Bajaj Auto Launches Two New Bikes: ప్రముఖ ఆటోమొబైల్‌ కంపెనీ బజాజ్‌ ఆటో మరో రెండు కొత్త బైకులను ఇండియన్ మార్కెట్లో లాంచ్ చేసింది. బ్రిటీష్‌ మోటార్‌ సైకిల్‌ బ్రాండ్‌ ట్రయంఫ్‌తో కలిసి గతేడాది ట్రయంఫ్‌ స్పీడ్‌ 400, స్క్రాంబ్లర్‌ 400X బైక్‌లను లాంచ్ చేసిన బజాజ్‌ ఆటో.. తాజాగా స్టన్నింగ్ లుక్స్తో మరో రెండు బైక్‌లను మార్కెట్లోకి తీసుకొచ్చింది. ట్రయంఫ్‌ స్పీడ్‌ టీ4, స్పీడ్‌ 400 MY25 పేరిట వీటిని విడుదల చేసింది. ఇండియాలో ప్రీమియం మోటార్‌ సైకిల్‌ విభాగంలో తన వ్యాపారాన్ని విస్తరించడంలో భాగంగా బజాజ్‌ ఆటో కొత్త బైక్‌లను లాంచ్ చేస్తోంది. మరెందుకు ఆలస్యం ఈ సరికొత్త బైక్స్ ధర, ఫీచర్లపై ఓ లుక్కేద్దాం రండి.
Triumph speed T4 Features:
- ఇంజిన్‌: 400cc
- లిక్విడ్‌ కూల్డ్‌, సింగిల్‌ సిలిండర్‌ యూనిట్‌
- పవర్‌: 7,000 ఆర్‌పీఎం వద్ద 30.6 బీహెచ్‌పీ
- టార్క్‌: 5,000 ఆర్‌పీఎం వద్ద 36ఎన్‌ఎం
- టాప్‌స్పీడ్‌: 135 కిలోమీటర్లు
- ఎల్‌ఈడీ లైటింగ్‌ సిస్టమ్‌
- డిజిటల్‌ డిస్‌ప్లే
- బ్లూటూత్‌ కనెక్టివిటీ
- ట్రాక్షన్‌ కంట్రోల్‌
- కలర్ ఆప్షన్స్: ట్రయంఫ్‌ స్పీడ్‌ టీ4 బైకు మార్కెట్లో మూడు రంగుల్లో లభిస్తుంది.
- ట్రయంఫ్‌ స్పీడ్‌ టీ4 ధర: రూ.2.17 లక్షలు (ఎక్స్‌- షోరూమ్‌)Triumph_Speed_T4 (Triumph_Motorcycles)
గతేడాది తీసుకొచ్చిన స్పీడ్‌ 400 కంటే దీని ఇంధన సామర్థ్యం 10 శాతం అధికం అని బజాజ్‌ ఆటో సంస్థ చెబుతోంది.
Triumph Speed 400 MY25 Features:
- ఇంజిన్‌: 398cc
- లిక్విడ్‌ కూల్డ్‌, సింగిల్‌ సిలిండర్‌
- పవర్‌: 8,000 ఆర్‌పీఎం వద్ద 39 బీహెచ్‌పీ
- టార్క్‌: 6,500 ఆర్‌పీఎం వద్ద 37.5 ఎన్‌ఎం
- కలర్ ఆప్షన్స్: ట్రయంఫ్‌ స్పీడ్‌ 400 MY25 బైకు నాలుగు రంగుల్లో మార్కెట్లో అందుబాటులో ఉంది.
- ట్రాన్స్‌మిషన్‌: వెట్‌ స్లిపర్‌ క్లచ్‌ సిస్టమ్‌తో 6 స్పీడ్‌
- డ్యూయల్‌ ఏబీఎస్‌
- ట్రయంఫ్‌ స్పీడ్‌ 400 ఎంవై25 ధర: రూ.2.40 లక్షలు (ఎక్స్‌- షోరూమ్‌)Triumph_Speed_400_MY25 (Triumph_Motorcycles)
మార్కెట్లో ఈ రెండు కొత్త బైక్స్కు పోటీ: బజాజ్‌- ట్రయంఫ్‌ భాగస్వామ్యంలో వచ్చిన ఈ రెండు కొత్త బైకులు జావా 42FJ, రాయల్ ఎన్ఫీల్డ్ హంటర్‌ 350, హీరో మావ్రిక్‌ 440 మోడల్స్కు గట్టి పోటీ ఇవ్వనున్నాయి.
