LIVE : జూబ్లీహిల్స్​ ఎమ్మెల్యే మాగంటి గోపీనాథ్​ అంత్యక్రియలు

Jubilee Hills MLA Maganti Gopinath Passes Away Live : జూబ్లీహిల్స్​ ఎమ్మెల్యే మాగంటి గోపీనాథ్​ కన్నుమూశారు. గత మూడు రోజులుగా గచ్చిబౌలిలోని ఏఐజీ ఆసుపత్రిలో చికిత్స పొందుతున్న ఆయన, ఈ ఉదయం 5.45 గంటలకు తుది శ్వాస విడిచారు. గుండెపోటుతో ఈ నెల 5న ఆయన ఏఐజీలో చేరిన విషయం తెలిసిందే. ఈ నెల 5న మాగంటి గోపీనాథ్​ ఇంట్లో ఉండగా, ఒక్కసారిగా గుండెపోటు వచ్చింది. కుటుంబసభ్యులు హుటాహుటిన గచ్చిబౌలి ఏఐజీ ఆసుపత్రికి తరలించారు. పరీక్షించిన వైద్యులు, ఎమ్మెల్యే కార్డియాక్ అరెస్టుకు గురైనట్లు గుర్తించారు. అనంతరం సీపీఆర్​ చేయడంతో గుండె తిరిగి కొట్టుకుంది. నాడీ, బీపీ సాధారణ స్థితికి చేరడంతో ఐసీయూలో వెంటిలేటర్​పై ఉంచి చికిత్స కొనసాగించారు. గత కొన్నాళ్లుగా ఆయన కిడ్నీ సంబంధిత సమస్యలతో బాధపడుతున్నారు. 3 నెలల క్రితం ఇదే ఆసుపత్రిలో చేరి డయాలసిస్​ చేయించుకున్నట్లు తెలుస్తోంది. తాజాగా గుండెపోటు రావడంతో 3 రోజులుగా చికిత్స పొందుతూ ఈ ఉదయం తుది శ్వాస విడిచారు. పార్టీ శ్రేణులు, కార్యకర్తల సందర్శనార్థం ఆయన పార్థివదేహాన్ని ఆయన ఇంటి ఆవరణలో ఉంచారు. ఇప్పుడు ఆయన అంత్యక్రియలు మహాప్రస్థానంలో జరుగుతున్నాయి.