శాంసంగ్ ప్రియులకు కిర్రాక్ అప్డేట్- త్వరలోనే గెలాక్సీ S25 ఎడ్జ్ లాంఛ్- ఎప్పుడంటే?

శాంసంగ్ అల్ట్రా-స్లిమ్ ఫ్లాగ్​షిప్ ఫోన్ వచ్చేస్తుందోచ్!- BIS వెబ్​సైట్​లో వివరాలు!

Samsung Galaxy S25 Edge: దేశీయ మార్కెట్​లోకి త్వరలోనే 'శాంసంగ్ గెలాక్సీ S25 ఎడ్జ్' స్మార్ట్‌ఫోన్‌ ఎంట్రీ ఇవ్వనున్నట్లు తెలుస్తోంది. ఈ ఫోన్ బ్యూరో ఆఫ్ ఇండియన్ స్టాండర్డ్స్ (BIS) వెబ్‌సైట్‌లో గుర్తించారు. ఈ వెబ్​సైట్ ఇది త్వరలోనే దేశంలో లాంఛ్​ అవుతుందని సూచిస్తుంది.

గెలాక్సీ S25 సిరీస్ స్మార్ట్‌ఫోన్‌లలో ఈ అత్యంత సన్నని మోడల్‌ను జనవరిలో కంపెనీ తన 'గెలాక్సీ అన్‌ప్యాక్డ్' ఈవెంట్‌లో మొదట టీజ్ చేసింది. ఈ క్రమంలో ఇటీవల ముగిసిన మొబైల్ వరల్డ్ కాంగ్రెస్ (MWC 2025)లో ఈ హ్యాండ్‌సెట్‌ను ప్రదర్శించింది. ఈ గెలాక్సీ S25 ఎడ్జ్ మోడల్ ఇప్పటికే ఈ సిరీస్​లో లాంఛ్ చేసిన ఇతర మూడు మోడళ్ల మాదిరిగానే స్నాప్​డ్రాగన్​ 8 ఎలైట్ చిప్‌తో వస్తుందని టెక్ నిపుణులు భావిస్తున్నారు.

BISలో చూసిన శాంసంగ్ గెలాక్సీ S25 ఎడ్జ్ మోడల్ నంబర్: BIS వెబ్‌సైట్‌లోని లిస్టింగ్ (via Xpertpick)లోని మోడల్​ నంబర్ శాంసంగ్ గెలాక్సీ S25 ఎడ్జ్ భారతీయ వేరియంట్ అని తెలుస్తోంది. శాంసంగ్ గెలాక్సీ S25 ఎడ్జ్ రీజనల్ అవైలబిలిటీని ఇంకా ప్రకటించలేదు. అయినప్పటికీ భారతీయ నియంత్రణ సంస్థ వెబ్‌సైట్‌లో ఈ హ్యాండ్‌సెట్ కనిపించడంతో అది త్వరలోనే భారత్​లో లాంఛ్ కానున్నట్లు తెలుస్తోంది.

ఇటీవలి నివేదికల ప్రకారం శాంసంగ్ గెలాక్సీ S25 ఎడ్జ్ ఏప్రిల్ 16న గ్లోబల్ మార్కెట్లలో లాంఛ్ అయ్యే అవకాశం ఉంది. లాంఛ్ అనంతరం అంటే ఒక నెల తర్వాత సేల్​కి అందుబాటులోకి రావచ్చు. ఇది ఎంపిక చేసిన మార్కెట్లలో అందుబాటులో ఉంటుందని, దీని ధర దాదాపు $999 (సుమారు రూ. 86,900) ఉండొచ్చని అంచనా.

The purported Samsung Galaxy S25 Edge listing on the BIS website (Photo Credit: Screenshot/ BIS)

శాంసంగ్ గెలాక్సీ S25 ఎడ్జ్ స్పెసిఫికేషన్లు: ఈ అప్​కమింగ్ 'గెలాక్సీ S25 ఎడ్జ్' బ్యాటరీ ఇటీవల UK Demko వెబ్‌సైట్‌లో కనిపించింది. ఇక ఈ హ్యాండ్‌సెట్ 3,900mAh బ్యాటరీని ప్యాక్ చేస్తుందని అంతా భావిస్తున్నారు. చైనా 3C వెబ్‌సైట్‌లోని మరొక లిస్టింగ్​లో ఈ ఫోన్.. బేస్ గెలాక్సీ S25 మోడల్ మాదిరిగా 25W ఛార్జింగ్‌కు సపోర్ట్ చేస్తుందని సూచిస్తుంది.

ప్రీవియస్ నివేదికలు ఈ 'గెలాక్సీ S25 ఎడ్జ్' క్వాల్‌కామ్ నుంచి గెలాక్సీ చిప్ కోసం కస్టమ్ స్నాప్‌డ్రాగన్ 8 ఎలైట్ ద్వారా శక్తిని పొందుతుందని, 12GB RAMతో పాటు ఉంటుందని సూచిస్తున్నాయి. ఇది ఆండ్రాయిడ్ 15 ఆధారంగా పనిచేసే One UI 7పై నడుస్తుందని తెలుస్తోంది. దీంతోపాటు ఈ ఫోన్ గెలాక్సీ AI ఫీచర్‌లకు సపోర్ట్​ చేస్తుందని సమాచారం.

ఈ ఫోన్​ను ఇటీవలే MWC 2025లో ప్రదర్శించడంతో ఇది డ్యూయల్ రియర్ కెమెరా సెటప్‌తో వస్తుందని రివీల్ అయింది. ఇది 200-మెగాపిక్సెల్ ప్రైమరీ కెమెరా, 12-మెగాపిక్సెల్ అల్ట్రావైడ్ కెమెరాను కలిగి ఉండొచ్చు. ఈ స్మార్ట్‌ఫోన్ 6.65-అంగుళాల డిస్‌ప్లేను కలిగి ఉంటుందని, 5.84mm మందంతో గెలాక్సీ S25 లైనప్‌లో అత్యంత సన్నని మోడల్‌గా ఉంటుందని టెక్ నిపుణులు భావిస్తున్నారు.