Hero Motorcycles Updated for 2025: దేశంలోనే అతిపెద్ద ద్విచక్ర వాహన తయారీ సంస్థ హీరో మోటోకార్ప్ తన హీరో సూపర్ స్ప్లెండర్ Xtec, గ్లామర్ అనే రెండు మోటార్ సైకిళ్లను అప్డేట్ చేసింది. వీటిని OBD-2B ఉద్గార ప్రమాణాలకు అనుగుణంగా అప్డేట్ చేసి తీసుకొచ్చింది. కంపెనీ సూపర్ స్ప్లెండర్‌ను రూ. 88,128 ధరకు, హీరో గ్లామర్‌ను రూ. 86,698 (ఎక్స్-షోరూమ్) ధరకు విడుదల చేసింది.
హీరో సూపర్ స్ప్లెండర్ Xtec ఫీచర్లు: హీరో మోటోకార్ప్ తన పోర్ట్‌ఫోలియోలోని వాహనాలను OBD-2B నిబంధనలకు అనుగుణంగా నవీకరిస్తోంది. కంపెనీ ఇటీవలే తన ప్యాషన్ ప్లస్, స్ప్లెండర్ ప్లస్ మోడల్ బైక్స్ను అప్డేట్ చేసిన తర్వాత ఇప్పుడు సూపర్ స్ప్లెండర్ Xtec మోటార్సైకిల్ను అప్డేట్ చేసింది. ఇతర బైక్‌ల మాదిరిగానే ఈ అప్డేట్ ఉద్గార నిబంధనలకే పరిమితం అయి ఉంటుంది. అంటే దీనిలో కూడా మార్పులు చాలా తక్కువగా ఉంటాయి.
హీరో సూపర్ స్ప్లెండర్ Xtec పవర్‌ట్రెయిన్: దీని ఇంజిన్ ఇప్పుడు OBD2B-కంప్లైంట్. ఇది 124.7cc ఎయిర్-కూల్డ్, సింగిల్-సిలిండర్ ఇంజిన్‌ను ఉపయోగిస్తుంది. ఈ ఇంజిన్ 10.7bhp పవర్, 10.6Nm పీక్ టార్క్‌ను అందిస్తుంది. ఈ ఇంజిన్ 4-స్పీడ్ గేర్‌బాక్స్‌తో వస్తుంది.
హీరో సూపర్ స్ప్లెండర్ Xtec ఫీచర్లు: సూపర్ స్ప్లెండర్ Xtec స్టాండర్డ్ సూపర్ స్ప్లెండర్ ఆధారంగా డిజైన్ చేశఆరు. అయితే ఇది మరిన్ని ఫీచర్లతో వస్తుంది. ఈ మోటార్ సైకిల్ను LED హెడ్‌లైట్, బ్లూటూత్ కనెక్టివిటీతో పూర్తిగా డిజిటల్ స్పీడోమీటర్‌తో అందించారు. కంపెనీ దీన్ని డ్రమ్, డిస్క్ అనే రెండు వేరియంట్లలో విక్రయిస్తుంది. వీటి ధర వరుసగా రూ. 88,128, రూ. 90,028 (ఎక్స్-షోరూమ్). అంటే పాత మోడల్తో పోలిస్తే ప్రస్తుతం దీని ధర రూ.2,000 పెరిగింది.
హీరో గ్లామర్కు OBD-2B అప్డేట్: దీని పవర్‌ట్రెయిన్ గురించి చెప్పాలంటే హీరో గ్లానర్‌లోని 124.7cc, సింగిల్-సిలిండర్, ఎయిర్-కూల్డ్ ఇంజిన్ OBD-2B ఆధారంగా దీన్ని అప్డేట్ చేశారు. ఈ ఇంజిన్ 10.4bhp పవర్, 10.4Nm గరిష్ట టార్క్‌ను అందిస్తుంది. ఈ ఇంజిన్ 4-స్పీడ్ గేర్‌బాక్స్‌తో వస్తుంది.
హీరో గ్లామర్ వేరియంట్లు, ధర: కంపెనీ ఈ మోటార్‌సైకిల్‌నూ డ్రమ్, డిస్క్ అనే రెండు వేరియంట్లలో విక్రయిస్తోంది. దీని డ్రమ్ వేరియంట్ ధర రూ. 86,698. డిస్క్ వేరియంట్ ధర రూ. 90,698 (ఎక్స్-షోరూమ్). ఎమిషన్ రిలేటెడ్ అప్డేట్తో పాటు కంపెనీ దీని వేరియంట్ల ధరలను కూడా రూ. 2,000 పెంచింది.
కలర్ ఆప్షన్స్: కంపెనీ హీరో గ్లామర్‌ను మొత్తం నాలుగు కలర్ ఆప్షన్స్లో ప్రవేశపెట్టింది.
- బ్లాక్ విత్ సిల్వర్
- బ్లాక్ విత్ రెడ్
- బ్లాక్ విత్ బ్లూ
- రెడ్ విత్ బ్లాక్
అయితే రెడ్ విత్ బ్లాక్ పెయింట్ స్కీమ్ అనేది డ్రమ్ వేరియంట్లో మాత్రమే అందుబాటులో ఉంది.
7,000mAh బ్యాటరీ, SD6 Gen 4 చిప్‌తో ఒప్పో కొత్త ఫోన్- లాంఛ్ ఎప్పుడంటే?
మంచి ఫ్యామిలీ కారు కొనాలా?- ఏడు సీట్లతో తోపు ఇవే!- కొనే ఆలోచన ఉంటే ఓ లుక్కేయండి!
స్టన్నింగ్ లుక్లో టాటా కర్వ్ 'బ్లాక్ బ్యూటీ'- రేటెంతో తెలుసా?
