ఓనం స్పెషల్ ఫీస్ట్​ - 17 రకాల పండ్లు, కూరగాయలతో కోతులకు ప్రత్యేక విందు! - Onam Feast To Monkeys

Onam Feast To Monkeys : కేరళలో అత్యంత పవిత్రంగా జరుపుకునే పండగలలో ఓనం ఒకటి. దాదాపు పది రోజుల పాటు సాగే ఈ ఓనం పండగలో ఆట పాటలు, పసందైనా విందుతో ప్రజలను ఆనందంగా గడుపుతుంటారు. అయితే ఈ పండగలో భాగంగా కాసర్​గోడ్​లోని ఇడైలాక్కడ్​ కావులో వందల సంఖ్యలో కోతులకు ప్రత్యేక విందును ఏర్పాటు చేయడం ప్రత్యేకంగా నిలిచింది. నవోదయ లైబ్రరీ సభ్యులు ఈ కార్యక్రమాన్ని ఏర్పాటు చేశారు. బొప్పాయి, దోసకాయ, సపోటా, జామ, జాక్ ఫ్రూట్​, మామిడి, క్యారెట్, పుచ్చకాయ, బీట్​రూట్​, టమాటో, పైన్ యాపిల్, కస్టర్డ్​ యాపిల్, అరటి పండు, గూస్ బెర్రీ, దానిమ్మ, అన్నం సహా మొత్తం 17 రకాల పండ్లు, కూరగాయలతో విందును ఏర్పాటు చేశారు. అరటికాలపై వీటిని వడ్డించి కోతులకు అందించారు. ఈ సందర్భంగా వందల సంఖ్యలో కోతులు విందును ఆరగించాయి. కాగా, ఈ కోతులకు ప్రత్యేక విందును ఏర్పాటు చేసే ఆచారాన్ని మొదలు పెట్టింది చలిల్ మణికమ్మ. అయితే ఈ సారి ఆమె కాస్త అనారోగ్యంతో ఉండటం వల్ల, ఆ బాధ్యతను నవోదయ లైబ్రరీ వారు తీసుకున్నారు. ఇకపోతే ఈ విందు కార్యక్రమాన్నీ వీక్షించేందుకు ఆ ప్రాంతానికి చుట్టూ ప్రక్కల ఉన్న గ్రామాల వారు కూడా తరలివచ్చారు. ఈ వేడుకలో పాల్గొని కోతులకు ఆహారాన్ని అందిస్తూ సందడి చేశారు.