Unique Wedding in Tenali : వారికి తనే మన అంటూ ఎవ్వరూ లేరు. లోకం చూసిన దగ్గర నుంచి అనాథలుగానే జీవితాన్ని ప్రారంభించారు. అలాంటి వారు జేఎమ్జే స్వధార్ హూమ్లో ఆశ్రయం పొందుతున్నారు. అలా వారిలో కొందరూ సొంతకాళ్లపై నిలబడ్డారు. అంతేకాకుండా పెళ్లి చేసుకుని ఓ ఇంటి వారవుతున్నారు. తాజాగా ఈరోజు గుంటూరు జిల్లా తెనాలిలోని స్వధార్ హోమ్లో ఉంటున్న ఎం.సుద్రి అనే యువతి మూడుముళ్ల బంధంతో ఓ కొత్త జీవితాన్ని ఆరంభించింది. ఈ వివాహ వేడుక సిస్టర్ హృదయ మేరీ నేతృత్వంలో ఘనంగా జరిగింది.
పెళ్లికి సంబంధించిన వస్తువులు కూర్పు: అనాథ యువతి ఎం.సుద్రికి వినుకొండ మండల గ్రామం జంగాల గ్రామానికి చెందిన తేజసాయితో వివాహం జరిగింది. ఈ వివాహ వేడుకను అంగలకుదురు గ్రామానికి చెందిన గణేష్ యూత్ అధ్యక్షుడు వీరవల్లి మురళి, ఉపసర్పంచ్ కనగాల నాగభూషణం మిత్ర బృందం దగ్గరుండి జరిపించారు. ఈ సందర్భంగా పెళ్లికి సంబంధించిన మంగళసూత్రం, పట్టుచీరలు , తదితర వస్తువులను వారు సమకూర్చారు. స్వధార్ హోమ్ చేస్తున్న కార్యక్రమాలు అభినందించదగ్గ విషమని మురళి పేర్కొన్నారు.
హోమ్లో మొత్తం 46 మంది అనాథలు: కాగా స్వధార్ హోమ్లో మొత్తం 46 మంది అనాథ పిల్లలు ఉన్నారు వారు ఒకవైపు చదువుకుంటూనే మరొకవైపు కంప్యూటర్ కుట్టుమిషన్ ఎంబ్రాయిడరీ వంటి పలు వాటిలో శిక్షణ తీసుకుంటున్నారు. వారు వివిధ రంగాల్లో శిక్షణ ఇచ్చి స్వయం ఉపాధిని సాధించే దిశగా కృషి చేస్తున్న ఈ కార్యక్రమంలో తేజసాయి తల్లిదండ్రులు అభిషేక్ , శేషరత్నం, గణేష్ యూత్కు చెందిన ఖాదర్, సలాం ,నిజాం, ముప్పవరపు సాంబశివరావు తదితరులు పాల్గొన్నారు.
వాట్సప్లో వెడ్డింగ్ కార్డ్ వైరల్ - ఆగిన పెళ్లి
"వివాహాల విశ్వావసు" నామ సంవత్సరం - ఏప్రిల్లో రికార్డు స్థాయిలో శుభముహూర్తాలు
