తగ్గిన బంగారం, వెండి ధరలు- ఆగస్టు 27న తెలుగు రాష్ట్రాల్లో రేట్లు ఎంతంటే?

Gold Rate Today : రాఖీ పండగ వేళ బంగారం కొనాలని అనుకునేవారికి కొంచెం ఊరట కలిగించే విధంగా దేశీయ బులియన్‌ మార్కెట్లో బంగారం, వెండి ధరలు దిగివచ్చాయి. క్యాప్స్ గోల్డ్ వెబ్‌సైట్ వెల్లడించిన వివరాల ప్రకారం, బుధవారం హైదరాబాద్​లో 10 గ్రాముల 24 క్యారెట్ల స్వచ్ఛమైన బంగారం రూ.1,67,170గా ఉండగా, గురువారం నాటికి రూ.2290 తగ్గి రూ.1,64,880కు చేరింది. ఇవే ధరలు విశాఖపట్నం, నెల్లూరు, విజయవాడ, ప్రొద్దుటూరు నగరాల్లోనూ కొనసాగుతున్నాయి. ఇక, బంగారు నగల తయారీలో ఎక్కువగా ఉపయోగించే 22 క్యారెట్ల బంగారం ధర రూ.1,50,090గా కొనసాగుతోంది. అంతర్జాతీయ మార్కెట్లో స్పాట్ గోల్డ్ ధర ఔన్స్‌కు 4,627 డాలర్ల వద్ద నమోదైంది.

సిల్వర్ సంగతేంటి?
మరోవైపు, బంగారం బాటలోనే వెండి ధరలు కూడా తగ్గుముఖం పట్టాయి. బుధవారం కిలో వెండి ధర రూ.2,52,303 ఉండగా, గురువారం నాటికి రూ.923 త్గగి రూ.2,51,380కు చేరింది. అంతర్జాతీయ మార్కెట్లో స్పాట్ సిల్వర్ ధర ఔన్స్‌కు 69 డాలర్లుగా కొనసాగుతోంది. అయితే, అంతర్జాతీయ మార్కెట్లలో కొనసాగుతున్న అనిశ్చిత పరిస్థితులు, వివిధ దేశాల కరెన్సీల మారకం విలువల్లో వస్తున్న మార్పులు పసిడి, వెండి ధరలపై ప్రభావం చూపుతున్నాయని నిపుణులు భావిస్తున్నారు. ఫలితంగా ప్రపంచ మార్కెట్లలో జరిగే పరిణామాలకు అనుగుణంగా దేశీయ బులియన్‌ మార్కెట్లోనూ ధరల్లో హెచ్చుతగ్గులు కనిపిస్తున్నాయని అంటున్నారు. అయితే, బంగారం ఆభరణాలు కొనుగోలు చేసేముందు కొన్ని జాగ్రత్తలు తీసుకోవాలని నిపుణులు సూచిస్తున్నారు. కొనుగోలు సమయంలో ఆభరణానికి సంబంధించిన బిల్ తదితర వివరాలను సరిచూసుకోవాలని అంటున్నారు.

వడ్డీ రూపంలో ఆదాయం
బంగారాన్ని నాణేలు లేదా కడ్డీల రూపంలో కొనుగోలు చేయడానికి ఎక్కువ మంది ఆసక్తి చూపుతారు. అవసరమైనప్పుడు ఇటువంటి భౌతిక బంగారం ఉపయోగపడుతుంది. ఉదాహరణకు, నగదు సమకూర్చుకోవడానికి బంగారు ఆభరణాలను తాకట్టు పెట్టవచ్చు, లేదా తక్కువ వడ్డీ రేటుతో సులభంగా రుణం పొందడానికి బంగారాన్ని బ్యాంకులో డిపాజిట్ చేయవచ్చు. అంతేకాకుండా, కాలక్రమేణా బంగారం విలువ పెరుగుతుంది. అయితే, ఈ రోజుల్లో డిజిటల్ బంగారంలో పెట్టుబడి పెట్టడానికి కూడా అవకాశాలు ఉన్నాయి. ఇది దొంగతనం భయాన్ని, భౌతిక భద్రతా ఏర్పాట్ల అవసరాన్ని తొలగిస్తుంది. అదనంగా, మార్కెట్ పరిస్థితులను బట్టి, వడ్డీ రూపంలో ఆదాయాన్ని కూడా సంపాదించవచ్చు. ఇతర ఆస్తుల వలె కాకుండా, బంగారం అధిక విలువ తరుగుదల లేదా తీవ్రమైన అస్థిరతకు గురికాదని నిపుణులు చెబుతున్నారు. బంగారంలో పెట్టుబడి పెట్టడం ఆర్థిక భద్రతను అందిస్తుందని అభిప్రాయపడుతున్నారు. అంతేకాకుండా, ఇది ఆర్థిక అవసరాల సమయంలో మీ కుటుంబానికి రక్షణ కవచంగా, ద్రవ్యోల్బణం నుంచి రక్షణ కల్పిస్తుందని అంటున్నారు.

బంగారం ధరను ట్రాక్ చేసే మ్యూచువల్ ఫండ్స్
ఇవి అధిక ద్రవ్యతను అందిస్తాయి. దీనివల్ల మీరు వాటిని మీకు కావలసినప్పుడు అమ్ముకుని నగదుగా మార్చుకోవచ్చు. వీటిని స్టాక్ ఎక్స్ఛేంజీలలో సులభంగా కొనవచ్చు లేదా అమ్మవచ్చు. నిల్వ లేదా భద్రతకు సంబంధించి ఎలాంటి ఆందోళనలు ఉండవు. అయితే, రాబడులు మార్కెట్ హెచ్చుతగ్గులకు లోబడి ఉంటాయి. దీని అర్థం, రిస్క్, సంభావ్య ప్రతిఫలం రెండూ అధికంగా ఉంటాయి.

ఆన్‌లైన్‌లోనూ బంగారం పెట్టుబడి పెట్టవచ్చు!
దీనిని డిజిటల్ గోల్డ్ ఇన్వెస్ట్‌మెంట్ అని అంటారు. మీరు SIP (సిస్టమాటిక్ ఇన్వెస్ట్‌మెంట్ ప్లాన్) ద్వారా లేదా EMI-ఆధారిత పద్ధతి ద్వారా కూడా, కేవలం రూ.500 నుంచి ప్రారంభించి ఎంత పెద్ద మొత్తానికైనా డిజిటల్ గోల్డ్‌ను కొనుగోలు చేయవచ్చు. బంగారం కొనాలనుకునే మహిళలు సురక్షితమైన ప్లాట్‌ఫారమ్‌ల ద్వారా డిజిటల్ గోల్డ్‌లో పెట్టుబడి పెట్టవచ్చు. అంతేకాకుండా, ఈ పెట్టుబడిపై వచ్చే రాబడులు, వర్తించే నిబంధనలకు లోబడి, పన్ను మినహాయింపులకు అర్హత పొందవచ్చు. అయితే, దీనికి సంబంధించిన ఛార్జీలు ఉంటాయి. ఇక్కడ గమనించవలసిన ముఖ్యమైన విషయం ఏమిటంటే, డిజిటల్ గోల్డ్ భద్రత మీరు ఎంచుకున్న ప్లాట్‌ఫారమ్ విశ్వసనీయతపై ఆధారపడి ఉంటుంది. ఈ మేరకు నిపుణులు వారి అభిప్రాయాలను అందించారు.

పెరిగిన బంగారం, వెండి ధరలు- ఆగస్టు 26న తెలుగు రాష్ట్రాల్లో రేట్లు ఎంతంటే?

'ఇల్లు/ప్లాట్​/భూమి' కొనుగోలు చేయాలనుకుంటున్నారా? - ఈ మోసాల గురించి అవగాన తప్పనిసరట!