Royal Enfield Classic 650 Twin Launched: ప్రముఖ మోటార్‌సైకిల్ తయారీ సంస్థ రాయల్ ఎన్ఫీల్డ్ తన ప్రీమియం 'క్లాసిక్ 650 ట్విన్' బైక్ను తీసుకొచ్చింది. దీన్ని కంపెనీ గతేడాది EICMAలో ప్రవేశపెట్టింది. ఆ తర్వాత ఇప్పుడు భారత మార్కెట్లో లాంఛ్ చేసింది. ఈ క్లాసిక్ 650 ట్విన్ ధర మార్కెట్లో రూ. 3.37 లక్షల నుంచి రూ. 3.50 లక్షల (ఎక్స్-షోరూమ్) వరకు ఉంటుంది. అయితే కలర్ ఆప్షన్ను బట్టి దీని ధరలు ఉంటాయి. ఈ సందర్భంగా దీని ధర, ఫీచర్ల వివరాలను తెలుసుకుందాం రండి.
రాయల్ ఎన్ఫీల్డ్ 'క్లాసిక్ 650 ట్విన్' పవర్ట్రెయిన్: ఇంటర్సెప్టర్ అండ్ కాంటినెంటల్ GTలలో ఉన్న అదే ఎయిర్/ఆయిల్-కూల్డ్, 648cc, ట్విన్-సిలిండర్ ఇంజిన్ ఇందులో ఉంది. ఇది ఇతర బైక్ల మాదిరిగానే 46 bhp పవర్, 52.3 Nm టార్క్ను ఉత్పత్తి చేస్తుంది. ఈ కొత్త 'క్లాసిక్ 650 ట్విన్' బైక్ మెయిన్ ఫ్రేమ్, సబ్‌ఫ్రేమ్తో పాటు స్థితి ట్యూన్ కంపెనీ నుంచి వచ్చిన మరొక బైక్ 'షాట్‌గన్ 650'ని పోలి ఉంటాయి.
అయినప్పటికీ ఈ కొత్త 'క్లాసిక్ 650 ట్విన్' దాని స్టైలింగ్ కారణంగా షాట్‌గన్ కంటే చాలా భిన్నంగా కన్పిస్తుంది. క్లాసిక్ ట్రేడ్‌మార్క్ స్ట్లైల్లో, పెద్ద క్లాసిక్ చాలా ట్రెడీషనల్ రెట్రో డిజైన్‌ను కలిగి ఉంది. ఇది స్విచ్ గేర్ క్యూబ్స్, వీల్ హబ్లతో సహా చాలా వాటిలో ఎక్కువ క్రోమ్‌ను పొందుతుంది.
అత్యంత బరువైన బైక్: ఈ కొత్త 'క్లాసిక్ 650 ట్విన్' కూడా దాని చిన్న సిబ్లింగ్ మాదిరిగానే 19/18-అంగుళాల ట్యూబ్‌లతో వైర్-స్పోక్ వీల్స్‌ను ఉపయోగిస్తుంది. ఇది MRF టైర్లను ఉపయోగిస్తుంది. వీటిలో ఈ మోటార్ సైకిల్ కోసం ప్రత్యేకంగా అభివృద్ధి చేసిన నైలాన్ హై-పెర్ఫార్మెన్స్ టైర్లు ఉన్నాయి. ఈ కొత్త 'క్లాసిక్ 650 ట్విన్' లో ట్విన్-సైడెడ్, రైట్-సైడెడ్, 43mm టెలిస్కోపిక్ ఫోర్క్ ఉంటుంది. ఇది 120mm ప్రయాణాన్ని అందిస్తుంది.
దీనితో పాటు దీనిలో ఉపయోగించిన ట్విన్ రియర్ షాక్ అబ్జార్బర్‌లను కూడా షాట్‌గన్ మోడల్ నుంచి తీసుకొచ్చారు. ఇవి కూడా 90 మిమీ ప్రయాణాన్ని అందిస్తాయి. ఈ కొత్త మోటార్ సైకిల్ 14.7 లీటర్ల ఫ్యూయెల్ ట్యాంక్ కలిగి ఉంది. ఈ కారణంగా ఈ 'క్లాసిక్ 650' బైక్ బరువు 243 కిలోలకు చేరింది. దీంతో ఇది ప్రస్తుతం మార్కెట్లో అందుబాటులో ఉన్న రాయల్ ఎన్ఫీల్డ్ బైక్స్లో అత్యంత బరువైన మోడల్గా నిలిచింది.
రాయల్ ఎన్ఫీల్డ్ 'క్లాసిక్ 650 ట్విన్' ఫీచర్లు: ఈ పెద్ద క్లాసిక్ 650 ట్విన్ బైక్ దాని చిన్న 350cc మోడల్ మాదిరిగానే దాదాపు అన్ని ఫీచర్లను కలిగి ఉంది. ఈ బైక్‌లో డిజిటల్-అనలాగ్ డిస్ప్లే, ట్రిప్పర్ నావిగేషన్ పాడ్‌తో పాటు USB ఛార్జింగ్ పోర్ట్ అమర్చారు. అయితే చిన్న మోడల్‌తో పోలిస్తే దీనిలో ఉన్న ఏకైక తేడా ఏంటంటే.. ఈ కొత్త బైక్ స్లిప్-అండ్-అసిస్ట్ క్లచ్‌ను ఉపయోగిస్తుంది.
రాయల్ ఎన్ఫీల్డ్ క్లాసిక్ 650 ట్విన్ కలర్ ఆప్షన్స్: కంపెనీ దీన్ని నాలుగు రంగులతో తీసుకొచ్చింది. వీటి ధరలు వేర్వేరుగా ఉంటాయి. అంటే కలర్ ఆప్షన్ను బట్టి ఈ బైక్ ధరలు ఉంటాయి.
కలర్ ఆప్షన్స్ వారీగా ఈ బైక్ ధరలు:
- బ్రంటింగ్‌థోర్ప్ బ్లూ కలర్ ఆప్షన్తో దీని ధర: రూ. 3.37 లక్షలు
- వల్లం రెడ్ కలర్ ఆప్షన్తో దీని ధర: రూ. 3.37 లక్షలు
- టీల్ కలర్ ఆప్షన్తో దీని ధర: రూ. 3.41 లక్షలు
- బ్లాక్ క్రోమ్ కలర్ ఆప్షన్తో దీని ధర: రూ. 3.50 లక్షలు
సేల్స్ డీటెయిల్స్: ఈ రాయల్ ఎన్ఫీల్డ్ 'క్లాసిక్ 650 ట్విన్' బైక్ లాంఛ్తోనే దీని బుకింగ్స్ కూడా ప్రారంభమయ్యాయి. అయితే ఏప్రిల్ నుంచి వీటి డెలివరీలు ప్రారంభమవుతాయి.
పవర్ఫుల్ ప్రాసెసర్తో 'ఇన్ఫినిక్స్ నోట్ 40X 5G' లాంఛ్- కేవలం రూ. 10,499లకే!
మీ సృజనాత్మకతకు ప్రాణంపోసే అవకాశం- స్మార్ట్‌ఫోన్‌ను డిజైన్ చేసి రూ. 1.10 లక్షలు గెలుచుకోండి!
పవర్ఫుల్ బ్యాటరీతో 'కియా EV6' కొత్త వెర్షన్ లాంఛ్- సింగిల్ ఛార్జ్తో 663కి.మీ రేంజ్!
