Driver Posts In Hydra : హైడ్రా (హైదరాబాద్ డిజాస్టర్ రెస్పాన్స్ అండ్ అస్సెట్ ప్రొటెక్షన్ ఏజెన్సీ)లో డ్రైవర్లుగా చేరేందుకు తెలంగాణ రాష్ట్ర నలుమూలల నుంచి పెద్ద సంఖ్యలో యువత హైదరాబాద్లోని హైడ్రా ఆఫీసుకు తరలివచ్చింది. ఔట్ సోర్సింగ్ విధానంలో 200 డ్రైవర్ పోస్టులను భర్తీ చేసేందుకు ఇటీవల హైడ్రా పత్రికా ప్రకటనను జారీ చేసింది.
వారికి మాత్రమే అర్హత : 19వ తేదీ నుంచి రెండు రోజులపాటు దరఖాస్తులు స్వీకరిస్తామని హైడ్రా అధికార వర్గాలు పేర్కొన్నాయి. అయితే 2022-23 ఏడాదికి పోలీసు కానిస్టేబుల్ ఉద్యోగాల్లో స్వల్ప మార్కులతో ఉద్యోగం కోల్పోయిన వారు మాత్రమే దరఖాస్తు చేసుకునేందుకు అర్హులని వెల్లడించింది.
"నేను మిర్యాలగూడ నుంచి వచ్చాను. హైడ్రాలో ఉద్యోగ ప్రకటన చూసి హైదరాబాద్కు ఉదయమే చేరుకున్నాను. మా స్నేహితులు హైడ్రాలోనే ఇప్పటికే జాబ్ చేస్తున్నారు. వారు బాగానే ఉందని చెబుతున్నారు. ఉద్యోగం వస్తే చక్కగా చేసుకుంటా" - నిరుద్యోగ అభ్యర్థి
200 మందిని డీఆర్ఎఫ్లోకి : దీంతో వివిధ జిల్లాల నుంచి పెద్ద సంఖ్యలో యువత హైడ్రా సూచించిన కార్యాలయానికి చేరుకొని దరఖాస్తులు సమర్పించారు. రాష్ట్ర పోలీసు రిక్రూట్ మెంట్ తుది ఫలితాల నివేదిక ఆధారంగా అందులో పేర్లు మ్యాచ్ అయిన వారి దరఖాస్తులను మాత్రమే హైడ్రా సిబ్బంది స్వీకరించారు. ఇప్పటికే 200 మంది అభ్యర్థులను డీఆర్ఎఫ్ (జిజాస్టర్ రెస్పాన్స్ ఫోర్స్)లోకి తీసుకున్న హైడ్రా మరో 200 మందిని తీసుకునేందుకు సిద్ధమైంది. దీనికి సంబంధించిన వీడియోను ఈటీవీ భారత్ చిత్రీకరించింది.
మియాపూర్లో కదిలిన హైడ్రా బుల్డోజర్లు - హెచ్ఎండీఏ లేఅవుట్లో అక్రమ నిర్మాణాల ధ్వంసం
కోహెడ కబ్జా స్థలాన్ని సందర్శించిన హైడ్రా కమిషనర్ - అక్రమదారులపై కేసు నమోదు
