Kawasaki Versys-X 300 Launched: ప్రీమియం మోటార్సైకిల్ తయారీ సంస్థ కవాసకి ఇండియా తన 'కవాసకి వెర్సిస్-X 300' 2025 అప్డేట్ వెర్షన్ను విడుదల చేసింది. కంపెనీ ఈ మోటార్సైకిల్ ధరను రూ. 3.80 లక్షల (ఎక్స్-షోరూమ్)గా నిర్ణయించింది. ఇది మునుపటిలాగే అదే ఇంజిన్, ఫీచర్ సెట్తో వస్తుంది. అయితే అప్డేట్గా దీనిలో కొత్త కలర్ ఆప్షన్లను అలాగే కొత్త గ్రాఫిక్స్ను అందించారు.
కవాసకి 'వెర్సిస్-X 300' కొన్నేళ్ల కిందట భారతదేశంలో అమ్మకానికి అందుబాటులోకి వచ్చింది. అయితే తర్వాత దీని సేల్స్ నిలిపివేశారు. ఇప్పుడు ఇది కొన్ని అప్డేట్స్తో దేశీయ మార్కెట్లోకి రీ-ఎంట్రీ ఇచ్చింది. ఇందులో కొంగొత్త గాఫిక్స్, కొత్తగా బ్లూ అండ్ వైట్ కలర్ ఆప్షన్లు ఉన్నాయి. దీనితో పాటు కఠినమైన ఉద్గార నిబంధనలకు అనుగుణంగా దీని ఇంజిన్ను అప్డేట్ చేశారు. భారతదేశంలో లోకల్ అసెంబుల్ (CKD)ని సూచిస్తున్న నివేదికలు, చిత్రాలు ఉన్నప్పటికీ 'కవాసకి వెర్సిస్-X 300' ప్రస్తుతం పూర్తిగా నిర్మించిన యూనిట్ (CBU)గా అమ్ముడవుతోంది.

కవాసకి వెర్సిస్-X 300 పవర్ట్రెయిన్: కంపెనీ ఇందులో 'కవాసకి నింజా 300' మోడల్లో ఉన్న అదే 296 cc, సమాంతర-ట్విన్, లిక్విడ్-కూల్డ్ ఇంజిన్ను ఉపయోగించింది. ఇది 39.4bhp పవర్, 25.7Nm పీక్ టార్క్ను ఉత్పత్తి చేస్తుంది. OBD-2B ఉద్గార నిబంధనల ఆధారంగా దాని ఇంజిన్ను అప్డేట్ చేసింది. ఇది స్లిప్, అసిస్ట్ క్లచ్తో కూడిన 6-స్పీడ్ గేర్బాక్స్తో వస్తుంది.

కవాసకి వెర్సిస్-X 300 హార్డ్వేర్:

ఈ మోటార్ సైకిల్లో ఇంజిన్ను దాని బ్యాక్-బోన్ ఫ్రేమ్లో అమర్చారు. ఇది దానిలో అమర్చిన 17-లీటర్ ఫ్యూయెల్ ట్యాంక్ నుంచి ఇంధనాన్ని తీసుకుంటుంది. సస్పెన్షన్ కోసం ఈ బైక్ ముందు భాగంలో 41mm టెలిస్కోపిక్ ఫోర్క్ ఉంది. ఇది 130mm ప్రయాణాన్ని అందిస్తుంది. ఇక వెనక భాగంలో 148mm ప్రయాణాన్ని అందించే మోనోషాక్ ఉంది. ఈ బైక్ 180mm గ్రౌండ్ క్లియరెన్స్ కూడా కలిగి ఉంది. ఈ మోటార్ సైకిల్ 19-అంగుళాల ఫ్రంట్, 17-అంగుళాల రియర్ స్పోక్ వీల్ సెటప్తో వస్తుంది. ఇది ట్యూబ్ టైర్లతో వస్తుంది.
కవాసకి వెర్సిస్-X 300 ఇతర ఫీచర్లు:

కవాసకి వెర్సిస్-X 300 చాలా బేసిక్ ఫీచర్లను కలిగి ఉంది. ఇది గేర్ పొజిషన్ ఇండికేటర్, డ్యూయల్-ఛానల్ ABSతో కూడిన డిజి-అనలాగ్ ఇన్స్ట్రుమెంట్ క్లస్టర్ను కలిగి ఉంది. కంపెనీ ఈ మోటార్సైకిల్ను రూ. 3.80 లక్షల (ఎక్స్-షోరూమ్) ధరకు విడుదల చేసింది. ఇది KTM 390 అడ్వెంచర్ కంటే రూ. 12,000 ఎక్కువ. KTM దీనితోపాటు మరిన్ని పవర్, అదనపు ఫీచర్లను కూడా అందిస్తుంది. అయితే ఇది దాని ఇంజిన్లో అదనపు సిలిండర్తో వస్తుంది.
ఇన్ఫినిక్స్ నుంచి నయా గేమింగ్-ఫోకస్డ్ స్మార్ట్ఫోన్- ఫీచర్లు చూస్తే పిచ్చెక్కిపోవాల్సిందే!
విద్యుత్ వాహనదారులకు గుడ్న్యూస్- త్వరలో 72,000 ఛార్జింగ్ స్టేషన్ల ఏర్పాటు
రూ.85వేల తగ్గింపుతో విండ్సర్ కొత్త ఈవీ- బ్యాటరీ, రేంజ్ మాత్రం మారలేదుగా!