Italian Couple Marriage In Hindu Culture : భారతీయ సంప్రదాయాలకు ముగ్ధులైన ఓ విదేశీ జంట ఇండియాకు వచ్చి మరీ వివాహం చేసుకున్నారు. వేద మంత్రాల మధ్య ఇటాలియన్ జంట ఒక్కటయ్యారు. ఈ పెళ్లి వేడుక మధ్యప్రదేశ్​లోని ఛతర్​పుర్​ జిల్లాలో జరిగింది.  

ఇటలీకి చెందిన విన్సెంజో పటెర్ను యోస్టో, నదియా ఫావా ఇద్దరు హిందూ సంప్రదాయంలోనే పెళ్లి చేసుకోవాలని నిర్ణయించుకున్నారు. అందుకోసం ఇటలీ నుంచి మధ్యప్రదేశ్​కు వచ్చారు. అక్కడ గైడ్​ ప్రియాంక అన్హు గౌతమ్​ సాయంతో ఛతర్​పుర్​ జిల్లాలోని ఖజురహో పండిట్ అశోక్​ మహారాజ్​ ఆలయంలో వివాహం చేసుకున్నారు. భారతీయ సంప్రదాయంలోనే వస్త్రాలు ధరించి వేద మంత్రాల మధ్య ఏడడుగులతో వివాహబంధంలోకి అడుగు పెట్టారు.  

ఇద్దరు గత కొంతకాలంగా ప్రేమించుకుంటున్నారని గైడ్​ గౌతమ్​ చెప్పారు. తను విన్సెంజో జంటను చాలా సార్లు ఇటలీ కలిసినట్లు తెలిపాడు. అప్పుడే భారతీయ సంప్రదాయంపై ఉన్న తమ ఇష్టాన్ని వ్యక్తం చేశారని, అదే విధంగా వివాహం చేసుకోవాలని నిర్ణయించుకున్నట్లు తెలిపాడు. వారు కోరుకున్న విధంగా అన్ని ఏర్పాట్లు చేసినట్లు పేర్కొన్నాడు.