స్వల్పంగా తగ్గిన బంగారం, వెండి ధరలు- జులై 14న తెలుగు రాష్ట్రాల్లో ఎలా ఉన్నాయంటే?

Gold Rate Today : దేశీయ బులియన్‌ మార్కెట్‌లో సోమవారం బంగారం, వెండి ధరలు స్వల్పంగా తగ్గాయి. అంతర్జాతీయ మార్కెట్‌లో సంభవించిన మార్పులు, అమెరికా డాలర్‌ మారకం విలువల్లో హెచ్చుతగ్గులు, పెట్టుబడిదారుల కొనుగోలు ధోరణిలో మార్పులు దేశీయ బులియన్‌ మార్కెట్‌పై ప్రభావం చూపుతున్నాయని మార్కెట్‌ వర్గాలు సూచిస్తున్నాయి. దీంతో బంగారం కొనుగోలు చేయాలనుకునే వారు తాజా ధరలపై దృష్టి కేంద్రీకరించారు.

క్యాప్స్‌ గోల్డ్‌ వెల్లడించిన వివరాల ప్రకారం, హైదరాబాద్‌లో 10 గ్రాముల 24 క్యారెట్ల స్వచ్ఛమైన బంగారం ధర సోమవారం రూ.1,45,830గా నమోదైంది. గత ట్రేడింగ్‌ సెషన్‌లో ఇది రూ.1,47,240 ఉండగా, ప్రస్తుతం రూ.1,410 తగ్గింది. ఇవే ధరలు విశాఖపట్నం, విజయవాడ, ముంబయి, ప్రొద్దుటూరు, హైదరాబాద్​ వంటి ప్రధాన మార్కెట్లలో కొనసాగుతున్నాయి. ఇక, నగల తయారీలో ఎక్కువగా వినియోగించే 22 క్యారెట్ల 10 గ్రాముల బంగారం ధర ప్రస్తుతం రూ.1,30,990గా ఉంది. ఇటీవల బంగారం ధరలు తగ్గుతాయనే అంచనాతో కొనుగోళ్లు వాయిదా వేసిన వారు తాజా పెరుగుదలతో మళ్లీ మార్కెట్‌పై దృష్టి కేంద్రీకరిస్తున్నారు.

వెండి ధరల్లోనూ తగ్గుదల
బంగారం ధరలు పెరిగినప్పటికీ వెండి ధరలు మాత్రం తగ్గాయి. హైదరాబాద్‌, విజయవాడ, విశాఖపట్నం, ప్రొద్దుటూరు మార్కెట్లలో కిలో వెండి ధర ప్రస్తుతం రూ.2,23,746గా నమోదైంది. గత ట్రేడింగ్‌ సెషన్‌లో ఇది రూ.2,23,929 ఉండగా, ప్రస్తుతం రూ.183 తగ్గింది. వెండి ధరల్లో ఈ మార్పులకు అంతర్జాతీయ మార్కెట్‌లోని ఒడిదుడుకులు, పారిశ్రామిక రంగం నుంచి వచ్చే డిమాండ్‌లో మార్పులు, పెట్టుబడిదారుల కొనుగోలు విధానంలో వచ్చిన మార్పులే ప్రధాన కారణాలని నిపుణులు విశ్లేషిస్తున్నారు.

బంగారం, వెండి ధరలు ఎందుకు మారుతాయో తెలుసా?
బంగారం, వెండి ధరలు కేవలం దేశీయ మార్కెట్‌ పరిస్థితుల ఆధారంగానే కాకుండా ప్రపంచ ఆర్థిక పరిణామాలపై కూడా ఆధారపడి ఉంటాయి. అంతర్జాతీయ మార్కెట్‌లో బంగారం, వెండి కొనుగోళ్లు పెరగడం లేదా తగ్గడం, అమెరికా డాలర్‌ బలహీనపడటం లేదా బలపడటం, వివిధ దేశాల కేంద్ర బ్యాంకుల వడ్డీ రేట్ల విధానాలు, భౌగోళిక ఉద్రిక్తతలు వంటి అంశాలు ధరల హెచ్చుతగ్గులపై ప్రభావం చూపుతాయని నిపుణులు చెబుతున్నారు. అందుకే బులియన్‌ మార్కెట్‌లో రోజువారీగా ధరల మార్పుల్లో తేడాలు ఉంటాయి.

916 హాల్‌మార్క్‌ అంటే ఏంటి?
బంగారం కొనగోలు చేసే వారికి నిపుణులు కొన్ని సూచనలు చేస్తున్నారు. ఆభరణాలు కొనుగోలు సమయంలో 916 హాల్‌మార్క్‌ను తప్పనిసరిగా పరిశీలించాలని చెబుతున్నారు. ఎందుకంటే, 916 హాల్‌మార్క్‌ ఉన్న ఆభరణాలు 22 క్యారెట్ల బంగారానికి గుర్తుగా పరిగణిస్తారు. హాల్‌మార్క్‌ ఉన్న నగలు కొనుగోలు చేస్తే నాణ్యతపై విశ్వాసం ఉండటంతో పాటు, భవిష్యత్తులో విక్రయించే సమయంలో కూడా మంచి రీసేల్‌ అయ్యే అవకాశం ఉందని చెబుతున్నారు.

మార్కెట్‌ ధరే తుది ధర కాదు!
ఇక, మార్కెట్‌లో ప్రకటించే బంగారం ధరే వినియోగదారుడు చెల్లించే తుది ధర కాదని నిపుణులు అంటున్నారు. ఆభరణాలు కొనుగోలు సమయంలో మేకింగ్‌ ఛార్జీలు, హాల్‌మార్కింగ్‌ ఛార్జీలు, తయారీ సమయంలో వచ్చే తరుగు, వస్తు సేవల పన్ను (జీఎస్‌టీ) వంటి అదనపు ఖర్చులు కూడా బిల్లులో చేరుతాయని చెబుతున్నారు. అంతేకాకుండా, నగల డిజైన్‌, తయారీ విధానం, దుకాణాలను ఆధారంగా విధానాలను బట్టి మేకింగ్‌ ఛార్జీలు మారుతాయని అంటున్నారు. అందువల్ల ఒకే బరువు, ఒకే డిజైన్‌కు వేర్వేరు దుకాణాల్లో వేర్వేరు ధరలు ఉండే అవకాశం ఉందని చెబుతున్నారు. బంగారం కొనుగోలు చేసే ముందు ఒకే దుకాణంపై ఆధారపడకుండా పలుచోట్ల ధరలు తెలుసుకోవాలని సూచిస్తున్నారు. మేకింగ్‌ ఛార్జీలు ఎంత వసూలు చేస్తున్నారో ముందుగానే అడిగి తెలుసుకోవాలని, తుది బిల్లులో బంగారం ధర, మేకింగ్‌ ఛార్జీలు, జీఎస్‌టీ, ఇతర రుసుములు విడివిడిగా ఉన్నాయో లేదో పరిశీలించాలని చెబుతున్నారు. ఇలా చేస్తే అనవసరంగా ఎక్కువ మొత్తం చెల్లించే పరిస్థితి ఉండదని నిపుణులు అభిప్రాయపడుతున్నారు.

PF​ అకౌంట్లో వడ్డీ జమ - మీ బ్యాలెన్స్ క్షణాల్లోనే తెలుసుకోండిలా!

ఆన్‌లైన్‌లో ఆర్డర్ పెట్టిన ఫుడ్ పాడైపోయిందా? ఎక్స్పైర్ అయిపోయిందా? కంప్లైంట్ చేసేయండిలా!