అదిరే ఫీచర్లతో 'CMF బడ్స్ 2' సిరీస్ లాంఛ్- 50dB నాయిస్ క్యాన్సిలేషన్, 61.5 గంటల బ్యాటరీ లైఫ్‌తో!

మార్కెట్​లో CMF 'బడ్స్ 2', 'బడ్స్ 2a', 'బడ్స్ 2 ప్లస్' TWS ఇయర్‌ఫోన్స్ లాంఛ్- ధర, ఫీచర్లపై పూర్తి వివరాలివే!

CMF Buds 2 Series Launched: CMF బై నథింగ్ భారతదేశంలో తన 'CMF ఫోన్ 2 ప్రో' TWS ఇయర్‌ఫోన్‌లను విడుదల చేసింది. భారత్​లో నిర్వహించిన లాంఛ్ ఈవెంట్​లో కంపెనీ వీటిని ప్రపంచవ్యాప్తంగా రిలీజ్ చేసింది. ఈ సిరీస్​లో కంపెనీ 'CMF బడ్స్ 2a','CMF బడ్స్ 2', 'CMF బడ్స్ 2 ప్లస్' అనే మూడు మోడల్స్​ను తీసుకొచ్చింది. CMF తీసుకొచ్చిన ఈ కొత్త బడ్స్ సిరీస్ ధర రూ. 2199 నుంచి ప్రారంభమవుతుంది. మరెందుకు ఆలస్యం ఈ కొత్త బడ్స్ ధర, ఫీచర్ల గురించి మరిన్ని వివరాలు తెలుసుకుందాం రండి.

CMF కొత్త ఇయర్‌ఫోన్‌లు 50dB వరకు నాయిస్ క్యాన్సిలేషన్ (ANC)కు సపోర్ట్​ చేస్తాయి. ఇవి వాటి సంబంధిత ఛార్జింగ్ కేసులతో మొత్తం 61.5 గంటల వరకు బ్యాటరీ లైఫ్​ను అందిస్తాయి. ఈ కొత్త TWS ఇయర్​ఫోన్​లు నథింగ్ X యాప్‌తో అనుకూలంగా ఉంటాయి. డ్యూయల్-డివైస్ కనెక్టివిటీకి మద్దతు ఇస్తాయి. ముఖ్యంగా ఈ ఇయర్‌బడ్‌లు 'CMF బడ్స్ ప్రో 2' మాదిరిగానే డిజైన్‌ను కలిగి ఉన్నాయి. ఇవి గతేడాది జులైలో భారత్​లో లాంఛ్ అయ్యాయి.

Nothing like the new CMF arrivals.

Meet CMF Phone 2 Pro. Refined in performance, wonderful by design.

And the next-generation of the Buds family. Here to elevate your sound, wherever you are in your audio journey.

Pre-order now. pic.twitter.com/xKl0PakdqB

— CMF by Nothing (@cmfbynothing) April 28, 2025

CMF 'బడ్స్ 2a', 'బడ్స్ 2', 'బడ్స్ 2 ప్లస్' ధరలు:

CMF బడ్స్ 2a ధర: రూ. 2,199

CMF బడ్స్ 2 ధర: రూ. 2,699

CMF బడ్స్ 2 ప్లస్ ధర: రూ. 3,299

CMF 'బడ్స్ 2a', 'బడ్స్ 2', 'బడ్స్ 2 ప్లస్' కలర్ ఆప్షన్స్:

CMF బడ్స్ 2a కలర్ ఆప్షన్స్​: ఇవి మూడు రంగులలో అందుబాటులో ఉన్నాయి.

• ఆరెంజ్
• లైట్ గ్రే
• డార్క్ గ్రే

CMF బడ్స్ 2 కలర్ ఆప్షన్స్​: ఇవి కూడా మార్కెట్​లో మూడు కలర్ ఆప్షన్స్​లో అందుబాటులో ఉన్నాయి.

• లైట్ గ్రీన్
• డార్క్ గ్రే
• ఆరెంజ్

CMF బడ్స్ 2 ప్లస్: ఇవి రెండు రంగులలో వస్తాయి.

• లైట్ గ్రే
• బ్లూ

మోడల్	ధర	కలర్ ఆప్షన్స్
CMF Buds 2a	రూ.2,199	ఆరెంజ్ లైట్ గ్రే డార్క్ గ్రే
CMF Buds 2	రూ.2,699	లైట్ గ్రీన్ డార్క్ గ్రే ఆరెంజ్
CMF Buds 2 Plus	రూ.3,299	లైట్ గ్రే బ్లూ

సేల్ వివరాలు: ఈ TWS ఇయర్‌బడ్‌లు భారతదేశంలో ఫ్లిప్‌కార్ట్ ద్వారా రిటైల్ కోసం అందుబాటులో ఉంటాయి.

CMF బడ్స్ 2a: ఈ మోడల్ ఇయర్​బడ్స్ 42dB ANCతో ట్రాన్సపరెన్సీ మోడ్, 12.4mm బయో-ఫైబర్ డ్రైవర్ విత్ డిరాగ్ ట్యూనింగ్, అల్ట్రా బాస్ టెక్నాలజీ 2.0, క్లియర్ వాయిస్ టెక్నాలజీతో 4 HD mics, నథింగ్ X యాప్ ద్వారా 110ms లో- లేటెన్సీ మోడ్‌ను యాక్సెస్ చేయగలవు. అంతేకాకుండా ఈ TWS ఇయర్‌బడ్‌లు డస్ట్ అండ్ వాటర్ రెసిస్టెన్సీ కోసం IP54 రేటింగ్‌ను కలిగి ఉన్నాయి.

CMF Buds 2a (Photo Credit: Nothing)

వీటి ANCని ఆఫ్ చేసిన తర్వాత కూడా ఈ TWS ఇయర్‌బడ్‌లను 8 గంటల పాటు ఉపయోగించవచ్చని కంపెనీ చెబుతోంది. ఛార్జింగ్ కేస్‌తో ఈ 'బడ్స్ 2a' మోడల్ 35.5 గంటల వరకు బ్యాటరీ లైఫ్​ను అందిస్తుంది. ఈ ఇయర్‌బడ్‌లు 43mAh బ్యాటరీని కలిగి ఉంటాయి. అయితే ఛార్జింగ్ కేస్ 460mAh బ్యాటరీని కలిగి ఉంటుంది. ఇది ఫాస్ట్ ఛార్జింగ్‌కు సపోర్ట్ చేస్తుంది. కేవలం 10 నిమిషాల ఛార్జింగ్‌తో వీటిని 5.5 గంటలు ఉపయోగించుకోవచ్చు.

CMF బడ్స్ 2: ఈ 'CMF బడ్స్ 2'లో 48dB హైబ్రిడ్ ANC సపోర్ట్, డైరాక్ ఆప్టియో టెక్నాలజీతో 11mm PMI డ్రైవర్లు, అల్ట్రా బాస్ టెక్నాలజీ 2.0, స్పేషియల్ ఆడియో ఎఫెక్ట్ టెక్నాలజీ, క్లియర్ వాయిస్ టెక్నాలజీ 3.0 తో 6 HD mics, విండ్ నాయిస్ రిడక్షన్ 3.0, నథింగ్ X యాప్‌తో 110ms వరకు లో- లేటెన్సీ మోడ్ వంటి సదుపాయాలు ఉన్నాయి. ఇది డస్ట్ అండ్ స్ప్లాష్ ఇన్‌గ్రెస్ కోసం IP55 రేటింగ్‌ను కలిగి ఉంది.

CMF Buds 2 (Photo Credit: Nothing)

ఈ TWS ఇయర్‌ఫోన్‌లను ANCని ఆఫ్ చేసిన తర్వాత కూడా 8 గంటల పాటు ఉపయోగించొచ్చని కంపెనీ పేర్కొంది. ఛార్జింగ్ కేస్‌తో ఈ మోడల్ 55 గంటల వరకు బ్యాటరీ లైఫ్​ను అందిస్తుంది. ఈ ఇయర్‌ఫోన్‌లు 53mAh బ్యాటరీతో వస్తాయి. ఛార్జింగ్ కేస్ 460mAh బ్యాటరీతో వస్తుంది. ఫాస్ట్ ఛార్జింగ్ సపోర్ట్ ఉపయోగించి వీటిని 10 నిమిషాల ఛార్జింగ్ తర్వాత 5.5 గంటల పాటు ఉపయోగించొచ్చు.

CMF Buds 2 Series Features/Specifications (ETV Bharat)

CMF బడ్స్ 2 ప్లస్: ఇవి స్మార్ట్ అడాప్టివ్ మోడ్‌తో 50dB హైబ్రిడ్ ANC సపోర్ట్, హై-రెస్ LDAC, హియరింగ్ కాంపెన్సేషన్‌తో 12mm LCP డ్రైవర్లు, అల్ట్రా బాస్ టెక్నాలజీ 2.0, స్పేషియల్ ఆడియో ఎఫెక్ట్ టెక్నాలజీ, 6 HD mics, క్లియర్ వాయిస్ టెక్నాలజీ 3.0, విండ్ నాయిస్ రిడక్షన్ 3.0, నథింగ్ X యాప్ ద్వారా 110ms వరకు లో-లేటెన్సీ మోడ్‌ను కలిగి ఉంది. ఈ మోడల్ డస్ట్ అండ్ వాటర్ రెసిస్టెన్సీ కోసం IP55 రేటింగ్‌ను కలిగి ఉంది.

CMF Buds 2 Plus (Photo Credit: Nothing)

ANC ఆఫ్ చేయబడినప్పుడు ఈ TWS ఇయర్‌బడ్‌లు 14 గంటల వరకు పనిచేస్తాయని, ఛార్జింగ్ కేస్‌తో 61.5 గంటల వరకు బ్యాటరీ లైఫ్​ను అందిస్తాయని కంపెనీ అంటోంది. ఈ 'CMF బడ్స్ 2 ప్లస్' ఫాస్ట్ ఛార్జింగ్‌కు సపోర్ట్​ చేస్తుంది. 10 నిమిషాల ఛార్జింగ్‌తో వీటిని 7.5 గంటల పాటు ఉపయోగించుకోవచ్చు.