Realme 14T 5G Launched in India: దేశీయ మార్కెట్లోకి రియల్మీ నుంచి సరికొత్త స్మార్ట్ఫోన్ ఎంట్రీ ఇచ్చింది. 'రియల్మీ 14T 5G' పేరుతో కంపెనీ దీన్ని రూ.17,999 ప్రారంభ ధరతో లాంఛ్ చేసింది. ఇందులో మీడియాటెక్ డైమెన్సిటీ 6300 ప్రాసెసర్, 6,000mAh బ్యాటరీ ఉంది. ఇది డస్ట్ అండ్ వాటర్ రెసిస్టెన్సీ కోసం IP66, IP68, IP69 రేటింగ్‌లతో మిలిటరీ-గ్రేడ్ డ్యూరబిలిటీతో వస్తుంది.
Realme 14T వేరియంట్లు: మార్కెట్లో ఇది రెండు వేరియంట్లలో లభిస్తుంది.
- 8GB RAM + 128GB స్టోరేజ్
- 8GB RAM + 256GB స్టోరేజ్
వేరియంట్ల వారీగా ధరలు:
- 8GB RAM + 128GB స్టోరేజ్: రూ. 17,999
- 8GB RAM + 256GB స్టోరేజ్: రూ. 19,999
కలర్ ఆప్షన్స్: కంపెనీ ఈ కొత్త స్మార్ట్ఫోన్ను మూడు కలర్ ఆప్షన్లలో తీసుకొచ్చింది.
- గ్రీన్
- బ్లాక్
- పర్పుల్
Realme 14T స్పెసిఫికేషన్లు:
డిస్ప్లే: ఈ ఫోన్ 6.67-అంగుళాల FHD+ AMOLED డిస్‌ప్లేను కలిగి ఉంది. దీని రిఫ్రెష్ రేట్ 120Hz, పీక్ బ్రైట్నెస్ 2,000 నిట్స్.
ప్రాసెసర్: ఇది మీడియాటెక్ డైమెన్సిటీ 6300 ప్రాసెసర్, 8GB RAM, 256GB వరకు స్టోరేజ్తో వస్తుంది.
కెమెరా సెటప్: దీని కెమెరా సెటప్‌లో AIతో కూడిన 50MP ప్రైమరీ సెన్సార్, 2MP మోనోక్రోమ్ కెమెరా ఉన్నాయి. సెల్ఫీలు, వీడియా కాలింగ్ల కోసం ఇందులో 16MP ఫ్రంట్ కెమెరా ఉంది.
ఆపరేటింగ్ సిస్టమ్: ఈ ఫోన్ ఆండ్రాయిడ్ 15 ఆధారిత Realme UI 6.0 పై నడుస్తుంది.
బ్యాటరీ: ఇందులో 6,000mAh బ్యాటరీ ఉంది. ఇది 45W SuperVOOC ఫాస్ట్ ఛార్జింగ్కు సపోర్ట్ చేస్తుంది.
ప్రొటెక్షన్: ఈ ఫోన్ డస్ట్ అండ్ వాటర్ రెసిస్టెన్సీ కోసం IP66, IP68, IP69 రేటింగ్‌లను కలిగి ఉంది.
ఇతర ఫీచర్లు: ఈ హ్యాండ్‌సెట్‌లో ఇన్-డిస్ప్లే ఫింగర్‌ప్రింట్ సెన్సార్ ఉంది. దీని కనెక్టివిటీ ఫీచర్లలో 5G, 4G, Wi-Fi 5, బ్లూటూత్ 5.3, GPS, USB టైప్-C పోర్ట్ ఉన్నాయి.
కొలతలు: ఈ ఫోన్ 7.97mm మందం, 196 గ్రాముల బరువు ఉంటుంది.
సేల్ వివరాలు: ఈ స్మార్ట్ఫోన్ రియల్మీ అధికారిక వెబ్‌సైట్ ఫ్లిప్‌కార్ట్, ఎంపిక చేసిన రిటైల్ స్టోర్లలో లభిస్తుంది. ప్రారంభ ఆఫర్‌లో ఎంపిక చేసిన కార్డ్‌లపై రూ. 1,000 బ్యాంక్ డిస్కౌంట్, 128GB వేరియంట్ ఆన్‌లైన్ కొనుగోళ్లపై రూ. 2,000 ఎక్స్ఛేంజ్ బోనస్, ఆఫ్‌లైన్ కొనుగోలుదారులకు రూ. 1,000 బ్యాంక్ డిస్కౌంట్ ఉన్నాయి. 6 నెలల వరకు వడ్డీ లేని EMI ప్లాన్‌లు కూడా అందుబాటులో ఉన్నాయి.
గ్లోబల్గా మోటరోలా ఎడ్జ్ 60 సిరీస్ లాంఛ్- ఇండియాలో ఎప్పుడంటే?
మార్కెట్లో దేశీయ దిగ్గజం హవా- ప్రతి నలుగురిలో ఒకరికి వ్యాగన్ఆర్ కారే కావాలట!
బ్యూటిఫుల్ AMOLED డిస్ప్లే, 6000mAh బ్యాటరీతో రియల్మీ కొత్త ఫోన్- కేవలం రూ. 17,999లకే!
