొలిశెట్టి లీడ్​లో మారి తెరకెక్కించిన అనగనగా ఒక రాజు సినిమా జనవరి 14 విడుదల కానుంది. ఇప్పటికే రిలీజైన ఈ రెండు సినిమాల ట్రైలర్లు ప్రేక్షకులను ఆకట్టుకుంటున్నాయి. ఇక ఈ సినిమాకు స్క్రిప్ట్ అందించింది హీరో నవీన్ కావడం విశేషం. సినిమా రెండేళ్ల కిందటే ప్రకటించినప్పటికీ కొన్ని కారణాల వల్ల డిలే అయ్యింది. అయితే ప్రేక్షకులను నిరాశ పర్చకూడదనే ఉద్దేశంతో నవీన్ స్క్రిప్ట్​ను పర్ఫెక్ట్​గా రాశారు. ఆయన రాసిన స్క్రిప్ట్​ను డైరెక్టర్ మారి తెరకెక్కించారు. ఆయనకు ఇదే తొలి సినిమా కావడం గమనార్హం.

ఫుల్ ఫన్ అండ్ ఫ్యామిలీ ఎంటర్టైనర్​గా ఈ సినిమా తెరకెక్కింది. గ్లింప్స్​, పాటలతో ఇప్పటికే అంచనాలు ఏర్పడ్డ నేపథ్యంలో తాజా ట్రైలర్ కూడా అలరిస్తుంది. ఇది ఆద్యంతం నవ్వులు పూయిస్తోంది. సినిమా ఎంత ఎంటర్టైన్​గా ఉండనుందో ఈ ట్రైలర్​తో డైరెక్టర్ చూపించారు. సితారా బ్యానర్​పై నాగవంశీ ఈ సినిమాను నిర్మించారు.

'పండక్కి అల్లుడొచ్చేస్తున్నాడు రెడీగా ఉండండి'- 'అనగనగా ఒక రాజు' ట్రైలర్

'ఆ కారణం వల్లే నా సినిమాలు లేట్ అవుతాయి'- నవీన్ పొలిశెట్టి ఎమోషనల్ స్పీచ్!