Vivo T4 Ultra Launched: వివో అభిమానులకు గుడ్న్యూస్. ఎప్పుడెప్పుడా అని ఎదురుచూస్తున్న 'వివో T4 అల్ట్రా'ను కంపెనీ భారత మార్కెట్లో విడుదల చేసింది. ఈ స్మార్ట్ఫోన్ లేటెస్ట్ మీడియాటెక్ డైమెన్సిటీ 9300+ చిప్సెట్, 50MP ట్రిపుల్ కెమెరా, 90W ఫాస్ట్ ఛార్జింగ్, గూగుల్ సర్కిల్ టు సెర్చ్ ఫీచర్ ఆధునిక యుగం అవసరాలను దృష్టిలో ఉంచుకుని రూపొందించారు.
ఈ ఫ్లాగ్షిప్ రేంజ్ ఫీచర్లతో కంపెనీ దీన్ని మిడ్ రేంజ్ సెగ్మెంట్లో ప్రవేశపెట్టింది. ఈ ఫోన్లో 100x డిజిటల్ జూమ్ సపోర్ట్‌ను అందించింది. సాధారణంగా ఇది మిడ్-రేంజ్ స్మార్ట్ఫోన్లలో ఉండదు. దీంతోపాటు ఇందులో 1.5K రిజల్యూషన్‌తో క్వాడ్-కర్వ్డ్ స్క్రీన్‌ లభిస్తుంది. ఇది వినియోగదారులకు మంచి డిజైన్‌తో పాటు వీడియోలను చూసేటప్పుడు గొప్ప అనుభవాన్ని అందిస్తుంది.
వివో T4 అల్ట్రా' ఫీచర్లు, స్పెసిఫికేషన్లు:
డిస్ప్లే: ఈ ఫోన్ 6.67-అంగుళాల 1.5K క్వాడ్-కర్వ్ AMOLED డిస్‌ప్లేను కలిగి ఉంది. ఇది 120Hz రిఫ్రెష్ రేట్, 300Hz వరకు టచ్ శాంప్లింగ్ రేటుతో ఉంటుంది. ఈ డిస్ప్లే 5,000 nits వరకు పీక్ బ్రైట్‌నెస్, 2,160Hz PWM డిమ్మింగ్ రేట్‌కు మద్దతు ఇస్తుంది.
సాఫ్ట్వేర్: ఈ ఫోన్ Android 15-ఆధారిత FuntouchOS 15 పై నడుస్తుంది.
ప్రాసెసర్: ప్రాసెసర్ కోసం కంపెనీ ఇందులో మీడియాటెక్ డైమెన్సిటీ 9300+ చిప్‌సెట్ను అమర్చింది. ఇందులో 12GB LPDDR5 RAM, 512GB వరకు UFS 3.1 స్టోరేజ్ సౌకర్యం అందుబాటులో ఉంది.
కెమెరా సెటప్: ఈ ఫోన్లో ట్రిపుల్ రియర్ కెమెరా సెటప్ ఉంది. అందులో OIS సపోర్ట్తో 50MP Sony IMX921 మెయిన్ సెన్సార్, 8MP అల్ట్రావైడ్ కెమెరా, 50MP Sony IMX882 పెరిస్కోప్ టెలిఫొటో లెన్స్ ఉన్నాయి. ఈ లెన్స్ 3x ఆప్టికల్, 10x టెలిఫొటో మాక్రో, 100x డిజిటల్ జూమ్‌కు సపోర్ట్ చేస్తాయి. ఇక సెల్ఫీలు, వీడియో కాలింగ్ కోసం ఫోన్ ముందుభాగంలో 32MP ఫ్రంట్ కెమెరా ఉంది.
బ్యాటరీ: ఈ ఫోన్ 5,500mAh బ్యాటరీని కలిగి ఉంది. ఇది 90W ఫాస్ట్ ఛార్జింగ్కు సపోర్ట్ చేస్తుంది.
కనెక్టివిటీ ఫీచర్లు: కనెక్టివిటీ ఎంపికలలో 5G, 4G, బ్లూటూత్ 5.4, Wi-Fi, OTG, GPS (NavIC), USB టైప్-C పోర్ట్ ఉన్నాయి.
ఇతర ఫీచర్లు: ఈ ఫోన్ వాటర్, డస్ట్ నుంచి రక్షణ కోసం IP64 రేటింగ్ను కలిగి ఉంది. దీంతోపాటు ఇది ఇన్-డిస్ప్లే ఫింగర్ ప్రింట్ సెన్సార్‌తో వస్తుంది.
కలర్ ఆప్షన్స్: ఇది మార్కెట్లో రెండు కలర్ ఆప్షన్లలో అందుబాటులో ఉంది.
- మెటియోర్ గ్రే
- ఫీనిక్స్ గోల్డ్
వేరియంట్లు: కంపెనీ ఈ ఫోన్ను మూడు వేరియంట్లలో తీసుకొచ్చింది.
- 8GB+256GB
- 12GB+256GB
- 12GB+512GB
వేరియంట్ల వారీగా దీని ధరలు:
- 8GB+256GB వేరియంట్ ధర: రూ. 37,999
- 12GB+256GB వేరియంట్ ధర: రూ. 39,999
- 12GB+512GB వేరియంట్ ధర: రూ. 41,999
సేల్ వివరాలు: ఈ ఫోన్ జూన్ 18 నుంచి ఫ్లిప్‌కార్ట్, వివో ఇండియా ఈ-స్టోర్, ఎంపిక చేసిన ఆఫ్‌లైన్ స్టోర్‌ల ద్వారా కొనుగోలుకు అందుబాటులో ఉంటుంది.
జోరుగా విస్తరిస్తున్న వీఐ 5G సేవలు!- ఇప్పుడు మరో నగరంలో అన్లిమిటెడ్ డేటాతో హైస్పీడ్ ఇంటర్నెట్!
యాపిల్ వార్షిక ఈవెంట్లో కిర్రాక్ ప్రకటనలు- యూజర్లకు పండగే!
పనిచేయకుండా ఆగిపోయిన చాట్జీపీటీ!- గగ్గోలు పెడుతున్న వినియోగదారులు!!
