Variety of Products at Old Seeds Festival in Alluri District : తూర్పు కనుమల్లోని ప్రకృతి అందాలే కాదు అటవీ ఉత్పత్తులూ ఔరా అనిపిస్తుంటాయి. అల్లూరి సీతారామరాజు జిల్లా డుంబ్రిగుడ మండలం కిల్లోగుడలో సంజీవిని సంస్థ నిర్వహిస్తున్న ‘పాత విత్తనాల పండగ’లో వెరైటీ ఉత్పత్తులు సందర్శకులను ఆకట్టుకుంటున్నాయి. అలాంటివే డుంబ ఉల్లి, కొండ గిలక్కాయ్‌. ఓ మహిళ చేతిలో డుంబ ఉల్లిని పట్టుకుని దాని గురించి వివరించింది. ఈ ఉల్లి ఒకటి కిలో బరువుంది. కొండల్లో రాళ్ల మధ్య అరుదుగా పెరుగుతాయని స్థానికులు తెలిపారు. ఉల్లి గుజ్జును చర్మ వ్యాధులకు, గొంతు నొప్పి నివారణకు, పశు వైద్యానికి వాడుతామని గిరిజనులు వివరించారు.
ఈ గిరిజన రైతు చేతిలో భారీ చింతకాయలా ఉన్నదే కొండ గిలక్కాయ. వీటి చెట్లు ఒడిశా సరిహద్దులో చువ్వ ప్రాంతంలో ఉన్నాయని వారు తెలిపారు. ఒక్కో గిలక్కాయ 5 నుంచి 6 అడుగుల పొడవు ఉందని, ఇందులోని పిక్కలను ఔషధాలుగా ఉపయోగిస్తామంటున్నారని గిరిజనులు తెలిపారు.
విదేశీ పంటలను పండిస్తున్న గిరిజనులు - అల్లూరి జిల్లాలో అదరగొడుతున్న రైతులు
