Alcatel V3 5G Series Launch: దేశీయ మార్కెట్లోకి 'ఆల్కాటెల్ V3 5G' సిరీస్ మరికొన్ని రోజుల్లో ఎంట్రీ ఇవ్వనుంది. ఇది ఫ్రెంచ్ కంపెనీ స్మార్ట్‌ఫోన్ సిరీస్. ఈ సిరీస్లో మూడు మోడల్స్ను తీసుకురానున్నట్లు తెలుస్తోంది. ఈ సిరీస్ మే 27న లాంఛ్ చేయనున్నట్లు కంపెనీ ప్రకటించింది. వీటిలో 'ఆల్కాటెల్ V3 అల్ట్రా 5G' మోడల్ను ఇప్పటికే కన్ఫార్మ్ చేసింది. తాజాగా ఇప్పుడు ఇందులో మిగిలిన రెండు స్మార్ట్ఫోన్ల అధికారిక టీజర్‌ను విడుదల చేసింది. ఈ రెండు స్మార్ట్ఫోన్ల పేర్లు ఆల్కాటెల్ 'V3 ప్రో 5G', 'V3 క్లాసిక్ 5G'. ఆల్కాటెల్ అనేది TCL కమ్యూనికేషన్ నిర్వహిస్తున్న ఒక ఫ్రెంచ్ స్మార్ట్‌ఫోన్ కంపెనీ.
ఆల్కాటెల్ V3 ప్రో 5G: కంపెనీ ఈ మోడల్ను మూడు వేరియంట్లలో తీసుకురానున్నట్లు తెలుస్తోంది. లాంఛ్ అనంతరం వీటిని ఫ్లిప్కార్ట్ ద్వారా విక్రయించనుంది. కంపెనీ ఈ ఆల్కాటెల్ V3 ప్రో 5G మైక్రోసైట్‌ను ఫ్లిప్‌కార్ట్‌లో లైవ్ చేస్తోంది. ఇది ఈ ఫోన్ బ్లాక్, గ్రీన్ కలర్ ఆప్షన్లలో తీసుకురానున్నట్లు చూపిస్తుంది. ఇకపోతే ఇది 120Hz రిఫ్రెష్ రేట్తో 6.7-అంగుళాల NXTPAPER డిస్ప్లేను కలిగి ఉంటుంది. ఈ ఫోన్ లో-బ్లూ లైట్, యాంటీ-గ్లేర్ వంటి ఐ-ప్రొటెక్షన్ ఫీచర్లకు కూడా సపోర్ట్ చేస్తుందని కంపెనీ ధృవీకరించింది. ఈ ఫోన్ అడాప్టివ్ కలర్ టెంపరేచర్, బ్రైట్‌నెస్‌తో పాటు నైట్ లైట్ మోడ్ ఫీచర్‌తో కూడా రాబోతోంది.
ఆల్కాటెల్ V3 క్లాసిక్ 5G: కంపెనీ 'ఆల్కాటెల్ V3 క్లాసిక్ 5G' మోడల్ను వైట్ కలర్ ఆప్షన్లో టీజ్ చేసింది. ఈ ఫోన్లో NXTPAPER డిస్ప్లే ఉంటుంది. ఈ డిస్ప్లే 120Hz రిఫ్రెష్ రేట్ కలిగి ఉంటుంది. ఇది స్పష్టమైన రంగులతో షార్ప్ కాంట్రాస్ట్‌ను అందిస్తుంది. ప్రాసెసర్ కోసం కంపెనీ ఈ ఫోన్లో మీడియాటెక్ డైమెన్సిటీ 6300 SoC చిప్‌సెట్ను అందించనుంది. దీనిలో 5200mAh బ్యాటరీని అమర్చనున్నారు. ఇది 18W ఫాస్ట్ ఛార్జింగ్ సపోర్ట్తో వస్తుంది. ఈ ఫోన్ వెనక భాగంలో కంపెనీ 50MP బ్యాక్ కెమెరాను అందిస్తుంది. సెల్ఫీలు, వీడియో కాలింగ్ కోసం ముందు భాగంలో కంపెనీ 8MP ఫ్రంట్ కెమెరాను అందిస్తుంది.
ఈ రెండు ఫోన్ల బాక్స్‌లో వినియోగదారులకు ఛార్జర్, ప్రొటెక్టివ్ కవర్‌ కూడా లభిస్తుంది.
ఆల్కాటెల్ V3 అల్ట్రా 5G: పైన పేర్కొన్న రెండు ఫోన్‌లు కాకుండా ఈ ఫోన్ సిరీస్‌లోని మూడవ ఫోన్ పేరు 'ఆల్కాటెల్ V3 అల్ట్రా 5G'. దీనిలోని అనేక స్పెసిఫికేషన్ల గురించి సమాచారం ఇప్పటికే అందుబాటులో ఉంది. కంపెనీ ఈ ఫోన్‌ను క్యాంపెయిన్ గోల్డ్, హైపర్ బ్లూ, ఓషన్ గ్రే కలర్ ఆప్షన్లలో లాంఛ్ చేయొచ్చు. ఈ సిరీస్‌లోని ప్రో, క్లాసిక్ వేరియంట్‌ల మాదిరిగానే అల్ట్రా వేరియంట్ కూడా NXTPAPER డిస్ప్లేను కలిగి ఉంటుంది. దీని పరిమాణం 6.8 అంగుళాలు ఉంటుంది. ఇది ఫుల్ HD ప్లస్ స్క్రీన్.
ఈ ఫోన్ వెనక భాగంలో 108MP మెయిన్ కెమెరా సెన్సార్ ఉంటుంది. ఇది 8MP సెకండ్, 2MP మూడవ కెమెరా సెన్సార్‌తో వస్తుంది. ఈ ఫోన్ 8GB RAM, 128GB ఆన్‌బోర్డ్ స్టోరేజ్ సపోర్ట్తో వస్తుంది. ఇది కాకుండా ఫోన్లో 5,010mAh బ్యాటరీని అమర్చనున్నారు. ఇది 33W ఫాస్ట్ ఛార్జింగ్కు సపోర్ట్ చేస్తుంది. ఇందులో DTS X సౌండ్ సపోర్ట్తో డ్యూయల్ స్పీకర్లు అందించనున్నారు. ఈ ఫోన్ ఒక e-SIM, ఒక ఫిజికల్ SIMకు సపోర్ట్తో వస్తుంది.
గూగుల్ క్రోమ్ యూజర్లకు కేంద్రం 'హై-రిస్క్' అలర్ట్‌- వెంటనే ఈ పని చేయకపోతే ఇక అంతే!
మీకు ఫొటోలు తీసే అలవాటుందా?- ఈ కారు జోలికి మాత్రం పోవద్దు- మీ ఫోన్ కెమెరా ఖతం!
సూపర్ ఫాస్ట్ ఛార్జింగ్ బ్యాటరీని ఆవిష్కరించిన భారత్- 6 నిమిషాల్లో 80% ఛార్జ్- ధర కూడా తక్కువే!
