Lava Storm 5G Series: దేశీయ స్మార్ట్‌ఫోన్ కంపెనీ లావా మొబైల్స్ భారతదేశంలో తన స్మార్ట్‌ఫోన్ లైనప్‌ను విస్తరించే పనిలో పడింది. కంపెనీ త్వరలో తన స్టార్మ్ సిరీస్లో రెండు కొత్త స్మార్ట్ఫోన్లను విడుదల చేయనుంది. వీటిని 'లావా స్టార్మ్ ప్లే 5G', 'లావా స్టార్మ్ లైట్ 5G' పేర్లతో తీసుకురానుంది. తాజాగా కంపెనీ వీటి ఈ రెండు ఫోన్‌లకు సంబంధించిన స్పెసిఫికేషన్‌ల వివరాలను కూడా వెల్లడించింది.
ముఖ్యంగా 'లావా స్టార్మ్ ప్లే 5G'లో ప్రాసెసర్ కోసం మీడియాటెక్ డైమెన్సిటీ 7060 చిప్‌సెట్ ఇవ్వనున్నట్లు తెలిపింది. భారతదేశంలో ఈ చిప్‌సెట్‌తో రిలీజ్ కాబోతున్న మొదటి స్మార్ట్‌ఫోన్ ఇదే. ఈ చిప్‌సెట్‌తో LPDDR5 RAM, UFS 3.1 స్టోరేజ్ సౌకర్యం అందుబాటులో ఉంటుంది. ఈ చిప్‌సెట్తోపాటు ఇంత RAM అండ్ స్టోరేజ్ను అందిస్తున్నారంటే కంపెనీ గేమింగ్ ప్రియులకు లక్ష్యంగా చేసుకునే ఈ ఫోన్ను తీసుకొస్తుందని తెలుస్తోంది. దీంతో పాటు మల్టీ టాస్కింగ్ పనులు, యాప్ లోడింగ్ స్పీడ్ కూడా ఈ ఫోన్‌లో బాగుంటుంది. ఇది 5G కనెక్టివిటీతో వస్తుంది.
లావా స్టార్మ్ ప్లే 5G స్పెసిఫికేషన్లు:
డిస్ప్లే: ఈ ఫోన్ 6.78-అంగుళాల HD ప్లస్ LCD స్క్రీన్‌ను కలిగి ఉంటుంది. ఇది 120Hz రిఫ్రెష్ రేట్‌ను అందిస్తుంది.
ర్యామ్ అండ్ స్టోరేజ్: ఈ ఫోన్‌తో వినియోగదారులకు 6GB RAM, 128GB ఇన్-బిల్ట్ స్టోరేజ్ లభిస్తుంది.
లాంఛ్ ఎప్పుడు?: కంపెనీ వీటి లాంఛ్ తేదీని ఇంకా ప్రకటించలేదు. అయితే మరికొన్ని రోజుల్లో వెల్లడించే అవకాశం ఉంది. రిలీజ్ అయిన తర్వాత కస్టమర్‌లు లావా ఇండియా ఇ-స్టోర్, అమెజాన్ ద్వారా ఈ రెండు ఫోన్లను కొనుగోలు చేయొచ్చు.
ఈ లావా లైనప్ స్టాండర్డ్ వెర్షన్ 'లావా స్టార్మ్ 5G'. దీన్ని డిసెంబర్ 2023లో ప్రారంభించారు. ఈ ఫోన్ ధర రూ. 12,499. ఇది 8GB RAM, 128GB స్టోరేజ్తో వస్తుంది. ఈ ఫోన్ను అమెజాన్ ద్వారా కొనుగోలు చేయొచ్చు. కంపెనీ దీన్ని గేల్ గ్రీన్, థండర్ బ్లాక్ అనే రెండు కలర్ ఆప్షన్లలో విడుదల చేసింది.
లావా స్టార్మ్ 5G స్పెసిఫికేషన్లు:
డిస్ప్లే: ఇందులో 6.78-అంగుళాల FHD + LCD స్క్రీన్‌ ఉంటుంది. ఇది 120Hz రిఫ్రెష్ రేట్‌ను కలిగి ఉంది.
ప్రాసెసర్: ఈ ఫోన్‌లోని ప్రాసెసర్ కోసం కంపెనీ 6nm మీడియాటెక్ డైమెన్సిటీ 6080 చిప్‌సెట్‌ను అందించింది. వినియోగదారులు ఈ ఫోన్ స్టోరేజ్ను 1TB వరకు పెంచుకోవచ్చు.
కెమెరా సెటప్: ఈ ఫోన్ వెనక భాగంలో డ్యూయల్ కెమెరా సెటప్ ఉంది. దీని మెయిన్ కెమెరా 50MP, రెండవ కెమెరా 8MP అల్ట్రా-వైడ్ యాంగిల్ లెన్స్‌తో వస్తుంది. ఈ ఫోన్‌లో సెల్ఫీలు, వీడియో కాలింగ్ కోసం కంపెనీ 16MP ఫ్రంట్ కెమెరాను ఇచ్చింది.
బ్యాటరీ: ఈ ఫోన్ 5000mAh బ్యాటరీని కలిగి ఉంది. ఇది 33W ఫాస్ట్ ఛార్జింగ్కు సపోర్ట్‌ చేస్తుంది.
ఆపరేటింగ్ సిస్టమ్: ఈ ఫోన్ను ఆండ్రాయిడ్ 13 ఆధారంగా OSతో ప్రారంభించారు.
భారీ డేటా లీక్- 'ప్రమాదంలో 18.4 కోట్ల పాస్‌వర్డ్‌లు'- జాగ్రత్త సుమీ!!
ప్రపంచ కంపెనీలను ఆకర్షించే ప్రయత్నాలు- టెస్లాకు నాట్ ఇంట్రెస్ట్, BYDకి నో ఎంట్రీ!
చంద్రునిపై జపాన్ గురి, -153°C 'సీ ఆఫ్ కోల్డ్' వద్ద సాఫ్ట్ ల్యాండింగ్కు ప్లాన్!
