సే హాయ్ టు 'శాసంగ్ గెలాక్సీ S25 ఎడ్జ్'- మరికొన్ని గంటల్లో ఎంట్రీ- ప్రత్యక్షప్రసారం చూడండిలా!

రేపు మార్కెట్​లోకి ఎంట్రీ ఇవ్వనున్న 'శాసంగ్ గెలాక్సీ S25 ఎడ్జ్'- ధర, ఫీచర్ల వివరాలు మీకోసం- ఓ లుక్కేయండి మరి!

Samsung Galaxy S25 Edge: శాంసంగ్ ప్రియులు ఎంతగానో ఎదురుచూస్తున్న అల్ట్రా-స్లిమ్ ఫ్లాగ్​షిప్ ఫోన్ 'శాసంగ్ గెలాక్సీ S25 ఎడ్జ్' స్మార్ట్​ఫోన్ మరికొన్ని గంటల్లో లాంఛ్​ కానుంది. కంపెనీ దీన్ని మే 13, 2025న ఉదయం రిలీజ్ చేయనుంది. కంపెనీ ఈ ఇప్పటికే దాని డిజైన్, మందం, బరువు, కెమెరాను వెల్లడించింది. ఇక మిగిలిన ఫీచర్లకు సంబంధించిన వివరాలను రివీల్​ చేసే ఈ ఫోన్ ఇమేజ్ కూడా​ లీక్ అయింది. ఇకపోతే రేపు యూట్యూబ్​లో ఈ ఫోన్ లాంఛ్ కార్యక్రమాన్ని కంపెనీ ప్రత్యక్ష ప్రసారం చేయనుంది. ఆ వివరాలు మీకోసం.

లాంఛ్ ప్రత్యక్షప్రసారం ఎక్కడ, ఎప్పుడు చూడాలి?: కంపెనీ ఈ ఫోన్ అధికారిక లాంఛ్​ను ప్రత్యక్ష ప్రసారం చేయనుంది. 'Beyond Slim' పేరుతో మే 13, 2025న ఉదయం 5:30 గంటలకు IST (భారతీయ ప్రామాణిక సమయం) ప్రారంభించనుంది. ఈ లైవ్ వీడియో 'samsung.com' తో పాటు శాంసంగ్ అధికారిక 'YouTube' ఛానెల్ ద్వారా చూడొచ్చు.

శాంసంగ్ గెలాక్సీ S25 ఎడ్జ్ స్పెసిఫికేషన్లు (అంచనా):

డిజైన్: ఈ ఫోన్ సుపరిచితమైన ప్రీమియం మెటల్ బిల్డ్‌తో ఆకట్టుకునేలా 5.85mm స్లిమ్ ప్రొఫైల్‌ను కలిగి ఉంటుంది. ఇది 163g బరువుతో వస్తుంది. అయితే ఇది 'S25 అల్ట్రా' మోడల్ మాదిరిగా టైటానియం ఫ్రేమ్​తో వస్తుందా లేదా 'S25', 'S25 ప్లస్' లాగా అల్యూమినియం ఫ్రేమ్‌తో వస్తుందా అనేది తెలియాల్సి ఉంది.

డిస్​ప్లే: ఈ అప్​కమింగ్ స్మార్ట్‌ఫోన్ QHD+ రిజల్యూషన్‌తో 6.7-అంగుళాల AMOLED డిస్‌ప్లే, 120Hz రిఫ్రెష్ రేట్​ను కలిగి ఉంటుందని నివేదించారు. ఈ డివైజ్​ కార్నింగ్ గొరిల్లా గ్లాస్ సిరామిక్ 2 ప్రొటెక్షన్​ను కలిగి ఉందని కంపెనీ కన్ఫార్మ్ చేసింది.

చిప్​సెట్: ఈ ఫోన్ మిగిలిన 'గెలాక్సీ S25' సిరీస్‌లో ఉన్న అదే క్వాల్​కామ్ స్నాప్‌డ్రాగన్ 8 ఎలైట్ చిప్‌సెట్‌ను కలిగి ఉంటుంది. ఇది 12GB RAM, 256GB/512GB స్టోరేజీతో వస్తుంది.

కెమెరా సెటప్: వెనక కెమెరా సెటప్‌లో 200-మెగాపిక్సెల్ ప్రైమరీ కెమెరా, 12-మెగాపిక్సెల్ అల్ట్రా-వైడ్ కెమెరా ఉంటాయి. అయితే ఈ డివైజ్​లో ప్రత్యేకమైన జూమ్ కెమెరా ఉండదు.

బ్యాటరీ: కంపెనీ 25W వైర్డు ఛార్జింగ్, 15W వైర్‌లెస్ ఛార్జింగ్‌ సపోర్ట్​ను అందించే 3,900mAh బ్యాటరీతో దీన్ని లాంఛ్ చేయొచ్చు.

సాఫ్ట్​వేర్: ఈ పరికరం బాక్స్ వెలుపల UI 7తో వస్తుంది. ఇది ఏడు సంవత్సరాల Android OS అప్డేట్​లకు సపోర్ట్ చేస్తుంది.

ధర ఎంత ఉండొచ్చు?: స్పెసిఫికేషన్ల పరంగా ఈ ఫోన్ గెలాక్సీ S25, గెలాక్సీ S25 అల్ట్రా మధ్య ఉంటుందని భావిస్తున్నారు. ధర విషయంలో కూడా అదేవిధంగా ఉండొచ్చు. కంపెనీ ఈ ఫోన్ 12GB RAM + 256GB స్టోరేజ్ వేరియంట్‌ ధరను దాదాపు రూ. 1,10,000గా నిర్ణయించే అవకాశం ఉంది.