ఫ్రాగ్​షిప్ ప్రాసెసర్​తో 'వన్‌ప్లస్ ప్యాడ్ 3'!- భారత్​లో దీని రేటెంత ఉంటుందంటే?

త్వరలో భారత మార్కెట్​లోకి 'వన్‌ప్లస్ ప్యాడ్ 3'- ధర, ఫీచర్ల వివరాలు ఇవే!

OnePlus Pad 3: వన్‌ప్లస్ త్వరలో భారతదేశంలో 'వన్‌ప్లస్ ప్యాడ్ 3' అనే కొత్త టాబ్లెట్‌ను విడుదల చేస్తున్నట్లు ప్రకటించింది. ఈ టాబ్లెట్ కంపెనీ గతేడాది లాంఛ్ చేసిన 'వన్‌ప్లస్ ప్యాడ్ 2'కు సక్సెసర్. కంపెనీ మొట్టమొదటి కాంపాక్ట్ ఫ్లాగ్‌షిప్ స్మార్ట్‌ఫోన్ 'వన్​ప్లస్​ 13s'​ను ఇవాళ లాంఛ్ చేసింది. ఆ సమయంలో 'వన్‌ప్లస్ ప్యాడ్ 3' టాబ్లెట్​ను పరిచయం చేసింది. ఇకపోతే 'వన్​ప్లస్ ప్యాడ్ 3' ఫుల్ మెటల్ యూనిబాడీ డిజైన్‌ను కలిగి ఉంటుంది. ఇది 6mm కంటే తక్కువ మందంతో వస్తుంది. ఈ టాబ్లెట్ మందం 5.97mm, బరువు 675 గ్రాములు.

'వన్‌ప్లస్ ప్యాడ్ 3' ఫీచర్లు, స్పెసిఫికేషన్లు:

డిస్​ప్లే: ఈ టాబ్లెట్ 13.2-అంగుళాల LCD LTPS స్క్రీన్‌ను కలిగి ఉంది. దీని రిజల్యూషన్ 3.4K. ఇది 144Hz రిఫ్రెష్ రేట్‌, 900 నిట్స్ పీక్ బ్రైట్​నెస్​ను అందిస్తుంది. ఈ టాబ్లెట్‌లో వన్‌ప్లస్ మొత్తం 8 స్పీకర్లను అందించింది. వీటిలో 4 వూఫర్‌లు, 4 ట్వీటర్‌లు ఉన్నాయి.

ప్రాసెసర్: ఈ టాబ్లెట్‌లో ప్రాసెసర్​ కోసం స్నాప్‌డ్రాగన్ 8 ఎలైట్ చిప్‌సెట్ ఉంటుంది. ఇది అడ్రినో 830 GPU తో వస్తుంది. ఈ ఫోన్ 12GB LPDDR5x లేదా 16GB LPDDR5T RAMతో 512GB వరకు UFS 4.0 స్టోరేజ్​ను కలిగి ఉంటుంది.

Meet the all-new #OnePlusPad3 - ultra-fast with Snapdragon 8 Elite, ultra-smooth with a 144Hz 3.4K display. #StayTuned

Know more: https://t.co/CJkeVRAttS pic.twitter.com/KcsLI6HK2Q

— OnePlus India (@OnePlus_IN) June 5, 2025

బ్యాటరీ: ఇందులో 12,140mAh బ్యాటరీ ఉంటుంది. ఇది 80W ఫాస్ట్ ఛార్జింగ్ సపోర్ట్​కు సపోర్ట్ చేస్తుంది.

ఆపరేటింగ్ సిస్టమ్: ఈ 'వన్​ప్లస్ ప్యాడ్​ 3' ఆండ్రాయిడ్ 15 ఆధారంగా ఆక్సిజన్ OS 15 పై నడుస్తుంది.

కెమెరా సెటప్: ఈ టాబ్లెట్ వెనక భాగంలో 13MP రియర్ కెమెరా, ముందు భాగంలో 8MP ఫ్రంట్ కెమెరా ఉంటుంది.

Specification	Details
Display	13.2-inch LCD LTPS, 144Hz refresh rate, 900 nits peak brightness
Speaker	8 Speaker (4 Woofer, 4 Tweeter)
Weight	675 grams
Thickness	5.97 mm
Processor	Snapdragon 8 Elite Mobile Platform
GPU	Adreno 830 (Maximum 1.1GHz)
RAM options	12GB LPDDR5x / 16GB LPDDR5T
Storage option	256GB / 512GB UFS 4.0
Rear camera	13 MP
Front camera	8 MP
Battery	12,140mAh
Charging	80W fast wired charging
Operating system	Oxygen OS 15 (based on Android 15)

వన్​ప్లస్ ప్యాడ్ 3 వేరియంట్లు, ధర వివరాలు: 'వన్‌ప్లస్ ప్యాడ్ 3' ఇంకా భారతదేశంలో లాంఛ్ కాలేదు. దీన్ని ఇవాళ అంటే జూన్ 5న యూరప్, ఉత్తర అమెరికాలో ప్రారంభించారు. అయితే ఈ టాబ్లెట్ అతి త్వరలో భారత మార్కెట్లోకి కూడా ఎంట్రీ ఇవ్వనుంది. భారతదేశంలో ఈ టాబ్లెట్ ధర దాదాపు రూ. 50,000 ఉండొచ్చు.